San Juan 8:44 - Nuevo Testamento Uwotjüja

⁴⁴ Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

TÄ̧DO Ä̧CUÄ̧ I̧HUȨNȨ

⁴⁴ Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

San Juan 8:44 Referans Kwoze

Hechos 13:10

päinä̧ku̧: —¡Isoo, yapareäkuäwätä, surojütä jo̧mȩnü̧ wa̧jä̧, äwettätä i̧tti̧jä̧, adiwä wȩnȩ aboi̧ya̧tä̧ wa̧jä̧! ¿Tu̧ru̧wa̧ u̧mä̧nä̧ jueü mä̧nä̧, surojuokuepa'amä̧ ti̧yȩnü̧tä̧ käkuädäkua'ajä̧ttü̧?

1 Juan 3:12

Caín, äwettä i̧tti̧ ja̧'a̧ ü̧jä̧wa̧rü̧ kuä'ü ikuinü̧'a̧nü̧mä̧kü̧. ¿Jua̧u̧mä̧ tta̧'a̧nü̧ pä'ü kuä'ü ikuina̧'a̧ jä̧ttü̧? Jua'amä̧ Chutä jȩü̧mä̧ surojü jä̧ku̧, i̧jä̧wa̧tä̧ jȩü̧tä̧ adiwä juei ji̧yä̧ku̧, kuä'ü ikuinü̧.

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

San Juan 8:38

Ttümä̧, chä'ottü tochinü̧tä̧ ukuokusä; ukutumä̧ kuä'otüttü̧ kuä̧ju̧kui̧nä̧tu̧ku̧tä̧ jȩpä̧tü̧jä̧.

San Juan 8:41

Ukutumä̧, kuä'otuku jȩü̧tä̧ jȩpä̧tü̧jä̧. Päomȩnä̧ ttädätinä̧ku̧: —Ujutumä̧, u̧mi̧ isotüttümä̧ tti̧tti̧mü̧mä̧ku̧jä̧; ujutu Tä'omä̧ ya̧tȩtä̧ ja̧'a̧, Dio-tä.

1 Juan 3:15

O'katoi'ünä̧ ttawaruwä tti̧jä̧wa̧tü̧rü̧ kkü'kokotümä̧, ttü̧ja̧rü̧ kuäwä isotü ja̧'a̧; ukutumä̧ wo̧juä̧tü̧jä̧ ttü̧ja̧rü̧ kuäwä i̧sa̧mä̧, 'kuäopünä̧mä̧ kkä̧kuä̧wä̧ i'komä̧ jui̧ä̧kua̧ pä'ü.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

Judas 1:6

Ja̧'wa̧ta̧nü̧ á̧gȩrȩ-rü ttaditäwä tta̧ttä̧rä̧kuä̧wo̧ka̧'a̧, ttü̧ja̧kuo̧mȩttü̧ rä'opächinä̧tü̧rü̧mä̧, Dio-mä̧ yo̧mȩ 'kuäopünä̧tä̧ ttü̧'ȩjü̧nä̧ kärenä̧ ütinä̧u̧, ji̧yȩnü̧ ü'ojo'ü mo̧ro̧bü päi'ünä̧.

1 Juan 2:4

Ttümä̧, «Jua̧u̧ru̧ wo̧jua̧sä̧» pä'anä̧, weinü̧ ukuotokomȩnä̧mä̧, ja̧'wa̧nü̧ pä'ümä̧ ya̧pa̧rȩwa̧, jueü wȩnȩmä̧ kko̧ka̧'a̧ jua̧u̧nä̧mä̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

Apocalipsis 9:11

Juätü ttu̧ru̧wa̧mä̧, 'kuȩya̧ppa̧ jäjú á̧gȩ ji̧na̧'a̧, jua̧u̧ i̧mi̧ hebreo tti̧wȩnȩnä̧mä̧ «Abado̧,» mikuinü̧, ja̧'wa̧ta̧nü̧ griego tti̧wȩnȩnä̧mä̧ «Aporio̧» pä'ü mikuinü̧; Todärekue'ünä̧ ja̧'wa̧nü̧ pä'ümä̧ «Surojuo'epü iku» pä'ü, päwä ja̧'a̧.

