San Juan 5:19 - Nuevo Testamento Uwotjüja

¹⁹ Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ ja̧'a̧ttö̧ Jesús pä'inödo jahuätörö: —Iso päi'önä pä'ösä ucuturu, Dios I̧tti̧ chutä amönä amöcuädömä, yoröiso jȩpo̧cö̧. Chutä Jä'o jȩö̧ tomenä, ja̧u̧ juäi jȩpö̧ chu'inä. O'ca juiyönä Jä'o jȩö̧mä̧, I̧tti̧'i̧nä̧ ja̧'hua̧ta̧nö̧ jȩpö̧.

San Juan 5:19 Referans Kwoze

San Juan 12:49

Jua'amä̧ ttütä chüjü'komȩnä̧mä̧, chukuokuoka'attü̧; Chä'o ttürü we'inütä̧, iyinütä̧ chukuokua'attü̧.

San Juan 8:28

Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

San Juan 14:10

¿Kuesetoka'a, Chä'o ttünä̧ ü̧ja̧'a̧mä̧ ja̧'wa̧ta̧nü̧ Ttü'i̧nä̧ Chä'oku chü̧ja̧'a̧mä̧? Ttü chukuokumä̧, ttütä cha̧mü̧nä̧ pa̧ja̧tü̧mä̧ ukuokuoküsä. Jua̧u̧ ttünä̧ kkä̧nü̧tä̧ o'kajuiyünä̧ jȩpü̧.

San Juan 10:18

Ya̧tȩ'i̧nä̧ cha̧'kua̧rü̧ 'cho'ipümä̧ toa'a, ttütätä chu̧ju̧nä̧wa̧'a̧ttü̧. Chujuru kku̧nä̧rü̧sä̧ chiya pä'ü'i̧nä̧ ja̧'wa̧ta̧nü̧ ppa̧'a̧dü̧ chȩma̧ pä'ü'i̧nä̧, jü̧nä̧. Pi̧yȩ jȩcha̧ pä'ü weinä̧ku̧sä̧ chä'omä̧.

Romanos 8:11

Isopäi'ünä̧ Jesú-ru wa'arettü tto'ädinü̧ Epíritu ukutunä̧ ü̧jo̧mȩnä̧mä̧, ukutu kuidepätuku wa'are jäwä'i̧nä̧ tto̧ä̧dä̧kua̧, chutä a̧'kua̧rü̧ i̧sa̧ Epíritu ukutunä̧ ü̧ja̧'a̧ttü̧.

San Juan 9:4

Ji̧nä̧ mo̧ro̧ jä̧i̧tä̧, ttürü we'inü̧ aditäwämä̧ chadita pä'ü ja̧'a̧; täkü yodó juomȩnä̧mä̧ ya̧tȩ'i̧nä̧ aditü juiyünä̧ ja̧'a̧.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

San Juan 3:3

Jesú-mä̧ jua̧u̧ru̧ pä'inü̧: —Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

Colosenses 1:16

Isopäi'ünä̧ Dio-mä̧ Jua̧u̧nä̧tä̧ uwäbe'inü̧ o'kajuiyünä̧, pi̧jä̧nä̧ kka̧ku̧'i̧nä̧, mo̧ro̧jä̧nä̧ kka̧ku̧'i̧nä̧, tottünä̧ jü̧'i̧nä̧, tottü juiyünä̧ jü̧'i̧nä̧ jü̧nä̧, epíritu-tu̧ pä̧ttä̧u̧ isoppa wotü ttujuru kku̧nä̧rä̧tü̧rü̧'i̧nä̧, ruwo we'ätürü'i̧nä̧, tturuwo kku̧nä̧rä̧tü̧'i̧nä̧. O'kajuiyünä̧tä̧ Jua̧u̧nä̧tä̧ uwäbe'inü̧, Chutä üäre jü̧nä̧tä̧.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

Filipenses 3:21

Jua̧u̧tä̧tä̧ jä̧kua̧'a̧ tidepä wa'are jäwä jä̧'i̧jü̧mä̧, Chutä ü̧jü̧ beipokü jäwänä̧ pärotü i̧kuä̧kua̧mä̧. Chutä ujurunä̧ pi̧jä̧ o'kajuiyünä̧ wea pä'ü iyäwi'inä̧ku̧ ja̧'a̧ttü̧.

