San Juan 7:31 - Nuevo Testamento Uwotjüja

³¹ Ja̧'wa̧nü̧ ja̧'a̧mä̧, rekuätü Jua̧u̧ru̧ esetätümä̧ pä'inä̧tü̧: —Chutä Crito ichomȩnä̧mä̧ ¿Pide jȩü̧ abonä̧nü̧dí̧ jȩä̧kua̧, jȩtto̧kü̧ jueimä̧?

TÄ̧DO Ä̧CUÄ̧ I̧HUȨNȨ

³¹ Ja̧'hua̧ta̧nö̧ recuätö ja̧u̧ru̧ esetö pä'inätödo: —Cristo ichomenä, ¿pidettö'inä abonänö rö̧ȩnä̧ ttö̧ja̧ ttieru juäi jȩä̧cua̧ tä̧ji̧? —pä'inätödo.

San Juan 7:31 Referans Kwoze

San Juan 12:42

Ja̧'wa̧nü̧ ja̧'a̧nä̧'i̧nä̧, ruwotümä̧ rekuätü Jesú-ru esetinä̧tü̧; ja̧'wa̧nü̧ tteseta'anä̧, fariseo wotü sinagoga-ttü rä'epü ttikuätü pä'ü, wäjuönä̧mä̧ ji'äwokotü pinä̧tü̧.

San Mateo 12:23

Ja̧'wa̧nü̧ ji̧yä̧u̧ o'katoi'ünä̧ rü̧ȩnä̧ amükuädü, pä'inä̧tü̧: ¿Pidetä, chu Dawi i̧tti̧do pättinä̧ku̧mä̧?

Hechos 8:13

Ja̧'wa̧nü̧ ja̧'a̧, Simón'i̧nä̧ esetü iku bautizo jȩpä̧kuä̧wä̧ji̧'ka̧, Felipe-ku kue'ächü, to̧o̧ to̧pä̧ri̧nü̧, jȩtto̧kü̧ juei rü̧ȩnä̧ jȩi̧yä̧ku̧.

San Juan 11:45

Ja̧'wa̧nü̧ ja̧'a̧, María-rü kkajuäwa'a topü ichäjätü judío-mä̧ rekuätü Jesú-ru esetinä̧tü̧, jua̧u̧ jȩü̧ topü.

San Juan 9:16

Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.

Santiago 2:26

Isopäi'ünä̧ Epíritu jä̧ttä̧pä̧ya̧nä̧ to̧'a̧mä̧ wa'ü iku jä̧'i̧nü̧'a̧nü̧ ja̧'a̧, ja̧'wa̧nü̧ jü̧ta̧'a̧nü̧ ta̧'kua̧ ttu̧wȩnä̧ra̧'a̧nä̧ ttaditokomȩnä̧ wa'ü ikua'a jä̧'i̧nü̧'a̧nü̧ ja̧'a̧.

San Juan 12:11

Jua'amä̧, rekuätü judío, jua̧u̧ru̧ topü judío-ttü 'kȩ'i̧pä̧chü̧, Jesú-ru tteseti̧yä̧u̧.

San Juan 6:2

Ja̧'wa̧nü̧ ja̧'a̧ ttü̧ja̧ rekuätü o'ka'anä̧ 'chi̧nä̧tü̧, na̧nȩpä̧tü̧rü̧ aditü ikuä'chiyä̧u̧.

San Juan 4:39

Samaria ütawiyä ttü̧ja̧ Jua̧u̧ru̧ rekuätü esetinä̧tü̧, juäju: Jȩchä̧'i̧jü̧mä̧ o'kajuiyünä̧ ukuokuäjäkuasä pä'ü, jijäwa'anä̧tä̧'i̧nä̧,

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Juan 2:11

Pi̧yȩ ji̧na̧'a̧, Jesú Galirea rȩjȩttü̧, Caná ütawiyättü ä̧kuo̧mȩnä̧ jȩtto̧kü̧ juei jȩi̧nü̧mä̧, ujuru i̧jȩpü̧. Ja̧'wa̧nü̧ jȩa̧'a̧ topü u̧wo̧juȩtä̧u̧mä̧ ttesetinä̧ku̧.

San Lucas 8:13

Ja̧'wa̧ta̧nü̧ i̧nä̧sa wä̧mȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩ ä̧ju̧ku̧ eseunu̧ tteseta'anä̧, 'chu̧ä̧ra̧jü̧ juitta'a ja̧'a̧; a̧'u̧kua̧'a̧tä̧ eseti'ü, kka̧kuä̧mü̧ toäkuäwä ichomȩnä̧, kä'ädi'ätürü wȩnȩkuä̧cha̧'a̧.

San Juan 4:29

—Topächätukui, ya̧tȩ ttü̧ja̧sa̧rü̧, ttü jȩchä̧'i̧jü̧mä̧ o'kajuiyünä̧ ji'äwäji. ¿Jua̧u̧tä̧ku̧, Crito-mä̧?

San Juan 7:26

Topätukui, ttü̧ja̧ ttä'ka jiäwa'anä̧ ja̧'a̧tä̧ tottäku. ¿Ruwotümä̧dí̧, isopäi'ünä̧ pidetä ja̧'a̧ Crito-mä̧ pä'ü ttu̧wo̧juä̧ku̧?