San Juan 9:16 - Nuevo Testamento Uwotjüja

¹⁶ Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧ ja̧'a̧ttö̧ fariseos huotöttö korotö pö̧nä̧ pä'inätödo: —Ja̧'hua̧nö̧ jȩpä̧ji̧mä̧, Dios huȩ'ä̧hua̧mä̧cö̧. Ja̧u̧mä̧ ttö̧ja̧ 'cuättächi'ö mo̧ro̧ ucuotocö. Korotömä pä'inätödo: —Ya̧tȩ suronä jȩpö̧mä̧, ¿ja̧'hua̧nö̧ ttö̧ja̧ ttieru juäi jȩpö̧ tä̧ji̧? Ja̧'hua̧nö̧ pättomenä, yoröiso ji̧nä̧ yo̧mȩtȩnä̧ amöcuädocotö pi̧nä̧tö̧do.

San Juan 9:16 Referans Kwoze

San Juan 10:19

Pa̧'a̧nü̧ päomȩnä̧, judío-mä̧ pä'äjita'anü̧ pä'ä'chäkuäwinä̧tü̧.

San Juan 7:43

Ja̧'wa̧nü̧ jo̧mȩnä̧, Jesú jäwänä̧ pä'äkuäu ttü̧ja̧mä̧ 'kȩ'ȩkuä̧chi̧nä̧tü̧.

San Juan 7:12

Ja̧'wa̧nü̧ ja̧'a̧, Jua̧u̧ ütü'kü ttü̧ja̧mä̧ rü̧ȩnä̧ ukuokuinä̧tü̧: kkorotümä̧, «adiwä i̧sa̧ pä'ijü pätta'anä̧, kkorotümä̧ ttü̧ja̧rü̧ surojuo'epü» pä'ü.

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Mateo 12:2

Ja̧'wa̧nü̧ ttukua'a topü fariseo wotümä̧ Jesú-ru pä'inä̧tü̧: —Topittü̧, ku̧wo̧juȩtä̧u̧mä̧ sawaru mo̧ro̧ jȩä̧kuä̧wo̧kü̧ jä̧'i̧jü̧ jȩpä̧tü̧.

San Juan 15:24

Surojü jȩttü̧mä̧ jui'ajatü, ttü̧'kä̧tȩttü̧ ya̧tȩ'i̧nä̧ jȩo̧kü̧ ja̧jü̧ juei jȩcho̧ka̧'a̧ jä̧'i̧jü̧ttü̧mä̧; ja̧'wa̧nü̧ ja̧'a̧nä̧, jitämä̧ topä'ijätü ja̧'wa̧nü̧ topü ttürü'i̧nä̧ ttüjü'koka'amä̧, chä'orü'i̧nä̧ kkü'kokotü.

San Juan 14:11

Esetittü, ttümä̧ Chä'oku kkü̧sä̧ ja̧'wa̧ta̧nü̧ Chä'o'i̧nä̧ ttünä̧ kkü̧; ja̧'wa̧nü̧ jü̧ juiyüttü'i̧nä̧, jȩchü̧ttü̧ topü eseti.

San Juan 9:24

Pä'äji jä̧ji̧ta̧'a̧nü̧ ä̧to̧ki̧nü̧ päjirü judío-mä̧ wopo'ü pättinä̧ku̧: —¡Isopäi'ünä̧ Dio jäwä ja̧'a̧ pä'ü, Dio-rü esewi. Ujutumä̧, jua̧u̧ru̧mä̧ surojü kku̧nä̧rü̧ pä'ätüjä̧!

San Juan 6:52

Ja̧'wa̧nü̧ päomȩnä̧, judío-mä̧ tta̧mü̧nä̧ wopäkuäwinä̧tü̧: —¿Toku i̧yä̧kuä̧u̧jä̧ttü̧ idepä ttukua pä'ümä̧?

San Juan 5:36

Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧.

Hechos 14:4

Ja̧'wa̧nü̧ jo̧mȩnä̧, Iconio ttü̧ja̧mä̧ ttieruwünä̧ ji̧nä̧u̧, ju'totümä̧ judío-rü ttesekua'anä̧, kkorotütä Pauru-rü, Bernawé-rü esekuinä̧tü̧.

San Mateo 12:10

Doächi'omȩnä̧, juodenä̧mä̧ u̧mü̧ ji̧mü̧tȩ jo'ächächinü̧ ya̧tȩ kki̧nü̧; jua̧u̧ ü̧ji̧yä̧u̧ Jesú-ru jä'epü ä̧ju̧kui̧nä̧tü̧, suronä̧ jȩpä̧ji̧ pä'ü, chutä ütü'kü jittäwa pä'ü ttusomȩ ja̧'a̧: ¿Sawaru mo̧ro̧'i̧nä̧ na̧'ä̧chü̧rü̧mä̧ aditü ttiku'anü̧ ja̧'a̧ pä'ü?

San Lucas 13:14

Ja̧'wa̧nü̧ Jesú-mä̧ Sawaru mo̧ro̧ aditü ikua'a topü, sinagoga isode u̧ru̧wa̧mä̧ ra̧wä̧ri̧pü̧ ttü̧ja̧rü̧ pä'inü̧: —Kko̧ro̧mü̧ttü̧nü̧ ya'ute mo̧ro̧ jo̧mȩnä̧ kka̧'a̧ adikuä mo̧ro̧mä̧; jua̧u̧nü̧ mo̧ro̧tä̧ ichätukui, ja̧'wa̧nü̧ ja̧'a̧nä̧ Sawaru mo̧ro̧mä̧ aditü ttikuätukuaku pä'ümä̧ kuichätukuä.

San Juan 2:11

Pi̧yȩ ji̧na̧'a̧, Jesú Galirea rȩjȩttü̧, Caná ütawiyättü ä̧kuo̧mȩnä̧ jȩtto̧kü̧ juei jȩi̧nü̧mä̧, ujuru i̧jȩpü̧. Ja̧'wa̧nü̧ jȩa̧'a̧ topü u̧wo̧juȩtä̧u̧mä̧ ttesetinä̧ku̧.

San Juan 5:10

Judío-mä̧, jua̧u̧ pi̧'ä̧ji̧rü̧mä̧ pä'inä̧tü̧: —Pi̧yȩ mo̧ro̧mä̧, sawaru mo̧ro̧ ja̧'a̧; ku̧'ä̧'i̧jä̧bämä̧ kuȩpa̧ pä'ü weäwoka'a.

San Juan 7:23

Ja̧'wa̧nü̧ Moisé weinü̧, jarodü jui'ü, sawaru mo̧ro̧ ja̧'a̧nä̧'i̧nä̧ circuncisión ttü̧ja̧rü̧ jȩ'kuä̧'i̧jä̧tu̧kua̧'a̧nä̧, ¿Tta̧'a̧nü̧ pä'ü, ttürümä̧ ku̧ra̧wä̧rä̧tü̧kua̧'a̧jä̧ttü̧, ttü̧ja̧sa̧rü̧ sawaru mo̧ro̧ jo̧mȩnü̧ aditü chikuäja'amä̧?