San Juan 7:39 - Nuevo Testamento Uwotjüja

³⁹ Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

TÄ̧DO Ä̧CUÄ̧ I̧HUȨNȨ

³⁹ Jesús ja̧'hua̧nö̧ päomenä, ja̧u̧ru̧ esetätö Espíritu Santorö ttȩmä̧cuo̧tö̧ pä'ö pä'inödo. Ja̧u̧nu̧ pä̧nä̧ Espíritu Santo ji̧nä̧ ichoca'a ji̧na̧'a̧do, Jesús ji̧nä̧ ttoächoca'attö ttucuotarö pä'ö.

San Juan 7:39 Referans Kwoze

Hechos 2:17

Dio-mä̧ pä'inü̧, rüjí mo̧ro̧ päi'omȩnä̧mä̧, pi̧jä̧ ttü̧ja̧ o'katoi'ünä̧rü̧ chi̧yä̧kua̧sä̧ ttü i̧sa̧ Epíritu Sa̧tu̧rü̧ jo̧mȩnü̧; ja̧'wa̧nü̧ jo̧mȩnä̧ kui̧tti̧mü̧tu̧ku̧ u̧mä̧tü̧'i̧nä̧, nä̧tü̧'i̧nä̧ chi̧wȩnȩ jittäwäkuotü; ja̧'wa̧ta̧nü̧ mü̧ä̧yotü'i̧nä̧ Dio i̧jȩpü̧ tottäkuotü ja̧'wa̧ta̧nü̧ büäkuätümä̧ ttu̧'kuo̧ti̧nä̧ tottäkuotü;

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

San Juan 16:7

Ja̧'wa̧nü̧ ja̧'a̧nä̧, isopäi'ünä̧ pädäu̧jä̧: Ttü chi̧'cha̧ pä'ümä̧ rekuä rü̧ja̧'a̧; chi̧'chü̧juiyüttümä̧ ppädäkuäwä i̧sa̧mä̧ ichü juiyü'anü̧ ja̧'a̧; chi̧'cha̧'a̧ttü̧ ukuturu wȩdä̧kua̧.

San Juan 12:16

Ja̧'wa̧nü̧ ja̧'a̧ u̧wo̧juȩtä̧u̧mä̧, ä̧kuo̧mȩnä̧mä̧, pi̧yȩ wȩnȩmä̧ wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧nä̧, 'korujuo'ächäji̧'ka̧ ttoächomȩnä̧tä̧ o'kajuiyünä̧ jua̧u̧ru̧ jȩtti̧nü̧'i̧nä̧ ja̧'wa̧ta̧nü̧ chutä jȩi̧nü̧'i̧nä̧ wȩyu̧kua̧'a̧ pȩjü̧mä̧ wo̧jui̧'i̧nä̧tü̧.

Romanos 8:9

Ja̧'wa̧nü̧ ja̧'a̧nä̧, täkü ukutumä̧ kuidepä wea'anä̧mä̧ kka̧kuo̧ko̧tü̧jä̧, Epíritu-tä wea'anä̧ kka̧kuä̧tü̧jä̧, ukutunä̧ Dio i̧sa̧ Epíritu ü̧ja̧'a̧ttü̧. Ja̧'wa̧nü̧ ja̧'a̧ttü̧ Crito i̧sa̧ Epíritu-ru to'ätümä̧, Crito-kumä̧ wokotü.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Juan 20:22

Ja̧'wa̧ta̧nü̧, a̧mi̧yuppa ppü'ü juätürü pä'inü̧: —Epíritu Sa̧tu̧rü̧ ȩmä̧tu̧kui̧, ja̧já̧.

San Juan 12:23

Jesú-mä̧ ädätinä̧u̧: —Ubo I̧tti̧ wa'arettü ttoächä̧kuȩ mo̧ro̧ rȩbȩä̧kuä̧wa̧'a̧.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

2 Corintios 3:8

¡Juȩnȩ abonä̧nü̧ i̧tȩya̧u̧ i̧jȩkuä̧kua̧'a̧, Epíritu aditäwämä̧!

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 14:13

Ja̧'wa̧nü̧ ja̧'a̧ttü̧ o'kajuiyünä̧, ttü chi̧mi̧nä̧, Chä'orü jäkuepätukumä̧, jȩchä̧kua̧sä̧. Jua'amä̧ Chä'o ukuo jäwä, I̧tti̧nä̧ i̧jȩpa̧ pä'ü.

San Juan 7:12

Ja̧'wa̧nü̧ ja̧'a̧, Jua̧u̧ ütü'kü ttü̧ja̧mä̧ rü̧ȩnä̧ ukuokuinä̧tü̧: kkorotümä̧, «adiwä i̧sa̧ pä'ijü pätta'anä̧, kkorotümä̧ ttü̧ja̧rü̧ surojuo'epü» pä'ü.

San Juan 6:14

Ja̧'wa̧nü̧ rü̧ä̧chü̧nä̧, Jesú jȩa̧'a̧ topäjä'kotü topü pä'inä̧tü̧: —Isopäi'ünä̧, profeta pi̧jä̧ra̧'a̧ i̧chä̧kua̧ pättinä̧ku̧mä̧, pidetä ja̧'a̧.

