San Lucas 1:6 - Nuevo Testamento Uwotjüja

⁶ Jua̧u̧ irekuaku ta̧ju̧kuäyotü Dio ä'kattümä̧ adiwomȩnä̧ kki̧nä̧tü̧ ja̧'wa̧ta̧nü̧ tu̧ru̧wa̧ weü'anü̧tä̧ ukuotü kka̧kui̧nä̧tü̧,

TÄ̧DO Ä̧CUÄ̧ I̧HUȨNȨ

⁶ Jahuätö ta̧ju̧ adihuä isotö pi̧nä̧tö̧do Dios ä'ca jo̧mȩttö̧. Eseti'äjinätödo Tu̧ru̧hua̧ hueö huȩnȩ. Ja̧'hua̧nö̧ ja̧'a̧ttö̧ yoröiso ya̧tȩ'i̧nä̧ huȩnȩtä̧rö̧ ttucuocuoco̧u̧ pi̧nä̧tö̧do.

San Lucas 1:6 Referans Kwoze

Filipenses 2:15

Ukuturu suronä̧ pättü juiyünä̧ kka̧kuä̧tu̧kui̧, pi̧jä̧ ttü̧ja̧ suropätü ttü̧'kä̧tȩnä̧ ku̧ja̧kuä̧tu̧kua̧'a̧ttü̧, ukutumä̧ Dio i̧tti̧mü̧jä̧, isopäi'ünä̧ ukutumä̧ pi̧jä̧ttü̧mä̧ tejäwore kkȩdȩpa̧'a̧ jä̧'i̧nü̧'a̧nü̧ kka̧kuä̧tu̧kui̧.

Hechos 24:16

Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

1 Juan 2:3

Chutä weinü̧ ukuotü jȩpü̧ tü̧ja̧kua̧'a̧ttü̧, Jua̧u̧ru̧ wo̧juä̧tü̧jä̧.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.

1 Juan 3:7

Chi̧tti̧mü̧ wotü, ya̧tȩrü̧'i̧nä̧ kuesetätukuä ya̧pa̧rȩwa̧rü̧mä̧. Adiwäjuei jȩpü̧ kkü̧mä̧, adiwä i̧sa̧ ja̧'a̧; Chutä Jesú adiwä i̧sa̧ jü̧ta̧'a̧nü̧;

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

Colosenses 1:22

Ja̧'wa̧nü̧ jȩpü̧, Crito-mä̧ idepänä̧, wa'ü iku, surojü jui'ätü sa̧tu̧ jü̧nä̧, idiku juiyünä̧, ro̧ȩkuä̧ jui'ätü jü̧nä̧, juoepinä̧u̧jä̧ Dio ä'kattü.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

1 Corintios 11:2

Chawaruwä chi̧jä̧wa̧tü̧ ukuturu eseusä o'kajuiyünä̧tä̧ ttürü amükuädü jȩ'kuä̧tu̧kua̧'a̧ttü̧, chu̧wo̧juȩti̧nü̧'i̧nä̧ ukuotü jȩ'kuä̧tu̧kua̧'a̧ttü̧.

Hechos 23:1

Ja̧'wa̧nü̧ ja̧'a̧ Pauru-mä̧ ukuo isotü Sanedrín, pättä̧u̧ru̧ topünü̧, pä'inü̧: —Chawaruwä chü̧jä̧wa̧tü̧, kkoro juei juiyünä̧ amükuädü kkä̧'i̧jü̧sä̧ Dio ä'ka jo̧mȩttü̧, jitä pi̧yȩ mo̧ro̧bü päi'ünä̧.

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

San Lucas 1:7

Ja̧'wa̧nü̧ ja̧'a̧nä̧ tti̧tti̧mü̧mä̧ to'inä̧tü̧, jua'amä̧ Isabe muchaju juojü juiyünä̧ ja̧'a̧ttü̧, jua'a yabo päi'ünä̧ ttubüäkuomȩtä̧mä̧.

San Lucas 2:25

Jua̧u̧nü̧ pä̧nä̧ Jerusarȩ́ ütawiyänä̧mä̧ ya̧tȩ Simeón pä'ü mi̧kua̧ kki̧nü̧. Jua̧u̧mä̧ rȩrü̧jü̧ toäkuäwä i̧sa̧ jü̧nä̧ kkä̧nü̧'i̧nä̧ Dio-rü ukuotinü̧, Irae ttü̧ja̧rü̧ surojüttü rä'epü ikuiyarü pä'ü tta̧'ä̧ri̧nü̧. Ja̧'wa̧nü̧ ü̧jo̧mȩnä̧ Epíritu Sa̧tu̧'i̧nä̧ ü̧ji̧nä̧ku̧,

Hechos 2:25

Ru̧wa̧ rey Dawi-mä̧, Jesú ütü'kü pä'inü̧: 'Kuäopünä̧ chä'kanä̧tä̧ topinü̧sä̧ Chu̧ru̧wa̧rü̧mä̧; jua'amä̧ chu̧wo̧jua̧'a̧ku̧nä̧ ü̧ja̧'a̧ttü̧, ma̧dä̧chü̧ juiyünä̧.

Hechos 8:21

Ukumä̧ pi̧yȩ jäwämä̧ kuȩmü̧ juiyü'anü̧ wa̧jä̧, Dio ä'ka jo̧mȩttü̧ adiu jueünä̧ kuamü̧kuädoka'attü̧.

Romanos 8:4

Weäwä wȩnȩ weä'ijümä̧ ujutunä̧ jo̧mȩnü̧ päi'a pä'ü, jȩpi̧nü̧; jua'amä̧, täkü tidepä pä̧wä̧rü̧ja̧'a̧ku̧ jȩpü̧ ttü̧ja̧ku̧ juiyünä̧, pärokua'aku Epíritu Sa̧tu̧rü̧ pä̧wä̧rü̧jo̧mȩnä̧ jȩpü̧ tü̧ja̧kui̧ya̧rü̧ pä'ü.