Biblia Todo Logo
Bib sou entènèt

- Piblisite -




San Juan 9:39 - Nuevo Testamento Uwotjüja

39 Jua̧u̧nü̧ o'ka'a Jesú-mä̧ pä'inü̧: —Adiu ja̧ pä'ü'i̧nä̧, surojü ja̧ pä'ü'i̧nä̧ jiäu ichinü̧sä̧, ä̧to̧kä̧tü̧mä̧ totta pä'ü ja̧'wa̧ta̧nü̧ topätümä̧, ttä̧to̧kä̧cha̧ pä'ü.

Gade chapit la Kopi

TÄ̧DO Ä̧CUÄ̧ I̧HUȨNȨ

39 Ja̧u̧nu̧ o'ca'a Jesús pä'inödo: —Ttömä pi̧jä̧ra̧'a̧, adihuä juäi jȩcha̧ pä'ö ichinösä. Ä̧to̧cä̧tö̧ totta pä'ö ichinösä. Ja̧'hua̧ta̧nö̧ topätömä, ttä̧to̧cä̧cha̧ pä'ö ichinösä.

Gade chapit la Kopi




San Juan 9:39
34 Referans Kwoze  

Pa̧'a̧nü̧ jo̧mȩnä̧ ro̧ȩpä̧kua̧ Dio-mä̧: Ttümä̧ pi̧jä̧ra̧'a̧ ichinü̧sä̧, Ttütä ja̧'a̧ tȩya̧u̧, yo̧mȩ kkȩdȩpü̧mä̧; ja̧'wa̧nü̧ ja̧'a̧nä̧ ttü̧ja̧mä̧ yo̧ü̧tä̧ eseu repe'ätü, surojütä jȩtta̧'a̧ttü̧.


Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.


tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.


Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.


Ja̧'wa̧nü̧ ja̧'a̧nä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧, yo̧ü̧nä̧ kkä̧nü̧, yo̧ü̧nä̧tä̧ kue'ächü; i̧'cho̧mȩ'i̧nä̧ jȩru̧pa̧, yo̧ü̧ ä̧to̧dü̧ ikuinä̧ku̧ ja̧'a̧ttü̧.


Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;


Rü̧ȩnä̧ yo̧ü̧nä̧ kka̧kuä̧tü̧rü̧ ja̧'wa̧ta̧nü̧ wa'are ujurunä̧ kka̧kuä̧tü̧rü̧ tȩya̧u̧ i'chächü iya pä'ü. Ja̧'wa̧ta̧nü̧ wȩnȩ jui̧yä̧mä̧nä̧ ti̧'chü̧nä̧ weye juoepa pä'ü.


Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.


Ja̧'wa̧nü̧ ja̧'a̧ttü̧ pä'a: Ukú ä'ümä̧, porächi'i; ja̧'wa̧ta̧nü̧ wa'ü ikuinä̧tü̧ttü̧ ä̧rä̧mi̧'i̧, ja̧'wa̧nü̧ jȩ'kuo̧mȩnä̧ Crito i̧tȩjä̧dä̧kua̧jä̧.


To'e'ächätürümä̧, jua̧u̧ adiu a̧mȩu̧mä̧, wa'ü ttikua pä'ütä ja̧'a̧ ja̧'wa̧nü̧ ja̧'a̧nä̧ ra̧wä̧pi̧jü̧ttü̧ kka̧kui̧pä̧tü̧rü̧mä̧ jua̧u̧ adiu a̧mȩu̧mä̧ a̧'kua̧rä̧kuä̧wä̧tä̧ iya'a. ¿Ja̧'wa̧nü̧ ja̧'a̧mä̧, ditä ja̧'a̧jä̧ttü̧ pi̧yȩ ȩmü̧'a̧nü̧ wa̧mä̧?


Jua̧u̧mä̧ ädätinä̧u̧: —Surojü jȩpä̧'i̧jü̧ pä'ümä̧ jȩru̧pa̧sä̧. Ttü chu̧wo̧juö̧mä̧, ä'kojimä̧ chä̧to̧ki̧na̧'a̧nä̧, jitämä̧ tochütä ja̧'a̧.


