San Juan 8:31 - Nuevo Testamento Uwotjüja

³¹ Ja̧'wa̧nü̧ ja̧'a̧ Jesú-mä̧, churutä esetätü judío-rü pä'inü̧: —Isopäi'ünä̧ ttü chi̧wȩnȩnä̧ ku̧jätu̧ku̧ttü̧mä̧, isopäi'ünä̧ chumüwäyotü kuäkuotüjä̧.

TÄ̧DO Ä̧CUÄ̧ I̧HUȨNȨ

³¹ Ja̧u̧nu̧ o'ca'a, judíos ttö̧ja̧ ja̧u̧ru̧ esetäjätörö pä'inödo: —Ttö pädömä adiu cuesetätucuttumä, iso päi'önä chu̧huo̧juȩtä̧u̧jä̧.

San Juan 8:31 Referans Kwoze

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

2 Timoteo 3:14

Ukumä̧ ku̧wo̧jui̧'i̧nü̧nä̧tä̧ esetü yaboku kui̧'chü̧'a̧nü̧ ja̧'a̧, ja̧'wa̧ta̧nü̧ isopäi'ünä̧ wȩnȩ pä'ümä̧ wo̧jua̧jä̧. Juȩnȩ o'komȩnä̧mä̧ ukuru wo̧juȩti̧nä̧tü̧rü̧mä̧ täkü wo̧jua̧jä̧.

Santiago 1:25

Ja̧'wa̧nü̧ ja̧'a̧nä̧ ä̧ju̧kuä̧ji̧ unichi'okümä̧, ttu̧ni̧chi'äjueimä̧ weäwä wȩnȩ jueü wȩnȩmä̧ surojü rä'epü iku jü̧nä̧ adiu amükuädümä̧, ja̧'wa̧ta̧nü̧ ja̧u̧ päü'a̧kuä̧ 'chü̧mä̧ jȩü̧nä̧mä̧ eseutä ü̧jä̧kua̧.

1 Timoteo 4:16

Kua̧mü̧nä̧ pa̧ja̧tü̧'i̧nä̧ tta̧'a̧rä̧kuä̧wi̧ ja̧'wa̧ta̧nü̧ kkorotürü ku̧wo̧juȩtü̧mä̧ ttu̧'ȩpä̧rü̧nü̧ wo̧juȩti̧, o'kajuiyünä̧ adiwomȩnä̧tä̧ jȩpi̧. Ja̧'wa̧nü̧ jȩ'kuo̧mȩnä̧tä̧ ukutä'i̧nä̧, ku̧wo̧juȩtü̧ ä̧ju̧kuä̧tü̧'i̧nä̧ surojü jȩä̧kuä̧wä̧ttü̧mä̧ ttü̧ja̧kui̧'ä̧kuo̧tü̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

1 Juan 2:24

Ja̧'wa̧nü̧ ja̧'a̧ttü̧, ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧mä̧, ukutunä̧ kkü̧nä̧ kka̧kuä̧tu̧kui̧; jua̧u̧ ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧ku̧, ukutunä̧ kkü̧ttü̧mä̧, ukutumä̧ Jä'onä̧'i̧nä̧, I̧tti̧nä̧'i̧nä̧, ku̧jä̧kuo̧tü̧jä̧.

Romanos 11:22

Ja̧'wa̧nü̧ ja̧'a̧ttü̧, topi, Dio ya'utekutä pä̧i̧ku̧nä̧ päü'i̧nä̧; ja̧'wa̧nü̧ ja̧'a̧nä̧ adiu re ü̧jü̧'i̧nä̧ topi, ja̧'wa̧nü̧ jü̧ juiyüttümä̧ ukuru'i̧nä̧ do'opü ikuäwäkua'a.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

San Mateo 24:13

Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧,

San Juan 8:36

Ja̧'wa̧nü̧ ja̧'a̧ttü̧, I̧tti̧ ukuturu u̧mü̧wä̧ya̧ jü̧nä̧ 'chu̧ä̧rü̧ttü̧ rä'epü ikuttümä̧, isopäi'ünä̧tä̧ 'chu̧ä̧rü̧mä̧ juikuäkuotüjä̧.

San Juan 6:55

Isopäi'ünä̧ ttü chidepämä̧, kuäkuäwä jueü jäwä ja̧'a̧ ja̧'wa̧ta̧nü̧ chukuojamä̧, adiwäjuei isoya awäwoya ja̧'a̧.

Hechos 13:43

Ttü̧ja̧rü̧ we'ü ttikuäji o'ka'a, rekuätü judío'i̧nä̧, judío pokotü'i̧nä̧ Pauru-ku, Bernawé-ku 'chi̧nä̧tü̧. Ja̧'wa̧nü̧ ja̧'a̧ juätürü ro̧'ȩpi̧nä̧tü̧, 'kuättächi'oka'a Dio re ü̧jü̧ jäwä ttesetäjinä̧ tti̧'cha̧ pä'ü.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

Hebreos 8:9

Ja̧'wa̧nü̧ ja̧'a̧nä̧ ttü̧tä̧mü̧mi̧nä̧rü̧ Egito-ttü, rä'epü iku, chesekuinü̧'anü̧mä̧kü̧; Juätümä̧ ttüarodiyäku, ja̧'a̧tä̧tä̧ ja̧ro̧chi̧nä̧u̧, pä'inü̧ Tu̧ru̧wa̧mä̧.

1 Timoteo 2:15

Ja̧'wa̧nü̧ ja̧'a̧nä̧ isaju i̧tti̧mü̧kua̧ju̧ jȩja̧ pä'ü weäwi'inü̧ ukuotü, ttütäbotü esetü, kka̧'kua̧ wȩnä̧rü̧, kkawaruwärü repeü, surojü jȩjä̧'chü̧ juiyüttütä kkü̧ji̧pä̧kuo̧ju̧.

San Juan 1:47

Ja̧'wa̧nü̧ ja̧'a̧, Jesú-mä̧, Natanael-rü tü'künä̧nü̧ ichi'a'a topü pä'inü̧: —Isopäi'ünä̧ Irae ttü̧ja̧sa̧ ichü, jua̧u̧nä̧ yapareäkuäwä jui̧'a̧ ja̧'a̧.

Hechos 26:22

Ja̧'wa̧nü̧ ja̧'a̧nä̧, Dio ppädinä̧ku̧sä̧, jitäbü päi'ünä̧ yabonü̧ chi̧'cha̧'a̧mä̧, ppo̧'ä̧tü̧rü̧'i̧nä̧, tä̧mü̧rü̧'i̧nä̧ o'katoi'ünä̧ jidäwa'amä̧. Profeta-tü̧'i̧nä̧, Moisé'i̧nä̧ jä̧kua̧'a̧ pä'ü jittäwinü̧ttü̧mä̧ i̧mi̧ku̧nä̧mä̧ ji'äwoküsä:

San Juan 2:2

Ja̧'wa̧ta̧nü̧ Jesú'i̧nä̧ u̧wo̧juȩtä̧u̧ku ttä̧tȩpi̧nä̧ku̧, jua̧u̧ ü'käu pä'kärira̧'a̧ i̧'cha̧ pä'ü.