San Juan 7:15 - Nuevo Testamento Uwotjüja

¹⁵ Jua̧u̧ wo̧juȩtü̧ wo̧juȩku̧nä̧ u̧wo̧juȩti̧yä̧u̧, judío-mä̧ isoó, pä'inä̧tü̧: —¿Toku ja̧'a̧ wo̧jua̧jä̧ttü̧ chujuamä̧, kuyärumä̧ uwo̧jui̧'o̧ka̧'a̧ ji̧na̧'a̧nä̧?

TÄ̧DO Ä̧CUÄ̧ I̧HUȨNȨ

¹⁵ Judíos ttö̧ja̧ u̧huo̧juȩta̧'a̧ ä̧ju̧cu̧, to̧pä̧rö̧ pä'inätödo: —Pidemä cuyäru u̧huo̧jui̧'o̧ca̧'a̧nä̧, ¿tottö rö̧ȩnä̧ u̧huo̧jui̧'i̧na̧'a̧jä̧ttö̧?

San Juan 7:15 Referans Kwoze

San Lucas 4:22

O'katoi'ünä̧tä̧ Jesú ütü'kümä̧ adiu ukuokuinä̧tü̧ ja̧'wa̧ta̧nü̧ adiwä jueitä ukuokuiyä̧u̧, isoo pä'ü amükuädinä̧tü̧. Jua̧u̧ pä'ü kkä̧nü̧ pä'inä̧tü̧: —¿Pidemä̧ José i̧tti̧ pä'ijümä̧kü̧?

San Mateo 13:54

I̧rȩjä̧ra̧'a̧ rȩbȩwi̧pä̧ji̧'ka̧ ttiäre sinagoga isodettü kkä̧mä̧dü̧ u̧wo̧juȩti̧nä̧u̧ ja̧'wa̧nü̧ ja̧'a̧ rü̧ȩnä̧ amükuädü pä'inä̧tü̧: —¿Pi̧yȩ u̧wo̧juö̧ o'kajuiyünä̧mä̧ torü u̧wo̧jui̧'i̧nü̧jä̧ttü̧? ¿Jȩtto̧kü̧ jueimä̧ toku jȩpü̧ jȩü̧ttü̧?

Hechos 26:24

Pi̧yȩ päomȩnä̧, Feto-mä̧ wopi'inü̧: —¡Kuamükuädü jui'ächächüjä̧, Pauru! rü̧ȩnä̧ ku̧wo̧jui̧'o̧mȩnä̧.

San Juan 7:46

Pättomȩnä̧, su̧ro̧do̧u̧mä̧ ädätinä̧tü̧: —¡Ya̧tȩ'i̧nä̧, ja̧'wa̧nü̧ ukuokurumä̧ ä̧ju̧kuo̧ko̧tü̧ pä'ijätüjä̧!

San Lucas 2:47

Ja̧'wa̧nü̧ ja̧'a̧ o'katoi'ünä̧ jua̧u̧ru̧ ä̧ju̧kuä̧rä̧tü̧mä̧, wo̧juȩku̧nä̧ ä̧dä̧tä̧ri̧yä̧u̧ ja̧'wa̧ta̧nü̧ rü̧ȩnä̧ u̧wo̧jui̧yä̧u̧ ¡isoo! pä'ü amükuädinä̧tü̧.

San Mateo 22:22

Pä'a ä̧ju̧ku̧, rü̧ȩnä̧ amükuädinä̧tü̧; ü̧ji̧pa̧'a̧nä̧tä̧ i̧wi̧'i̧nä̧tü̧.

San Juan 1:19

Ju̧a̧-mä̧ pi̧yȩ ji'äwinü̧, Jerusarȩ́-ra̧'a̧ttü̧ judío tturuwotü, sacerdote wotü'i̧nä̧, Levitas pä̧ttä̧u̧'i̧nä̧, ¿Ukumä̧ dí kua'ajä̧ttü̧? pä'ü jä'epü ttä̧ju̧kua̧rü̧ pä'ü wettäjäkumä̧.

San Mateo 22:33

Ja̧'wa̧nü̧ pi̧yȩ ä̧ju̧ku̧, ttü̧ja̧mä̧ rü̧ȩnä̧ amükuädinä̧tü̧ Jesú u̧wo̧juȩtü̧mä̧.

San Juan 7:11

Ja̧'wa̧nü̧ ja̧'a̧, Judío-mä̧ pä'kärira̧'a̧ttü̧ u̧sä̧rü̧ pä'inä̧tü̧: —¿Chupä'ijümä̧, too ü̧ja̧'a̧jä̧ttü̧?

San Juan 7:13

Ja̧'wa̧nü̧ ja̧'a̧nä̧, jua̧u̧ ütü'kümä̧, ttü̧ja̧ ttä'kattü wäjuönä̧mä̧ judío-rü ye'eku ukuokuokotü pinä̧tü̧.

Hechos 4:13

Ja̧'wa̧nü̧ ja̧'a̧, Peduru'i̧nä̧, Ju̧a̧'i̧nä̧ kuyärumä̧ ttu̧wo̧jui̧'o̧ka̧'a̧ ji̧na̧'a̧nä̧, wo̧juȩku̧nä̧ yeäwä juiyünä̧ ttu̧kuo̧kui̧yä̧u̧, to̧o̧ to̧pä̧rü̧ kkä̧nü̧ isopäi'ünä̧ pitümä̧ Jesú-ku kue'ächinä̧tü̧ ja̧'a̧ pä'ü ttu̧wo̧jui̧nä̧u̧.