San Juan 5:24 - Nuevo Testamento Uwotjüja

²⁴ Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

TÄ̧DO Ä̧CUÄ̧ I̧HUȨNȨ

²⁴ “Iso päi'önä pä'ösä ucuturu, ttö pädö ä̧ju̧cu̧'inä̧, ttörö hue'inörö esetö'inä, kä̧cuä̧huä̧ i'co ku̧nä̧rö̧. Ja̧u̧ru̧ tä̧bo̧cuä̧mä̧ 'cuäopoca'a jä̧cua̧. Ja̧u̧mä̧ 'corupä'i'ätö jä̧'i̧nö̧'a̧nö̧ ja̧'a̧nä̧, jitä 'corupä'i'ocö, kä̧cuä̧huä̧ i'co u̧ju̧nä̧ra̧'a̧ttö̧.

San Juan 5:24 Referans Kwoze

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 3:18

Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

San Juan 6:47

Ja̧'wa̧nü̧ ja̧'a̧ttü̧ isopäi'ünä̧ pädäu̧jä̧: Ttürü esetümä̧ kkä̧kuä̧wä̧ i'ko kku̧nä̧rü̧.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Juan 11:26

Ja̧'wa̧nü̧ ja̧'a̧ttü̧ o'katoi'ünä̧ a̧'kua̧rä̧tü̧, ttürü esetätümä̧ yoriso 'korujuo'ächokotü ttäkuotü. ¿Pa̧'a̧nü̧ pädümä̧ esetäjujä̧?

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 8:51

Isopäi'ünä̧ pädäu̧jä̧, chi̧wȩnȩ päü jȩpü̧mä̧, wa'ü ikuokü jä̧kua̧.

1 Tesalonicenses 5:9

Isopäi'ünä̧ Dio-mä̧ usurä tȩmä̧u̧nä̧ ro̧ȩpa̧tü̧ pä'ümä̧ i'ätȩto̧ko̧u̧ pinä̧tü̧jä̧. Tu̧ru̧wa̧ Jesucrito-nä̧, ra̧wä̧pi̧jü̧ttü̧ kki̧'i̧kuä̧tä̧ tȩma̧ päinä̧u̧jä̧.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

1 Juan 3:14

Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

San Juan 12:44

Jesú-mä̧ pä̧i̧ku̧nä̧ pä'inü̧: Ttürü esetümä̧, ttürütämä̧ esetokü; Chä'o ttürü we'inü̧rü̧'i̧nä̧ esetü.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

1 Pedro 1:5

Ukutumä̧ Dio-rü kua̧'kua̧ ku̧wȩnä̧rä̧tu̧kuo̧mȩnä̧, ujurunä̧ tta̧wä̧rä̧u̧jä̧ ra̧wä̧pi̧jü̧ttü̧ kki̧'ä̧kuä̧wä̧ jo̧mȩnü̧ jȩpü̧ u̧ju̧ni̧nü̧ra̧'a̧ kui̧'chi̧'ä̧tu̧kua̧ pä'ü, ja̧u̧mä̧ rüjí mo̧ro̧ i̧jȩpä̧kuȩ.

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

San Juan 4:36

Ja̧'wa̧ta̧nü̧ ka̧ka̧tü̧mä̧ mikuä ȩmü̧kkä̧nü̧, u̧wä̧ju̧ ka̧ka̧tü̧ kkä̧kuä̧wä̧ i'ko u̧ju̧nä̧ra̧ pä'ü ja̧'wa̧nü̧ jo̧mȩnä̧ kku̧nä̧wä̧ i̧sa̧'i̧nä̧, ka̧ka̧kuä̧ i̧sa̧tä̧ku̧ yo̧mȩtȩnä̧ esewa pä'ü.

San Juan 6:50

Ja̧'wa̧nü̧ ja̧'a̧nä̧, pidemä̧ kuäkuäwä mo̧ro̧jä̧ra̧'a̧ttü̧ mȩyȩwi̧nü̧ ja̧'a̧; jua'amä̧ jua̧u̧ttü̧ o'katoi'ünä̧ kuätümä̧, 'korujuottächü juiya pä'ü.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

San Juan 6:58

Pide ja̧'a̧ kuäkuäwä mo̧ro̧jä̧ra̧'a̧ttü̧ mȩyȩwi̧nü̧mä̧. Pide kuäkuäwämä̧, ku̧tä̧mü̧ mi̧nä̧tu̧ku̧ ttikuinü̧ maná ji̧na̧'a̧nümä̧ jo̧kü̧, kuinü̧'kotümä̧ wa'ü ikuinä̧tü̧; ja̧'wa̧nü̧ ja̧'a̧nä̧ pi̧yȩ kuäkuäwättü kumä̧ 'kuäopünä̧tä̧ ü̧jä̧kua̧.