San Juan 1:33

Ja̧'wa̧ta̧nü̧ ttütä'i̧nä̧ chieruwinä̧ku̧; ja̧'wa̧nü̧ ja̧'a̧nä̧ ajiyanä̧ bautizo jȩcha̧ pä'ü we'inü̧mä̧, päinä̧ku̧sä̧: «Epíritu mȩyȩwi̧'ü̧ ü̧jä̧mä̧da̧'a̧ to'kuäku jä̧kua̧'a̧, Epíritu Sa̧tu̧nä̧ bautizo jȩä̧kua̧mä̧.»

San Juan 1:25

Ju̧a̧-rü̧ jä'epü ä̧ju̧kui̧nä̧tü̧, —Jua̧u̧nu̧mä̧ Crito'i̧nä̧, Elía'i̧nä̧, Profeta'i̧nä̧ kuoka'anä̧mä̧ ¿Tta̧'a̧nü̧ pä'ü bautizo-mä̧ jȩ'kua̧'a̧jä̧ttü̧?

San Juan 1:21

Pä̧i̧yä̧u̧ jä'epü ttä̧ju̧kui̧nä̧ku̧: —¿Jua̧u̧nu̧mä̧, Elía kua'a tä̧jí̧? pättäku: Jua̧u̧mä̧kü̧sä̧, pä'inü̧. ¿Jua̧u̧nu̧mä̧, ukutäjä̧ profeta-mä̧? pättäku: Jua̧u̧mä̧kü̧sä̧, pä'inü̧.

San Lucas 24:49

Ja̧'wa̧ta̧nü̧ Chä'o ukuturu iya päinü̧ wȩdä̧kua̧sä̧; ja̧'wa̧nü̧ ja̧'a̧nä̧, ji̧nä̧ Jerusarȩ́ ütawiyänä̧tä̧ ku̧ja̧kuä̧tu̧kua̧jä̧, mo̧ro̧jä̧ra̧'a̧ttü̧ kujurutuku 'ka̧tä̧wi̧'o̧mȩbü päi'ünä̧.

San Lucas 7:16

Ja̧'wa̧nü̧ ja̧'a̧ topü o'katoi'ünä̧tä̧ ye'ünü̧, Dio-rü eseäkuäu, pä'inä̧tü̧: —Ujutu tü̧'kä̧tȩnä̧ttü̧, rü̧ȩnä̧ profeta wa̧ rä'opü. Pä'ükkä̧nü̧ pä'inä̧tü̧: —Dio-mä̧ ujutu u̧mü̧wä̧yotürü ppä'ädü ichäji ja̧'a̧.

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Mateo 16:14

Päomȩnä̧ ttädätinä̧ku̧: —Yotukupünä̧mä̧ Ju̧a̧ bautizo jȩä̧kuä̧wä̧ i̧sa̧jä̧do pä'ä'ijätü, kkorotümä̧ Elía-jä̧do, kkorotütä Jeremía-jä̧do, ja̧'wa̧nü̧ jü̧ juiyüttü'i̧nä̧ profeta winä̧tü̧ttü̧ ya̧tȩjä̧do pä'ä'ijätü.

San Juan 14:26

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

San Mateo 21:11

Ttü̧ja̧mä̧, pä'inä̧tü̧: —Jua̧u̧mä̧ Galirea rȩjȩ, Nazare i̧sa̧ Jesú, profeta i̧sa̧ ja̧'a̧.

San Juan 8:54

Jesú ädätinä̧u̧: —Ttütä cha̧mü̧nä̧ churuwo chi̧jȩku̧ttü̧mä̧, ttü churuwomä̧ mikuäwokü ja̧'a̧; ja̧'wa̧nü̧ ja̧'a̧nä̧, ttürü churuwo jȩpü̧mä̧ Chä'o ja̧'a̧, jua̧u̧tä̧ ukutu chä'o Dio päkuätukuäku.

San Juan 16:14

Jua̧u̧mä̧ chukuo jäwä i̧jȩpä̧kua̧, jua'amä̧ ttü chiärettü ȩmü̧, ukuturu i̧jȩpä̧kua̧ ku̧wo̧jui̧pä̧tu̧ku̧nä̧.

San Juan 17:1

Pi̧yȩ wȩnȩ pä'ü kä'ädü, Jesú-mä̧ mo̧ro̧jä̧ra̧'a̧ku̧ topü pä'inü̧: Chä'o, Kui̧tti̧ ukuo jäwä kui̧jȩpü̧ mo̧ro̧ rȩbȩä̧kuä̧wa̧'a̧, pärokua'aku'i̧nä̧ kuruwo jäwä i̧jȩpä̧kua̧'a̧nü̧ jȩpi̧.

Hechos 19:2

jä'epü ä̧ju̧kui̧nä̧u̧: ¿Jesucrito-rü kuesetätukuomȩnä̧mä̧ Epíritu Sa̧tu̧rü̧ Ȩmi̧nä̧tü̧jä̧? Juätü ttädätinä̧ku̧: Yoriso Epíritu Sa̧tu̧ kkü̧ pä'ü jittäwa'amä̧ ä̧ju̧kuo̧ko̧tü̧ pinä̧tü̧jä̧.