San Juan 8:40 - Nuevo Testamento Uwotjüja

⁴⁰ Ja̧'wa̧nü̧ ja̧'a̧nä̧, kuä'ü kuikuätukua päkuätukuäkusä, Dio-ttü chä̧ju̧kui̧nü̧ jueü wȩnȩ jidäwa'anä̧. ¡Abraha̧-mä̧ ja̧'wa̧nü̧mä̧ jȩpo̧kü̧ pinü̧!

TÄ̧DO Ä̧CUÄ̧ I̧HUȨNȨ

⁴⁰ Ja̧'hua̧ ja̧'a̧nä̧, iso päi'önä huȩnȩ, Dios ttörö u̧huo̧juȩti̧nö̧ huȩnȩ, ucuturu jidähuomenä, ttörö cuä'ö cuicuätucua pä'ätöjä. Abrahammä, ja̧'hua̧nö̧mä̧ yoröiso jȩpo̧cö̧ pi̧nö̧do.

San Juan 8:40 Referans Kwoze

San Juan 8:26

Rü̧ȩnä̧ ja̧'a̧ ukuturu chukuokua pädümä̧ ja̧'wa̧ta̧nü̧ adiu jȩ'kuä̧tu̧ku̧ ja̧ pä'ü'i̧nä̧, surojü jȩ'kuä̧tu̧ku̧ ja̧ pä'ü'i̧nä̧, jü̧nä̧; ja̧'wa̧nü̧ ja̧'a̧nä̧ ttürü we'inü̧mä̧ jueü wȩnȩtä̧ wa̧ ja̧'a̧; ja̧'wa̧nü̧ ja̧'a̧ttü̧, jua̧u̧ttü̧ chä̧ju̧kui̧nü̧tä̧ pi̧jä̧ ttü̧ja̧rü̧mä̧ ukuokusä.

Gálatas 4:29

Ja̧'wa̧nü̧ ji̧yȩnü̧ mo̧ro̧ ttidepä pä̧wä̧rü̧jo̧mȩnä̧ kkuwäbekuinä̧ku̧, Epíritu jäwänä̧ kkuwäbekuinä̧ku̧ru̧ üjü'kü juiyinü̧ta'anü̧, jitä'i̧nä̧ ja̧'wa̧nü̧tä̧ 'kuäopa'a.

Gálatas 4:16

Ja̧'wa̧nü̧ ji̧na̧'a̧ jitämä̧, ¡ukuturu jueü wȩnȩ pädomenä̧tä̧'i̧nä̧ ukutu kua̧bo̧i̧ya̧tu̧ku̧ päi'ünä̧ wa̧sä̧!

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 12:4

Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

Romanos 4:12

Ja̧'wa̧ta̧nü̧ Abraha̧-mä̧ circuncisión jȩpä̧kuä̧wo̧tü̧'i̧nä̧ ttä'o ja̧'a̧nä̧, jua̧u̧ ji̧nü̧ta'anü̧ circuncisión jȩpä̧kuä̧wo̧ko̧tü̧ tta'anä̧ tta̧'kua̧ wȩnä̧rä̧tü̧mä̧ ttä'o ja̧'a̧.

San Juan 8:56

Kuä'otuku Abraha̧-mi̧nä̧mä̧, ttü chu̧mo̧ro̧ toa pä'ü esewinü̧; ja̧'wa̧nü̧ ji̧na̧'a̧ topümä̧ rü̧ȩnä̧ esewinü̧.

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.