San Juan 7:16 - Nuevo Testamento Uwotjüja

¹⁶ Jesú-mä̧ ädätinä̧u̧: —Ttü chu̧wo̧juȩtü̧mä̧, ttü jäwämä̧kü̧ ja̧'a̧, ttürü we'inü̧ jäwä ja̧'a̧.

TÄ̧DO Ä̧CUÄ̧ I̧HUȨNȨ

¹⁶ Jesús jahuätörö ädätö pä'inödo: —Ttö chu̧huo̧juȩtö̧mä̧, ttötä chamönä jähuämäcö̧. Ttörö hueinötä huo̧juȩtö̧sä̧.

San Juan 7:16 Referans Kwoze

San Juan 14:24

Ttürü eseu repe'okümä̧, ttü chi̧wȩnȩ ukuotokü; ttü chukuokua'a kuä̧ju̧kuä̧'i̧jä̧tu̧ku̧mä̧, ttü chi̧wȩnȩmä̧kü̧, ttürü we'inü̧ Chä'o i̧wȩnȩ ja̧'a̧.

San Juan 14:10

¿Kuesetoka'a, Chä'o ttünä̧ ü̧ja̧'a̧mä̧ ja̧'wa̧ta̧nü̧ Ttü'i̧nä̧ Chä'oku chü̧ja̧'a̧mä̧? Ttü chukuokumä̧, ttütä cha̧mü̧nä̧ pa̧ja̧tü̧mä̧ ukuokuoküsä. Jua̧u̧ ttünä̧ kkä̧nü̧tä̧ o'kajuiyünä̧ jȩpü̧.

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

San Juan 5:30

Ttümä̧, cha̧mü̧nä̧ pa̧ja̧tü̧ pä̧wä̧rü̧ja̧'a̧ku̧ jȩcha̧ pä'ümä̧ jui̧'a̧sä̧. Adiu ja̧ pä'ü'i̧nä̧, surojü ja̧ pä'ü'i̧nä̧ Chä'o pä'akutä pä'üsä ja̧'wa̧nü̧ ja̧'a̧ttü̧ ttü pädümä̧ jueünä̧tä̧ ja̧'a̧; isopäi'ünä̧ ttürü pä̧wä̧rü̧jü̧mä̧ jȩcho̧ka̧'a̧ttü̧, ttürü we'inü̧rü̧, Chä'orü pä̧wä̧rü̧jo̧mȩnä̧ jȩcha̧'a̧ttü̧.

San Juan 17:14

Ttümä̧ kui̧wȩnȩ chiyinä̧u̧; ja̧'wa̧nü̧ ja̧'a̧ pi̧jä̧ ttü̧ja̧mä̧ ttü̧jü̧'ko̧ko̧u̧ pinä̧tü̧, pi̧jä̧ ttü̧ja̧ ttoka'attü, ttü'i̧nä̧ pi̧jä̧ ttü̧ja̧sa̧ chü juiyüta'anü̧.

San Juan 8:28

Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

San Juan 3:11

Isopäi'ünä̧ pädäkujä̧, ujutumä̧ tu̧wo̧juö̧nä̧ ukuokuätüjä̧ ja̧'wa̧ta̧nü̧ totinü̧tä̧ ji'äwätüjä̧ ja̧'wa̧nü̧ ja̧'a̧nä̧ ukutumä̧ jitäu esetokotüjä̧.

San Juan 6:44

Ya̧tȩ'i̧nä̧ ttukumä̧ ichokü, Chä'o Dio ttüku weokoku jü̧ttü̧mä̧; ja̧'wa̧nü̧ wa̧mä̧, rüjí mo̧ro̧ päi'omȩnä̧mä̧ wa'arettü tto̧dä̧dä̧kua̧.

San Juan 3:31

Mo̧ro̧jä̧ra̧'a̧ttü̧ rȩbȩu̧mä̧, o'kajuiyünä̧tä̧ u̧wä̧mȩnä̧ wa̧; pi̧jä̧ i̧sa̧mä̧, pi̧jä̧nä̧tä̧ wa̧; ja̧'wa̧nü̧ ja̧'a̧ttü̧ pi̧jä̧ jäwätä ukuoku ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ ichümä̧ o'kajuiyünä̧ u̧wä̧mȩnä̧ wa̧.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.