San Juan 8:19 - Nuevo Testamento Uwotjüja

¹⁹ Päomȩnä̧, jä'epü ttä̧ju̧kui̧nä̧ku̧: —¿Kuä'omä̧ too ü̧ja̧jä̧ttü̧? Jesú ädätinä̧u̧: —Ukutumä̧ ttürü'i̧nä̧ jerupätüjä̧ ja̧'wa̧nü̧ kuieruwätükua'amä̧, Chä'orü'i̧nä̧ jerupätüjä̧; ttürü ku̧wo̧juä̧tu̧ku̧ttu̧mä̧, chä'orü'i̧nä̧ wo̧jua̧ja̧tü̧jä̧.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ ja̧'a̧ttö̧ ja̧u̧ru̧ jä'epinätödo: —Ucu Cuä'o, ¿to ö̧jä̧ttö̧? Jesús jahuätörö ädätinödo: —Ucutumä ttörö jerupätöjä. Chä'orö'inä jerupätöjä. Ttörö cu̧huo̧juä̧tu̧cu̧ttu̧mä̧, Chä'orö'inä huo̧jua̧ja̧tö̧jä̧.

San Juan 8:19 Referans Kwoze

San Juan 16:3

Pi̧yȩmä̧ jȩttä̧kuo̧tü̧, Chä'orü'i̧nä̧, Ttürü'i̧nä̧ ttu̧wo̧jui̧po̧ka̧'a̧ttü̧.

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

San Juan 7:28

Ja̧'wa̧nü̧ ttukuokua'a ä̧ju̧ku̧, Jesú-mä̧ pä̧i̧ku̧nä̧ päinä̧u̧: ¡Ye isopäi'ünä̧ ttürümä̧, chichinomȩ'i̧nä̧, ttürütä'i̧nä̧ wo̧juä̧tü̧jä̧!; cha̧mü̧nä̧ pa̧ja̧tü̧ amükuädümä̧ ichokü pinü̧sä̧, ttürü we'inü̧mä̧ isopäi'ünä̧ wa̧, jua̧u̧ru̧mä̧ ukutumä̧ jerupätüjä̧.

San Juan 1:10

Jua̧u̧ I̧wȩnȩ ji̧nü̧mä̧ pi̧jä̧nä̧ kki̧na̧'a̧; ja̧'wa̧ta̧nü̧ pi̧jä̧'i̧nä̧ jua̧u̧nä̧tä̧ aditinä̧jä̧ ja̧'a̧nä̧, pi̧jä̧ ttü̧ja̧mä̧, ttu̧wo̧juo̧ko̧ku̧ pinü̧.

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Gálatas 4:9

Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

Colosenses 1:15

Jua̧u̧ Crito-mä̧ Dio uwäpokü a̧'kua̧juä̧ ja̧'a̧, kkoro pi̧jä̧nä̧ttü̧ aditinü̧ttü̧'i̧nä̧ ä̧kuo̧mȩnä̧ i̧sa̧ ja̧'a̧.

Efesios 1:17

Tu̧ru̧wa̧ Jesucrito jä'o Dio-rü, ja̧'wa̧ta̧nü̧ ukuou'i̧nä̧ jä'orü jä'epüsä, wo̧juä̧wä̧ iyü kkä̧nü̧ ja̧'wa̧ta̧nü̧ churutä ku̧wo̧juä̧chä̧tu̧ku̧nä̧ jiäwätukuaku pä'ü.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

1 Juan 2:23

O'katoi'ünä̧ I̧tti̧rü̧ ya'okuätümä̧, Jä'o Dio-rü'i̧nä̧ ya'okuätü; ja̧'wa̧nü̧ ja̧'a̧nä̧ I̧tti̧rü̧ esetätümä̧, Jä'orü'i̧nä̧ esetätü.