San Juan 6:60 - Nuevo Testamento Uwotjüja

⁶⁰ Ja̧'wa̧nü̧ jiäwa'a ä̧ju̧ku̧, rekuätü Jesú o'ka'anä̧ 'chä̧tü̧mä̧ pä'inä̧tü̧: —Pi̧yȩ jiäumä̧ juiyo 'kiyü jäwä ja̧'a̧ ¿Ditä esetä̧kuȩ ja̧'a̧jä̧ttü̧?

TÄ̧DO Ä̧CUÄ̧ I̧HUȨNȨ

⁶⁰ Pi̧yȩ huȩnȩ ä̧ju̧cu̧, recuätö Jesús o'ca'anä cue'ächätö pä'inätödo: —Jitä päjimä tesetö juiyö'a̧nö̧ ja̧'a̧to. ¿Dijä ja̧'hua̧nö̧ jȩä̧cua̧mä̧?

San Juan 6:60 Referans Kwoze

San Juan 6:66

Juorütä kkä̧mä̧dü̧, rekuätü Jesú-ku kue'ächäjätümä̧, täkü jua̧u̧ku̧mä̧ kue'ächokotü pinä̧tü̧.

San Juan 8:43

¿Tta̧'a̧nü̧ pä'ü ttü chukuokumä̧ wo̧jui̧'o̧ko̧tü̧jä̧ttü̧? Jua'amä̧ chi̧wȩnȩ kuä̧ju̧kuä̧tu̧ku̧ juiyünä̧ ja̧'a̧ttü̧.

San Juan 8:31

Ja̧'wa̧nü̧ ja̧'a̧ Jesú-mä̧, churutä esetätü judío-rü pä'inü̧: —Isopäi'ünä̧ ttü chi̧wȩnȩnä̧ ku̧jätu̧ku̧ttü̧mä̧, isopäi'ünä̧ chumüwäyotü kuäkuotüjä̧.

San Mateo 11:6

¡Ja̧'wa̧ta̧nü̧ eseäkuäwä kka̧'a̧ ttü jäwänä̧ ttoepokokumä̧!

2 Pedro 3:16

Ji'täkunä̧ i̧wȩyu̧ti̧nü̧ o'tänä̧mä̧ ukuturumä̧ pi̧yȩtä̧tä̧ ukuokuinü̧, ja̧u̧ttü̧mä̧ ttu̧wo̧jui̧pü̧ juiyünä̧ jü̧'i̧nä̧ kka̧'a̧, jerupätürümä̧ ja̧'wa̧ta̧nü̧ tta̧'kua̧ wȩnä̧rä̧kuä̧wä̧ jiyuwa'a jue'okotürümä̧, kkoro wȩyu̧kuä̧ wȩnȩ jueoka'a jü̧ta̧'a̧nü̧, jitütä tta̧mü̧nä̧ jäwänä̧ usurä ttȩmä̧u̧nä̧ päwi'äkuotü.

Hebreos 5:11

Pi̧yȩ tü'kümä̧ rü̧ȩnä̧ jitäwa pä'ü ja̧'a̧nä̧, jiäkuäwänä̧ jeruwuö tü'kü ja̧'a̧, adiu kuä̧ju̧kuä̧tu̧kua̧ päkuätukuoka'attü̧.

San Juan 2:2

Ja̧'wa̧ta̧nü̧ Jesú'i̧nä̧ u̧wo̧juȩtä̧u̧ku ttä̧tȩpi̧nä̧ku̧, jua̧u̧ ü'käu pä'kärira̧'a̧ i̧'cha̧ pä'ü.

San Juan 5:25

Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧.

San Juan 6:52

Ja̧'wa̧nü̧ päomȩnä̧, judío-mä̧ tta̧mü̧nä̧ wopäkuäwinä̧tü̧: —¿Toku i̧yä̧kuä̧u̧jä̧ttü̧ idepä ttukua pä'ümä̧?

San Juan 6:64

Ja̧'wa̧nü̧ ja̧'a̧nä̧, ukututtü yotukunä̧ esetokotü kka̧kuä̧tü̧.

San Juan 7:3

Jesú ü̧jä̧wa̧tü̧mä̧ pättinä̧ku̧: —Porümä̧ rä'opächü judea rȩjȩra̧'a̧tä̧ täi, uku ku̧wo̧juȩtä̧'i̧jä̧u̧'i̧nä̧ jȩ'ku̧ tottäkua'anü̧.