San Juan 4:48 - Nuevo Testamento Uwotjüja

⁴⁸ Ja̧'wa̧nü̧ ajuäkuäwiyäku Jesú-mä̧ pä'inü̧: —Ukutumä̧ jȩtto̧kü̧ juei kui'ärenä̧, to'kuätuku juiyüttümä̧ esetokotüjä̧.

TÄ̧DO Ä̧CUÄ̧ I̧HUȨNȨ

⁴⁸ Ja̧'hua̧ ja̧'a̧ttö̧ Jesús päinäcudo: —Ucutumä ttö̧ja̧ ttieru juäi tocu'ätucu juiyöttömä, esetocotöjä.

San Juan 4:48 Referans Kwoze

San Juan 20:29

Päiyäku Jesú-mä̧ päinä̧ku̧: —¿Ttürü topütätä esetüjä̧, Tomá? ¡Tottoka'anä̧, esetäjätütä ja̧'a̧ rü̧ȩnä̧ eseäkuäwä po̧kui̧pä̧tü̧mä̧!

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

1 Corintios 1:22

Judío-mä̧, jitäu tteseta pä'ümä̧, jȩtto̧kü̧ ja̧jü̧juei jȩta̧'a̧ totta pä'ätü ja̧'wa̧ta̧nü̧ griego-mä̧ wo̧juȩku̧nä̧ rä̧mi̧pü̧ ttä̧ju̧kua̧ pä'atü;

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

San Juan 12:37

Juätü ttä'kattü, rü̧ȩnä̧ jȩtto̧kü̧ jü̧ juei, Jesú-mä̧ jȩä̧'i̧ja̧'a̧nä̧ ttesetokoku pinü̧.

2 Corintios 12:12

O'kajuiyünä̧tä̧ ja̧'a̧nä̧, cha̧mi̧ 'ki'ächi'ü, jȩtto̧kü̧ juei'i̧nä̧, na̧nȩpä̧tü̧ ttü̧'i̧pȩ'ü̧'i̧nä̧, ttünä̧tä̧ ja̧'a̧ topinä̧tü̧jä̧, isopäi'ünä̧ apóto jü̧nä̧ cha'attü, chaditäwämä̧.

Romanos 15:19

Tottokü jä̧'i̧jü̧ tottünä̧'i̧nä̧, kkorojuei ttiweyeku'i̧nä̧, Epíritu Sa̧tu̧ ujurunä̧ aditinü̧sä̧. Ja̧'wa̧nü̧ aditinü̧sä̧ jareü wȩnȩ Jerusarȩ́-ttü̧ kkä̧mä̧dü̧, kkara'a'i̧nä̧ o'kajuiyünä̧, Irírico rȩjȩbü päi'ünä̧.

Hechos 14:3

Ja̧'wa̧nü̧ ja̧'a̧nä̧, Pauru'i̧nä̧, Bernawé'i̧nä̧ Iconio ütawiyänä̧ rekuo mo̧ro̧ kka̧ku̧ ji'äwinä̧tü̧ Tu̧ru̧wa̧ ttujuru iya'attü, Jua̧u̧tä̧tä̧ adiunä̧ u̧wo̧juȩtä̧ra̧'a̧nä̧ ji'äwinä̧tü̧. Tu̧ru̧wa̧mä̧ jȩtto̧kü̧ juei'i̧nä̧ jȩttü̧nä̧ ppä̧dinä̧u̧.

San Marcos 13:22

Isopäi'ünä̧, Crito i̧mi̧nä̧ yaparewätü'i̧nä̧, profeta tti̧mi̧nä̧ yaparewätü'i̧nä̧ ttichäkuotü, jȩtto̧kü̧ ja̧jü̧juei'i̧nä̧ jȩttä̧kuo̧tü̧, ja̧'wa̧nü̧ jȩpü̧ Tu̧ru̧wa̧ ȩmi̧nä̧u̧ru̧'i̧nä̧ ttesetipünä̧ jȩtta̧ pä'ü tta̧mü̧kuädäkuotü.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

Hechos 2:43

Apótore jȩtto̧kü̧ juei'i̧nä̧, ttieruwuö'i̧nä̧ jȩtta̧'a̧ topü, o'katoi'ünä̧rü̧ rü̧ȩnä̧ yetteku rȩbȩä̧kuä̧wi̧na̧'a̧;

San Juan 2:18

Ja̧'wa̧nü̧ jȩi̧yä̧u̧ judío-mä̧ Jesú-ru jä'epü ä̧ju̧kui̧nä̧tü̧: —¿Ja̧'wa̧nü̧ jȩ'kua̧'a̧mä̧, dí weäwänä̧ jȩ'kua̧'a̧jä̧ttü̧?

