San Juan 9:22 - Nuevo Testamento Uwotjüja

²² Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.

TÄ̧DO Ä̧CUÄ̧ I̧HUȨNȨ

²² Jä'o'inä, ja̧ju̧'i̧nä̧ judíos ttö̧ja̧rö̧ ye'ecu, ja̧'hua̧nö̧mä̧ pä'inätödo. Jahuätö judíos ttö̧ja̧ ä'canä ji̧nä̧ yo̧mȩtȩ amöcuädö, pä'inätödo: —Ya̧tȩ Jesús iso päi'önä Cristodo pä'örömä, judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ ticuäcuotöjä.

San Juan 9:22 Referans Kwoze

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

San Juan 7:13

Ja̧'wa̧nü̧ ja̧'a̧nä̧, jua̧u̧ ütü'kümä̧, ttü̧ja̧ ttä'kattü wäjuönä̧mä̧ judío-rü ye'eku ukuokuokotü pinä̧tü̧.

San Lucas 6:22

Eseäkuäwä rȩbȩä̧kuä̧wä̧kua̧'a̧, Ttü jäwänä̧, ttü̧ja̧ ukuturu kkü'kü jui'ü ya̧'a̧wä̧'chü̧, kuäkuäpü jȩtto̧mȩnä̧.

San Juan 9:34

Pä̧i̧yä̧u̧ pättinä̧ku̧: —Ukú, surojünä̧ uwäpächinü̧mä̧, ¿Ujuturu ku̧wo̧juȩta̧'a̧ tä̧jí̧? pä'ü rä'epü ttikuinä̧ku̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Hechos 5:40

Ja̧'wa̧nü̧ jua̧u̧ku̧ esekuäjä'kotü; apótore-rü wopo'ü, kuäkuättünä̧ we'äjä'kotü, Jesú i̧mi̧nä̧ ttukuoku juiyünä̧tä̧ ye'epe'ipü, rä'epü tti̧kui̧nä̧u̧.

Hechos 5:13

Ja̧'wa̧nü̧ ja̧'a̧ kkorotümä̧ ya̧tȩ'i̧nä̧ juätuku ppättächi'amä̧ pä'okotü pinä̧tü̧; ja̧'wa̧nü̧ jo̧mȩnä̧ ttü̧ja̧mä̧ rü̧ȩnä̧ ttukuotinä̧u̧.

Hechos 4:18

Ja̧'wa̧nü̧ ja̧'a̧ttü̧ wopo'ü, ya'utekutä Jesú i̧mi̧nä̧mä̧ ukuoku'i̧nä̧, wo̧juȩtü̧'i̧nä̧ jȩttü̧ juiyünä̧tä̧ pä'ü ttu̧ju̧ni̧nä̧u̧.

San Juan 20:19

Semana-ttü̧ ä̧kuo̧mȩnä̧ mo̧ro̧, ni̧pä̧cho̧mȩnä̧ u̧wo̧juȩtä̧u̧mä̧, judío-rü ye'eku äpate ppe'tädü ikuäwa'a ka̧ka̧kuä̧jä̧'kotü ttü̧'ȩja̧'a̧, Jesú-mä̧ do'ächi'ü, u̧wo̧juȩtä̧u̧ ttü̧'ȩjo̧mȩ kkä'ko kkä̧mä̧dü̧ te'äu päinä̧u̧: —¡Wȩnȩ juiyü jäwä ukunä̧ kka̧ pä'üsä!

San Juan 19:38

Pi̧yȩ 'kuäopäji o'ka'a, Arimatea ütawiyä i̧sa̧, José pä'ü mi̧kua̧, Jesú u̧wo̧juȩtä̧u̧ i̧sa̧ ja̧'a̧, judío-rü ye'eku, yä̧wȩi̧nä̧ Jesú o'ko jäwä rä'epü ikua pä'ü Pilato-rü jä'epü 'chi̧nü̧. Ja̧'wa̧nü̧ ja̧'a̧, José-mä̧, Jesú o'ko jäwä ȩmi̧pi̧nü̧.

San Juan 1:19

Ju̧a̧-mä̧ pi̧yȩ ji'äwinü̧, Jerusarȩ́-ra̧'a̧ttü̧ judío tturuwotü, sacerdote wotü'i̧nä̧, Levitas pä̧ttä̧u̧'i̧nä̧, ¿Ukumä̧ dí kua'ajä̧ttü̧? pä'ü jä'epü ttä̧ju̧kua̧rü̧ pä'ü wettäjäkumä̧.

San Juan 9:18

Ja̧'wa̧nü̧ pä'anä̧, judío-mä̧ ä̧to̧kä̧ji̧ o̧'ka̧rü̧ esetü jui'ü, jä'orü'i̧nä̧, ja̧ju̧ru̧'i̧nä̧ wopinä̧tü̧.

San Juan 9:21

ja̧'wa̧nü̧ ja̧'a̧nä̧ jitä i'äre toa'amä̧ ja̧'wa̧nü̧ jä̧ja̧'a̧ topü pä'ümä̧ jerupätüjä̧. Chutätä täkü büó, churutä jä'epü ä̧ju̧kuä̧tu̧kui̧rü̧, chutä jiäwätukuaku.

San Juan 9:35

Jesú-mä̧ ä̧ju̧kui̧nü̧: ä̧to̧kä̧ji̧ päjirü rä'epü ikuäjätüdo pätta'a; jua̧u̧nü̧ o'ka'a topümä̧, jä'epü ä̧ju̧kui̧nä̧ku̧: —¿Ukumä̧, isopäi'ünä̧ Ubo I̧tti̧rü̧ esetüjä̧?