Hechos 5:3

Ja̧'wa̧nü̧ jȩttä̧ji̧yä̧ku̧ Peduru-mä̧ päinä̧ku̧: —Ananía, ¿tta̧'a̧nü̧ pä'ü Satanás-mä̧ (äwettämä̧) wea'anä̧ kuiyäwäja'ajä̧ttü̧, kui̧rȩjä̧ mikuä ttimitäji ju'to ukutä ȩmi̧pü̧, Epíritu Sa̧tu̧rü̧ kuyaparewa pä'ümä̧?

San Juan 6:70

Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

2 Pedro 2:4

Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

San Mateo 12:34

¡Ä̧ka̧tü̧ tti̧tti̧mü̧ wotüjä̧! ¿toku kukuokuätukua'ajä̧ttü̧ adiwäjueimä̧, suropätü isotü kuätukua'amä̧? isopäi'ünä̧ tta̧mi̧'iso'kinä̧ rü̧ȩnä̧ ȩkü̧tä̧ ttänä̧mä̧ räopa'a.

San Mateo 13:15

Isopäi'ünä̧ pitü ttü̧ja̧mä̧ tta̧mi̧ 'ki'ächächinä̧tü̧, ttä̧ja̧wi̧yä̧nä̧'i̧nä̧ tä̧ju̧kua̧ pä'okotü, ja̧'wa̧ta̧nü̧ tti'äriyä'i̧nä̧ mu̧chä̧wä̧chi̧nä̧u̧; tottü juiya pä'ü, ä̧ju̧ku̧'i̧nä̧ ttä̧ju̧ku̧ juiya pä'ü, tta̧mi̧so'kinä̧ ttu̧wo̧jui̧pü̧ juiyünä̧nä̧tä̧, ttu̧wo̧jui̧pü̧ttü̧mä̧ ttü'ärowächomȩnä̧ aditü chiku juiyatü pä'ü.

San Juan 7:17

Ya̧tȩ Dio-rü pä̧wä̧rü̧jü̧ jȩa̧ pä'ütä ja̧'a̧, isopäi'ünä̧ Ttü chu̧wo̧juȩtü̧, Dio-ttü ichü pä'ü wo̧jua̧mä̧ ja̧'wa̧ta̧nü̧ jü̧ juiyüttü'i̧nä̧, churutä pä̧wä̧rü̧jü̧tä̧ wo̧juȩtü̧tó pä'ü wo̧jua̧mä̧.

San Juan 8:55

Ja̧'wa̧nü̧ ja̧'a̧nä̧ ukutumä̧ kuieruwätukuäku; ttümä̧ chu̧wo̧juä̧ku̧; ja̧'wa̧nü̧ ja̧'a̧nä̧ chieruwäku pädüttü'i̧nä̧, yapare ji'äusä ukutu jü̧ ta̧'a̧nü̧; ja̧'wa̧nü̧ jo̧ka̧'a̧ ttümä̧ chu̧wo̧juä̧ku̧ ja̧'a̧; ja̧'wa̧ta̧nü̧ i̧wȩnȩ'i̧nä̧ ukuotüsä.

1 Juan 1:8

Isopäi'ünä̧, «Surojü jui'ätüjä̧ pätüttümä̧,» ta̧mü̧nä̧ pa̧ja̧tü̧ yapareäkuäwätüjä̧, ja̧'wa̧nü̧ jo̧mȩnä̧mä̧ jueü wȩnȩmä̧ juiya'a ujutunä̧mä̧.

1 Juan 2:21

Jua'amä̧, jueü wȩnȩ kuieruwiyätukuäkumä wȩyu̧tu̧mä̧ we'oküsä, ku̧wo̧jui̧yä̧tu̧kuä̧ku̧ cha'attü wȩyu̧tu̧ we'üsä; isopäi'ünä̧ yapare wȩnȩmä̧, jueü wȩnȩttü̧mä̧ räopokü.

Hechos 24:9

Juȩnȩ kka̧kuä̧tü̧ judío-mä̧, iweye ja̧'wa̧nü̧tä̧ ja̧'a̧ pä'ü ppättädinä̧ku̧.