San Juan 8:24 - Nuevo Testamento Uwotjüja

²⁴ Ja̧'wa̧nü̧ ji̧yä̧ku̧ pä'äjisä, surojü jȩ'kuä̧tu̧ku̧nä̧tä̧ wa'ü kuikuäkuotüjä̧ pädäja'amä̧; jua'amä̧ ttürü, ttütäsä päda'anä̧ kuesetätukuoka'attü.

TÄ̧DO Ä̧CUÄ̧ I̧HUȨNȨ

²⁴ Ja̧'hua̧nö̧ ja̧'a̧ttö̧ ucutu suronä jȩcu̧'ä̧tu̧cua̧'a̧ttö̧, hua'ö cuicuäcuotöjä pä'äjisä. Ttötä chamönä ucuocuäcuäu jidähuäjimä, cuesetätucu juiyöttömä, suronä jȩcu̧'ä̧tu̧cua̧'a̧ttö̧, hua'ö cuicuäcuotöjä.

San Juan 8:24 Referans Kwoze

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 3:18

Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

San Juan 13:19

Pi̧yȩ pädü 'kuäopäkua'a ä'kanä̧ ji'äusä, jua̧u̧ 'kuäopomȩnä̧, «Ttütäsä» pädümä̧ kuesetätukuäkua'anü̧.

San Juan 4:26

Jesú-mä̧ päinä̧kua̧: —Jua̧u̧mä̧ ttütäsä, ukutäku ukuoku.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

San Juan 8:21

Jesú-mä̧ pä'äjita'anü̧ päinä̧u̧: —Ttümä̧ i̧u̧sä̧, chi̧u̧ o'ka'a kusätukuä̧kua̧sä̧, kusätukua'anä̧, surojünä̧tä̧ wa'ü kuikuäkuotüjä̧. Ttü chi̧'cha̧'a̧mä̧, kuichätuku juiyünä̧ ja̧'a̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

San Marcos 13:6

Isopäi'ünä̧, Ttü chi̧mi̧nä̧ wȩnȩkuä̧rü̧ rekuätü, Ttütäsä Crito-mä̧ pä'ätü ttichäkuotü; ja̧'wa̧nü̧ jȩpü̧ rekuätürü ttesetünä̧ ttüyapärewäkuotü.

San Lucas 21:8

Ädätinä̧u̧: Yapareu jittäu kuesetätukuoka'a ttu̧'ȩpä̧rü̧nü̧ kka̧kuä̧tu̧kui̧. Isopäi'ünä̧ rekuätü ttü chi̧mi̧nä̧ ttichäkuotü. Pa̧'a̧nü̧ pä'ätü: «Ttütäsä Crito-mä̧, täkü jitä mo̧ro̧ pätekuächa'a» pätta'anä̧ kuesetätukuä.

San Mateo 24:5

Isopäi'ünä̧ rekuätü, ttü chi̧mi̧nä̧ ttichäkuotü, «Ttütäsä Crito-mä̧ pä'ätü.» Ja̧'wa̧nü̧ jȩpü̧ rekuätürü ttesetünä̧ ttüyaparewäkuotü,

San Juan 8:25

Pä̧i̧yä̧u̧ jättepinä̧ku̧: —¿Ukumä̧ dí kua'ajä̧ttü̧? Jesú ädätinä̧u̧: —Ä̧kuo̧mȩnä̧ttü̧ päi'ünä̧ jidäwinü̧tä̧ ja̧'a̧.

San Juan 8:28

Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

San Juan 8:58

Jesú päinä̧u̧: —Isopäi'ünä̧ ukuturu pä'üsä: Abraha̧ ü̧jä̧kua̧'a̧'i̧nä̧, ä'kanä̧ ttümä̧ kki̧nü̧sä̧.