San Juan 8:28 - Nuevo Testamento Uwotjüja

²⁸ Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

TÄ̧DO Ä̧CUÄ̧ I̧HUȨNȨ

²⁸ Ja̧'hua̧nö̧ ja̧'a̧ttö̧ jahuätörö pä'inödo: —Ucutumä, Ubo I̧tti̧rö̧ ju'tojunänö cäcuhue'ätucuomenä, ja̧u̧nu̧ ttörö cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ttötä chamönä amöcuädäu jȩpo̧cö̧sä̧ pä'ö, cu̧huo̧jui̧'ä̧cuo̧tö̧jä̧. Ttömä Chä'o ttörö u̧huo̧juȩti̧nö̧tä̧ ji'äusä.

San Juan 8:28 Referans Kwoze

San Juan 5:30

Ttümä̧, cha̧mü̧nä̧ pa̧ja̧tü̧ pä̧wä̧rü̧ja̧'a̧ku̧ jȩcha̧ pä'ümä̧ jui̧'a̧sä̧. Adiu ja̧ pä'ü'i̧nä̧, surojü ja̧ pä'ü'i̧nä̧ Chä'o pä'akutä pä'üsä ja̧'wa̧nü̧ ja̧'a̧ttü̧ ttü pädümä̧ jueünä̧tä̧ ja̧'a̧; isopäi'ünä̧ ttürü pä̧wä̧rü̧jü̧mä̧ jȩcho̧ka̧'a̧ttü̧, ttürü we'inü̧rü̧, Chä'orü pä̧wä̧rü̧jo̧mȩnä̧ jȩcha̧'a̧ttü̧.

San Juan 5:19

Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧.

San Juan 6:38

Isopäi'ünä̧ ttümä̧, mo̧ro̧jä̧ra̧'a̧ttü̧mä̧ mȩyȩwo̧kü̧ pinü̧sä̧ ttürü pä̧wä̧rü̧jü̧ jȩcha̧ pä'ümä̧, suro Chä'orü, ttürü we'inü̧rü̧ pä̧wä̧rü̧jü̧tä̧ jȩpü̧ ichinü̧sä̧.

San Juan 3:14

Ja̧'wa̧ta̧nü̧ Moisé rȩba̧ dȩ'a̧ra̧'a̧ttü̧ ä̧ka̧rü̧ ju'toju äräbe'ü u̧ju̧ni̧nü̧ta̧'a̧nü̧; Ttü, Ubo I̧tti̧'rü̧'i̧nä̧ rekuä rü̧ja̧'a̧ ju'toju äräbe'ü ttu̧ju̧na̧ttü̧ pä'ü.

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

Hechos 4:4

Ja̧'wa̧nü̧ ja̧'a̧nä̧, jittäwa'a ä̧ju̧kuä̧jä̧tü̧mä̧, rekuätü esetinä̧tü̧; suro u̧mä̧tü̧tä̧mä̧ cinco mil jo̧mȩnä̧ ji̧na̧'a̧.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

San Juan 19:18

Ja̧'wa̧nü̧ ja̧'a̧ Jesú-rumä̧ juȩnȩtä̧ pȩ'o̧pü̧ kku̧ni̧nä̧tü̧, ü̧jo̧kä̧ jäinä̧; ippeyänä̧'i̧nä̧ kkorotü ta̧ju̧ku̧, Jesú-mä̧ kkä'ko päte'ü jo̧mȩ ü̧jü̧nä̧.

San Juan 16:10

Jueünä̧ jȩttü̧ttü̧'i̧nä̧, pädümä̧, Chä'o ü̧ja̧'a̧ chi̧'cha̧'a̧ttü̧ pä'üsä, täkü ttürümä̧ yabonü̧mä̧ to'kuätukuokoku chäkua'attü̧,

San Juan 11:42

Jua'akumä̧ 'kuäopünä̧tä̧ kuä̧ju̧kuä̧ku̧ cha'anä̧, pitü chippeyänä̧ ttü̧ja̧kui̧yä̧ku̧ pä'äjisä, weinä̧ku̧ ja̧'a̧ tä̧jí̧ pä'ü ttu̧wo̧juä̧kua̧'a̧nü̧.

San Juan 8:24

Ja̧'wa̧nü̧ ji̧yä̧ku̧ pä'äjisä, surojü jȩ'kuä̧tu̧ku̧nä̧tä̧ wa'ü kuikuäkuotüjä̧ pädäja'amä̧; jua'amä̧ ttürü, ttütäsä päda'anä̧ kuesetätukuoka'attü.

San Juan 3:11

Isopäi'ünä̧ pädäkujä̧, ujutumä̧ tu̧wo̧juö̧nä̧ ukuokuätüjä̧ ja̧'wa̧ta̧nü̧ totinü̧tä̧ ji'äwätüjä̧ ja̧'wa̧nü̧ ja̧'a̧nä̧ ukutumä̧ jitäu esetokotüjä̧.

San Mateo 24:5

Isopäi'ünä̧ rekuätü, ttü chi̧mi̧nä̧ ttichäkuotü, «Ttütäsä Crito-mä̧ pä'ätü.» Ja̧'wa̧nü̧ jȩpü̧ rekuätürü ttesetünä̧ ttüyaparewäkuotü,

San Marcos 13:6

Isopäi'ünä̧, Ttü chi̧mi̧nä̧ wȩnȩkuä̧rü̧ rekuätü, Ttütäsä Crito-mä̧ pä'ätü ttichäkuotü; ja̧'wa̧nü̧ jȩpü̧ rekuätürü ttesetünä̧ ttüyapärewäkuotü.

San Lucas 21:8

Ädätinä̧u̧: Yapareu jittäu kuesetätukuoka'a ttu̧'ȩpä̧rü̧nü̧ kka̧kuä̧tu̧kui̧. Isopäi'ünä̧ rekuätü ttü chi̧mi̧nä̧ ttichäkuotü. Pa̧'a̧nü̧ pä'ätü: «Ttütäsä Crito-mä̧, täkü jitä mo̧ro̧ pätekuächa'a» pätta'anä̧ kuesetätukuä.

San Juan 4:26

Jesú-mä̧ päinä̧kua̧: —Jua̧u̧mä̧ ttütäsä, ukutäku ukuoku.

San Juan 8:27

Ja̧'wa̧nü̧ ukuokua'anä̧, Jä'o ütü'kü ukuoku pä'ümä̧ wo̧jui̧'o̧ko̧tü̧ pinä̧tü̧.

San Juan 8:58

Jesú päinä̧u̧: —Isopäi'ünä̧ ukuturu pä'üsä: Abraha̧ ü̧jä̧kua̧'a̧'i̧nä̧, ä'kanä̧ ttümä̧ kki̧nü̧sä̧.

San Juan 13:19

Pi̧yȩ pädü 'kuäopäkua'a ä'kanä̧ ji'äusä, jua̧u̧ 'kuäopomȩnä̧, «Ttütäsä» pädümä̧ kuesetätukuäkua'anü̧.

San Juan 18:32

Pättomȩnä̧; Jesú-mä̧, Churutä kuä'ü tti̧kuä̧kuȩ ukuokuinü̧, jo̧mȩnü̧ päia'a ji̧na̧'a̧.