Ukutumä̧ pi̧jä̧ ttü̧ja̧ ttamu̧kuäda'akutä, adiu ja̧ pä'ü'i̧nä̧, surojü ja̧ pä'ü'i̧nä̧ pä'ätüjä̧. Ttümä̧ ya̧tȩrü̧'i̧nä̧, adiu ja̧ pä'ü'i̧nä̧, surojü ja̧ pä'ü'i̧nä̧ pä'oküsä.


Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.


Ja̧'wa̧nü̧ ja̧'a̧ttü̧ juorümä̧ yotukunä̧, rüjinä̧ wotümä̧, ä̧kuo̧mȩnä̧ pätti'äkuotü ja̧'wa̧ta̧nü̧ ä̧kuo̧mȩnä̧ wotütä, rüjinä̧ pätti'äkuotü.


Ja̧'wa̧nü̧ 'kuäopa'anä̧mä̧ rekuätürü ttümäricheittü'i̧nä̧, ubara ttuttu'i̧nä̧ aditü ikuinü̧ ja̧'wa̧ta̧nü̧ epíritu-tu̧ suropätü ttü̧ja̧kuä̧u̧ru̧'i̧nä̧ ja̧'wa̧ta̧nü̧ ä̧to̧kä̧tü̧rü̧'i̧nä̧ aditü ikuinü̧.


Ja̧'wa̧nü̧ ja̧'a̧ttü̧ Simeón-mä̧, juätürü Dio ppädiyarü pä'ünü̧, María-rü pä'inü̧: —Pide ji̧'ki̧cha̧wa̧mä̧ Irae ttü̧ja̧ rekuätü ttä̧rä̧mu̧nä̧'i̧nä̧, ja̧'wa̧ta̧nü̧ rekuätü ma̧ttä̧chü̧nä̧'i̧nä̧ ja̧ pä'ü wȩ'ä̧wa̧ ja̧'a̧. Ja̧'wa̧nü̧ ja̧'a̧ttü̧ jua̧u̧ru̧ to'ija̧'a̧ku̧ ttukuokuäkuotü.


Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.


Ja̧'wa̧nü̧ ja̧'a̧nä̧ kui'äriyä surojomȩnä̧mä̧, jä̧ttä̧pä̧ya̧rü̧mä̧ yo̧ü̧tä̧ kka̧'a̧. Ja̧'wa̧nü̧ ja̧'a̧ttü̧ ukunä̧ kkü̧ tȩya̧u̧ a̧'u̧kuo̧mȩnä̧mä̧ yo̧ü̧tä̧ kkȩdä̧rä̧ku̧jä̧, ukú jä̧ttä̧pä̧ya̧rü̧mä̧.


Ja̧'wa̧ta̧nü̧ surojümä̧ o'kajuiyünä̧tä̧ jȩä̧kua̧ ro̧ȩkuä̧ra̧'a̧ tti̧'chä̧kuo̧tü̧rü̧ üyaparewa pä'ümä̧, Isopäi'ünä̧ juätümä̧ ra̧wäpi̧jü̧ttü̧ ttü̧ji̧pa̧ pä'ümä̧ isopäi'ünä̧ wȩnȩmä̧ ttesewoka'a ja̧'wa̧ta̧nü̧ tteseta pättoka'a ji̧na̧'a̧ttü̧.


Ja̧'a̧tä̧ topätukuitü, jitütä'i̧nä̧ tä̧to̧ka̧'a̧nä̧ kkorotü ä̧to̧kä̧tü̧rü̧ oikuä isotü. Ja̧'wa̧nü̧ ja̧'a̧ttü̧ ya̧tȩ ä̧to̧ka̧ kka̧ra̧rü̧ oipüttümä̧ ta̧ju̧kuäyotü rejunä̧ ma̧ttä̧chä̧kuo̧tü̧.


Jitä porü kkä̧mä̧dü̧ pi̧jä̧ ttü̧ja̧rü̧ adiu jȩtta̧ja̧ pä'ü'i̧nä̧, surojü jȩtta̧ja̧ pä'ü'i̧nä̧ päwi'äkua'a; jitä kkä̧mä̧dü̧ pi̧jä̧nä̧ we'ä'ijürü rä'epü ikuäwächa'a.


Swiv nou:

Piblisite


Piblisite