San Juan 6:64 - Nuevo Testamento Uwotjüja

⁶⁴ Ja̧'wa̧nü̧ ja̧'a̧nä̧, ukututtü yotukunä̧ esetokotü kka̧kuä̧tü̧.

TÄ̧DO Ä̧CUÄ̧ I̧HUȨNȨ

⁶⁴ Ja̧'hua̧nö̧ ja̧'a̧nä̧ ji̧nä̧ korotömä ucututtu esetocotöjä. Jesús ja̧'hua̧nö̧ ucuocuäji ä'canä, jahuätö esetocotörö huo̧jui̧nö̧do. Ja̧'hua̧ta̧nö̧ ja̧u̧ru̧ suronä jȩpä̧tö̧rö̧ iyä̧cua̧rö̧'i̧nä̧ huo̧jui̧nö̧do.

San Juan 6:64 Referans Kwoze

San Juan 10:26

Ja̧'wa̧nü̧ ja̧'a̧nä̧, ukutumä̧ kuesetätukuokokusä, ttü chä̧ji̧mü̧ oweja-tü̧ kuätukuoka'attü̧.

Hebreos 4:13

Yoriso ji̧yȩtȩ'i̧nä̧ Dio ä'ka jo̧mȩttü̧ dajäwämä̧ juiya'a; o'kajuiyünä̧tä̧ wäjunä̧ i̧jȩku̧tä̧ ja̧'a̧, Churutä jȩti̧nü̧ ti̧jȩpä̧kua̧'a̧ttü̧.

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

San Juan 6:61

Ja̧'wa̧nü̧ yä̧wȩi̧nä̧ ttukuokuäkuäwa'a wo̧jui̧'ü̧, Jesú-mä̧ jä'epü ä̧ju̧kui̧nä̧u̧: —¿Pi̧yȩ pädomȩnä̧, kuju'kätuku juiyünä̧ päia'a?

San Juan 5:42

Ja̧'wa̧ta̧nü̧ ukuturumä̧ wo̧jua̧sä̧: Dio jäwä eseäkuäwämä̧ jui'ätü pä'ümä̧.

Hechos 15:18

pä'ü Tu̧ru̧wa̧mä̧, pi̧yȩmä̧ mo̧ täbokütä päi'ünä̧, ttu̧wo̧juö̧nä̧ ukuokuinü̧ ja̧'a̧ttü̧.

San Juan 6:66

Juorütä kkä̧mä̧dü̧, rekuätü Jesú-ku kue'ächäjätümä̧, täkü jua̧u̧ku̧mä̧ kue'ächokotü pinä̧tü̧.

San Juan 6:36

Ja̧'wa̧nü̧ ja̧'a̧nä̧, täkü ukuturumä̧ pä'äjisä, ttürümä̧ to'kuätukua'anä̧ kuesetätukuokokusä, jü̧nä̧.

San Juan 8:55

Ja̧'wa̧nü̧ ja̧'a̧nä̧ ukutumä̧ kuieruwätukuäku; ttümä̧ chu̧wo̧juä̧ku̧; ja̧'wa̧nü̧ ja̧'a̧nä̧ chieruwäku pädüttü'i̧nä̧, yapare ji'äusä ukutu jü̧ ta̧'a̧nü̧; ja̧'wa̧nü̧ jo̧ka̧'a̧ ttümä̧ chu̧wo̧juä̧ku̧ ja̧'a̧; ja̧'wa̧ta̧nü̧ i̧wȩnȩ'i̧nä̧ ukuotüsä.

San Juan 8:23

Pättiyäku Jesú päinä̧u̧: Ukutumä̧ po rȩjȩtä̧ isotüjä̧, ttümä̧ ju'toju i̧sa̧sä̧; ukutumä̧ pi̧jä̧nä̧ ttü̧ja̧jä̧, ttümä̧ pi̧jä̧ ttü̧ja̧sa̧mä̧kü̧sä̧.

San Mateo 10:4

Canaá̧ ttü̧ja̧sa̧ Simón'i̧nä̧, Jesú-ru iyü i̧kuä̧kua̧ pinü̧ Juda Icariote'i̧nä̧, jü̧nä̧.

San Juan 6:60

Ja̧'wa̧nü̧ jiäwa'a ä̧ju̧ku̧, rekuätü Jesú o'ka'anä̧ 'chä̧tü̧mä̧ pä'inä̧tü̧: —Pi̧yȩ jiäumä̧ juiyo 'kiyü jäwä ja̧'a̧ ¿Ditä esetä̧kuȩ ja̧'a̧jä̧ttü̧?

San Juan 18:4

Ja̧'wa̧nü̧ ja̧'a̧, Jesú-mä̧ 'kuäopäkuȩmä̧ o'kajuiyünä̧ u̧wo̧jua̧'a̧ttü̧, 'chä̧wi̧'ü̧ päinä̧u̧: —¿Dirü kusätukua'a jä̧ttü̧?