Efesios 3:16

Epíritu jäwänä̧, chutä uruwo kka̧'a̧ku̧, kujurutuku iyätukuaku pä'ü ukuokusä, kua̧'kua̧rü̧ jakuänä̧.

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

2 Corintios 4:14

ja̧'wa̧ta̧nü̧ Tu̧ru̧wa̧ Jesú-ru tto'ädinü̧mä̧, ujuturu'i̧nä̧ Jesú-ku ttoädäkuä̧u̧jä̧ pä'ü wo̧juö̧ kkä̧nü̧, ukututäku yo̧mȩtȩnä̧ i̧jȩpä̧kuä̧u̧jä̧ pä'ü'i̧nä̧ wo̧juä̧tü̧jä̧.

1 Corintios 15:12

Ja̧'wa̧nü̧ ja̧'a̧nä̧, ujutu Crito wa'arettü ttoächinü̧ wȩnȩ jitäwa'a ja̧'a̧mä̧ ¿tta̧'a̧nü̧ pä'ü ukututtü yotukunä̧mä̧, wa'arettümä̧ ttoächäkuäwokü pätta'a jä̧ttü̧?

Romanos 6:4

Isopäi'ünä̧ bautizo jȩtä̧kuä̧wi̧nü̧nä̧, Crito-ku 'koru juotächa'a 'turu ikuäwotü jü̧nä̧tä̧ wotüjä̧, jä'o üadiwä ujurunä̧ Crito wa'arettü ttoächinü̧ta̧'a̧nü̧, ujutu'i̧nä̧ jareünä̧ kkä̧kuä̧wä̧nä̧ kuetächa pä'ü.

Hechos 2:24

Jua̧u̧ru̧mä̧, Dio-mä̧ wa'are ubarattü äräbe'inü̧; wa'are 'chuädi'arü pä'ümä̧, yoriso juiyina̧'a̧.

San Juan 2:19

Pättäku Jesú-mä̧ ädätinä̧u̧: —«Pode Dio-rü ukuokuäkuäwode pparopü ikuätukui, wäbodäkuä mo̧ro̧tä̧ chäräbe'iyätukuaku.»

1 Tesalonicenses 4:14

Isopäi'ünä̧ Jesucrito-mä̧ 'korujuo'ächäji̧'ka̧mä̧, tto'ächinü̧ pä'ü tesetüttümä̧. Dio-mä̧ ja̧'wa̧ta̧nü̧ tto̧ä̧dä̧kua̧ Jesú-ru esetü kkä̧nü̧ 'korujuo'ächinä̧tü̧rü̧mä̧.

Colosenses 1:11

Ja̧'wa̧nü̧ jo̧mȩnä̧, Chutä adiwä juei ujurunä̧tä̧ kujuruwätukuäkuotüjä̧, surojü 'kuäopomȩnä̧ ma̧kuä̧chä̧tu̧ku̧ juiya pä'ümä̧.

San Mateo 26:39

Pä'ipü yabonä̧nü̧ 'chä̧wi̧'ü̧, iwe'kiyunä̧ pä̧mä̧dü̧ rȩjȩku̧ ma̧'ä̧mü̧, Dio-rü ukuoku pä'inü̧: «Chä'o, jȩ'ku̧'a̧nü̧ jü̧ttü̧mä̧, pi̧yȩ usurä ȩmä̧kuä̧wä̧nä̧ 'kuädopü juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukuru pä̧wä̧rü̧jo̧mȩnä̧tä̧.»

San Juan 6:38

Isopäi'ünä̧ ttümä̧, mo̧ro̧jä̧ra̧'a̧ttü̧mä̧ mȩyȩwo̧kü̧ pinü̧sä̧ ttürü pä̧wä̧rü̧jü̧ jȩcha̧ pä'ümä̧, suro Chä'orü, ttürü we'inü̧rü̧ pä̧wä̧rü̧jü̧tä̧ jȩpü̧ ichinü̧sä̧.

San Juan 12:50

Ja̧'wa̧nü̧ ja̧'a̧ttü̧, Chä'o weinü̧mä̧ kkä̧kuä̧wä̧ i'ko pä'ü wo̧jua̧sä̧. Ja̧'wa̧nü̧ jo̧mȩnä̧, ttü chukuokumä̧, Chä'o weinüta̧'a̧nü̧tä̧ ukuokusä.