San Juan 5:39 - Nuevo Testamento Uwotjüja

³⁹ Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

TÄ̧DO Ä̧CUÄ̧ I̧HUȨNȨ

³⁹ Ucutumä ttu̧ȩcuä̧nä̧ ucuocuätöjä Huȩyu̧cuä̧ Huȩnȩ. Ja̧'hua̧nö̧ ucuocu, kä̧cuä̧huä̧ i'co cu̧'o̧cui̧'ä̧tu̧cua̧ pä'ätöjä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ ttörötä päa'a.

San Juan 5:39 Referans Kwoze

San Lucas 24:27

Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

San Mateo 22:29

Pättiyäku Jesú-mä̧ ädätinä̧u̧: —¡Dio ujuru'i̧nä̧ ja̧'wa̧ta̧nü̧ i̧wȩnȩ'i̧nä̧ kuieruwätukua'attü̧, jäyä pä'ätüjä̧!

Hechos 13:27

Isopäi'ünä̧, Jerusarȩ́-nä̧ kka̧kuä̧tü̧mä̧ ja̧'wa̧ta̧nü̧ tturuwotü'i̧nä̧ Jesú ütü'kü wo̧jui̧'o̧ko̧tü̧ pinä̧tü̧ sawaru mo̧ro̧ jü̧ta̧'a̧nü̧ profeta-tü̧ tti̧wȩyu̧ti̧nü̧mä̧ ttukuokua'anä̧. Ja̧'wa̧nü̧ ttu̧wo̧jui̧po̧ka̧'a̧ttü̧, profeta-tü̧ ttukuokuinü̧'a̧kuä̧ kuä'ü ttikunä̧ wettinä̧ku̧.

San Juan 5:46

Isopäi'ünä̧, Moisé-rü kuesetätukuttümä̧, ttürü'i̧nä̧ kuesetätuku'anü̧ ja̧'a̧, Moisé-mä̧ ttü chütü'kü wȩyu̧ti̧nü̧.

Romanos 3:2

O'kajuiyünä̧tä̧ pa̧ja̧kuä̧chü̧nä̧. Ä̧kuo̧mȩnä̧mä̧, isopäi'ünä̧ Dio i̧wȩnȩmä̧, judío-rü iyäwi'ina̧'a̧.

San Marcos 12:10

¿Wȩyu̧kuä̧ wȩnȩ, topokotü pä'ijätüjä̧? pa̧'a̧nü̧, pä'amä̧: Odewiyä adikuä isotü ttüjü'koko'ki ji̧no̧'kimä̧, ji̧nä̧so ukuo ido'ki jü̧nä̧tä̧ pärowächina̧'a̧, jü̧nä̧.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

Romanos 1:2

Jua̧u̧mä̧ ä'kojitä päi'ünä̧ umüwäyotü profeta-nä̧, wȩyu̧kuä̧ wȩnȩnä̧ Dio-mä̧ weäkua'a ukuokuinü̧.

Hechos 26:27

¿Esetüjä̧, ru̧wa̧ rey Agripa profeta-tü̧rü̧mä̧? Esetü pä'ümä̧ chu̧wo̧juä̧ku̧jä̧.

San Juan 7:52

Päomȩnä̧, ttädätinä̧ku̧: ¿Uku'i̧nä̧, Galirea ttü̧ja̧sa̧jä̧? Wȩyu̧kuä̧ wȩnȩ wo̧jui̧pü̧ topi. Yorisotä Galirea-ttümä̧, profeta-mä̧ rä'opokotü pä'ijätü. [

San Juan 5:32

Ja̧'wa̧nü̧ ja̧'a̧ttü̧, kka̧ra̧ ja̧'a̧ ttü chütü'kü ji'äwuömä̧, jua̧u̧ jiäumä̧ isopäi'ünä̧ wȩnȩ ja̧'a̧.

San Juan 5:36

Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧.

San Lucas 16:31

Päomȩnä̧, Abraha̧-mä̧ päinä̧ku̧: Moisé-rü'i̧nä̧, profeta winä̧tü̧rü̧'i̧nä̧ ttesetü juiyüttümä̧, wa'inä̧tü̧ttü̧ tto'ächü jittäwaja pä'ü'i̧nä̧ esetokotü ttäkuotü.

Hebreos 11:16

ja̧'wa̧nü̧ ja̧'a̧nä̧ juätümä̧ tti̧rȩjä̧ adiwä̧jä̧ pä̧wä̧rü̧ji̧nä̧u̧, juä̧jä̧mä̧ mo̧ro̧jä̧ rȩjȩ ja̧'a̧. Ja̧'wa̧nü̧ ja̧'a̧ttü̧, Dio-mä̧ juätü ttü̧ä̧nä̧wa̧ ja̧'a̧mä̧ dä̧'ä̧rü̧jo̧ko̧ku̧, jua'amä̧ juätü ttü̧jä̧kuȩ ütawiyä jo̧mȩnü̧ aditü u̧ju̧ni̧na̧'a̧ttü̧.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

San Lucas 16:29

Pä'ü ajuäkuäwäku Abraha̧-mä̧ päinä̧ku̧: Juätümä̧ Moisé i̧wȩyu̧ti̧nü̧'i̧nä̧, profeta wotü tti̧wȩyu̧ti̧nü̧'i̧nä̧ kku̧nä̧rä̧tü̧; ja̧'wa̧nü̧ ja̧'a̧ttü̧ juätürütä ä̧ju̧kuä̧tü̧.

San Juan 1:45

Ja̧'wa̧ta̧nü̧ Felipe-mä̧, Natanael-rü po̧kui̧pü̧ pä'inü̧: —Weäwä wȩnȩnä̧ Moisé i̧wȩyȩti̧nä̧ku̧ pä'ijürü, profeta winä̧tü̧ tti̧wȩyu̧ti̧nä̧ku̧ pä'ijürü, Jesú nazare i̧sa̧, José i̧tti̧rü̧ po̧kui̧pä̧jä̧tü̧jä̧,

Hebreos 11:35

Kkorotü nä̧tü̧mä̧ ttawaruwä 'korujuo'ächinä̧tü̧rü̧mä̧, pä'äjita'anü̧ tta̧'kua̧ri̧'i̧ni̧yä̧u̧. Kkorotümä̧ ubara ttu'utä 'korujuo'ächinä̧tü̧, ppättädatü pättoka'atä, jua'amä̧ rü̧ȩnä̧ adiwäjuei kkä̧kuä̧wä̧nä̧ ttottächa pä'ü.

San Lucas 24:25

Ja̧'wa̧nü̧ jitäwäku Jesú-mä̧ päinä̧u̧: —¡Isoo, ukutumä̧, ku̧wo̧jui̧pä̧tu̧kua̧ pä'ü'i̧nä̧ jui'ätüjä̧ tä̧jí̧, kuesetätukua pä'ü'i̧nä̧ kua̧mi̧ 'ki'ätüjä̧ tä̧jí̧, profetas jittäwinü̧mä̧!

San Juan 5:40

Ja̧'wa̧nü̧ ja̧'a̧nä̧ ukutumä̧, ttüku kuicha pä'okotüjä̧ kkä̧kuä̧wä̧ ku̧ju̧nä̧rä̧tu̧kua̧ pä'ümä̧.

San Marcos 10:3

Ja̧'wa̧nü̧ jättepäku ädätinä̧u̧: —¿Moisé weinü̧mä̧ ti̧yȩ ja̧'a̧jä̧ttü̧?