San Juan 7:37 - Nuevo Testamento Uwotjüja

³⁷ Ukuo mo̧ro̧, pä'käri rüjí kka̧'a̧, Jesú-mä̧ kkä̧mä̧dü̧ pä̧i̧ku̧nä̧ pä'inü̧: —Ya̧tȩ awa a̧di̧ri̧jü̧ttü̧mä̧, ttüku ichü ttüttü awi.

TÄ̧DO Ä̧CUÄ̧ I̧HUȨNȨ

³⁷ Ja̧u̧ fiesta jȩtto̧mȩnä̧, röji mo̧ro̧tä̧ ji̧nä̧ isocu adiu amöcuädö jȩpi̧nä̧tö̧do. Ja̧u̧nu̧ mo̧ro̧ Jesús ä̧rä̧mi̧'ö̧, pä̧i̧cu̧nä̧ ucuocu pä'inödo: —Ya̧tȩ a̧di̧ rö̧jä̧cu̧mä̧, ttörö ichö ahui.

San Juan 7:37 Referans Kwoze

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 6:35

Pättiyäku, Jesú-mä̧ päinä̧u̧: Ttütäsä, kuäkuäwä tta̧'kua̧rü̧mä̧; ttüku ichümä̧, yorisotä ukua ppäi ttuokä̧kua̧; ja̧'wa̧ta̧nü̧ ttürü esetümä̧, yorisotä awa a̧di̧ri̧jo̧ko̧ku̧ jä̧kua̧.

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

Apocalipsis 21:6

Ja̧'wa̧ta̧nü̧ päinä̧ku̧sä̧: «Täkü jo̧mȩnü̧ päia'a. Ttümä̧ ä̧kuo̧mȩnä̧'i̧nä̧, rüjinä̧'i̧nä̧ wa̧sä̧. Awa ä̧di̧ri̧jä̧ku̧ru̧mä̧, mippoünä̧ kkä̧kuä̧wä̧ ajiyattü awa pä'ü chi̧yä̧kua̧.

Apocalipsis 22:1

Jua̧u̧ jä̧ji̧ o'ka'a á̧gȩ-mä̧, aje adiwoto, kkä̧kuä̧wä̧ i'ko aje i̧jȩpi̧nä̧ku̧sä̧. Cristal pättü jä̧'i̧nü̧'a̧nü̧ säruwina̧'a̧, juoyamä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧ttü̧ räopina̧'a̧.

1 Corintios 12:13

Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

San Juan 6:55

Isopäi'ünä̧ ttü chidepämä̧, kuäkuäwä jueü jäwä ja̧'a̧ ja̧'wa̧ta̧nü̧ chukuojamä̧, adiwäjuei isoya awäwoya ja̧'a̧.

San Mateo 11:28

O'katoi'ünä̧ aditü usurä ȩmä̧u̧ 'kuä'ächi'inä̧tü̧mä̧ ttüku ichätukui, ttümä̧ usurä chȩmä̧wuö̧ juiyünä̧ jȩchä̧kuä̧u̧jä̧.

1 Corintios 10:21

Tu̧ru̧wa̧ a̧wo̧'ta̧ttü̧ au kkä̧nü̧'i̧nä̧, ä̧wȩttü̧ tta̧wo̧'ta̧ttü̧ kuawätukua pä'ümä̧ juiya'a; ja̧'wa̧ta̧nü̧ Tu̧ru̧wa̧ iäre mesa-ttü kuä̧nü̧ kkä̧nü̧, ä̧wȩttü̧ ttiäre mesa-ttü kukuätukua pä'ümä̧ juiya'a.

1 Corintios 10:4

Ja̧'wa̧ta̧nü̧ ttawa pä'ü'i̧nä̧ ji̧nä̧ yoyate, epíritu isoyattü awinä̧tü̧. Jua'amä̧ i̧nä̧wä epíritu isäwättü, jitürütä tta̧wä̧rinä̧wättü ttawina̧'a̧ttü̧, juäwä i̧nä̧wä ji̧nä̧wämä̧ Crito-tä ji̧na̧'a̧.

Efesios 5:18

Vino isoyattümä̧ tä̧kuä̧mä̧kuä̧wä̧tu̧kuä̧, juoyamä̧ ja̧'a̧tä̧ surojuoepoya; pärokua'attü Epíritu Sa̧tu̧ jäwätä jo̧mȩnü̧ kka̧kuä̧tu̧kui̧.

1 Corintios 11:25

Ja̧'wa̧ta̧nü̧tä̧, u̧kuȩ kuä̧ji̧'ka̧, i̧so̧'ta̧ ȩmo̧po̧'ü̧ pä'inü̧: «po̧'ta̧ isoya a̧kuo̧'ta̧mä̧, jareünä̧ chesekuoya ja̧'a̧ chukuojanä̧; pi̧yȩ 'kuäopünä̧ kuawätukuta'anü̧, ttürü amükuädü jȩpä̧tu̧kui̧.»

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 6:37

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

San Juan 5:40

Ja̧'wa̧nü̧ ja̧'a̧nä̧ ukutumä̧, ttüku kuicha pä'okotüjä̧ kkä̧kuä̧wä̧ ku̧ju̧nä̧rä̧tu̧kua̧ pä'ümä̧.

San Juan 1:23

Ju̧a̧-mä̧ ädätinä̧u̧: —Ttümä̧ rȩba̧ dȩ'a̧ra̧'a̧ttü̧, pa̧'a̧nü̧ woäkuäwä i̧sa̧sä̧: «Tu̧ru̧wa̧ u̧mä̧nä̧ jue'epiyätukuirü», Profeta Isaía päinü̧ta'anü̧.

San Juan 7:28

Ja̧'wa̧nü̧ ttukuokua'a ä̧ju̧ku̧, Jesú-mä̧ pä̧i̧ku̧nä̧ päinä̧u̧: ¡Ye isopäi'ünä̧ ttürümä̧, chichinomȩ'i̧nä̧, ttürütä'i̧nä̧ wo̧juä̧tü̧jä̧!; cha̧mü̧nä̧ pa̧ja̧tü̧ amükuädümä̧ ichokü pinü̧sä̧, ttürü we'inü̧mä̧ isopäi'ünä̧ wa̧, jua̧u̧ru̧mä̧ ukutumä̧ jerupätüjä̧.

San Mateo 3:3

Pide Ju̧a̧ ütü'kü 'kuäopä̧kuȩ, profeta Isaía-mä̧, pa̧'a̧nü̧ ji'äwinü̧: «Rȩba̧ dȩ'a̧ra̧'a̧ttü̧, ya̧tȩ i̧wȩnȩ pä̧i̧ku̧nä̧ rȩmi̧pa̧'a̧: Tu̧ru̧wa̧ u̧mä̧nä̧ jo̧mȩnü̧ aditü kku̧nä̧tu̧kui̧, U̧mä̧nä̧ jue'epiyätukuirü.»

San Mateo 5:6

Eseäkuäwä kka̧'a̧ adiwomȩnä̧ jȩä̧kuä̧wä̧ rekuä rü̧jä̧u̧ru̧, jua'amä̧ jo̧mȩnü̧tä̧ ttü̧'o̧kui̧'ä̧kua̧'a̧ttü̧.

San Juan 4:11

päkua, kkädätinä̧ku̧: —Chu̧ru̧wa̧, ajiya wäokuä juikua'amä̧ ja̧'wa̧ta̧nü̧ reju'i̧nä̧ täkua'a abotä akua'amä̧ ¿Torü kuȩmä̧kua̧'a̧jä̧ttü̧, ajiya a̧'kua̧rü̧ kkoyamä̧?