San Lucas 16:31

Päomȩnä̧, Abraha̧-mä̧ päinä̧ku̧: Moisé-rü'i̧nä̧, profeta winä̧tü̧rü̧'i̧nä̧ ttesetü juiyüttümä̧, wa'inä̧tü̧ttü̧ tto'ächü jittäwaja pä'ü'i̧nä̧ esetokotü ttäkuotü.

2 Tesalonicenses 2:9

Jua̧u̧ ttü̧ja̧sa̧ surojütä jȩä̧kuä̧wä̧ i̧sa̧mä̧ Satanás-tä̧ ppädäkuäwänä̧ i̧chä̧kua̧; rü̧ȩnä̧ ujuruku i̧rȩbȩwä̧kua̧ ja̧'wa̧ta̧nü̧ señales-ku, jȩtto̧kü̧ juei jä̧'i̧jü̧ yaparetü jȩä̧kua̧.

Hechos 15:12

Ja̧'wa̧nü̧ ukuokuomȩnä̧ o'katoi'ünä̧tä̧ 'koruchi'äjä'kotü ä̧ju̧kuä̧ri̧nä̧tü̧. Ja̧'wa̧ta̧nü̧ Pauru-mä̧, Bernawé-ku ukuokuinä̧tü̧ judío pokotü ttü̧'kä̧tȩttü̧ Dio jȩi̧nü̧ wȩnȩ, juätürü.

Hechos 7:36

Ja̧'wa̧ta̧nü̧, jua̧u̧tä̧ Moisé ji̧na̧'a̧ tü̧tä̧mü̧ mi̧nä̧rü̧ Egito-ttü, jȩtto̧kü̧ juei jȩpü̧, Mar Rojottü'i̧nä̧ ja̧'wa̧ta̧nü̧ rȩbi̧yu̧ dȩ'a̧ra̧'a̧ttü̧'i̧nä̧ cuarenta años jo̧mȩnä̧ rä'epü ikuinü̧mä̧.

Hechos 6:8

Ja̧'wa̧nü̧ ja̧'a̧ Esteba̧-mä̧, Dio ujuru'i̧nä̧, Dio jäwä'i̧nä̧ jo̧mȩnü̧ kkä̧ku̧, ttü̧ja̧ jȩtto̧kü̧ jue'i jȩpi̧nü̧.

Hechos 5:12

Apótore-mä̧ rü̧ȩnä̧ ttü̧ja̧ jȩtto̧kü̧ ja̧jü̧ juei jȩpi̧nä̧tü̧ ttü̧ja̧ ttü̧ja̧kuo̧mȩttü̧; o'katoi'ünä̧ Saromón aditino̧mȩ äpatenä̧ ka̧ka̧kui̧nä̧tü̧.

Hechos 4:30

Ku̧mü̧ te'ädü ppä'äditü na̧nȩpä̧tü̧ ttü̧'ȩji̧'ü̧nä̧, jȩtto̧kü̧ juei, kui̧tti̧ Jesú i̧mi̧nä̧ jȩtü̧nä̧.»

Hechos 2:19

Mo̧ro̧jä̧ra̧'a̧ttü̧mä̧ rü̧ȩnä̧ jü̧ tottünä̧ chi̧jȩpä̧kua̧sä̧; pi̧jä̧nä̧ttü̧mä̧: ttukuoja'i̧nä̧, okurä'i̧nä̧, ajiya isoppa'i̧nä̧ chi̧jȩpä̧kua̧sä̧.

San Juan 15:24

Surojü jȩttü̧mä̧ jui'ajatü, ttü̧'kä̧tȩttü̧ ya̧tȩ'i̧nä̧ jȩo̧kü̧ ja̧jü̧ juei jȩcho̧ka̧'a̧ jä̧'i̧jü̧ttü̧mä̧; ja̧'wa̧nü̧ ja̧'a̧nä̧, jitämä̧ topä'ijätü ja̧'wa̧nü̧ topü ttürü'i̧nä̧ ttüjü'koka'amä̧, chä'orü'i̧nä̧ kkü'kokotü.

San Lucas 10:18

Pättiyäku, Jesú-mä̧ päinä̧u̧: —Ttümä̧ topinü̧sä̧, Satanás-rü̧, ku'upä ürowa'a jä̧'i̧nü̧'a̧nü̧, mo̧ro̧jä̧ra̧'a̧ttü̧ ma̧'ä̧chü̧ juiächa'a.

San Mateo 27:42

—Kkorotürümä̧ ra̧wä̧pi̧jü̧ttü̧ ttü̧ji̧pü̧nä̧ ppädina̧'a̧nä̧, a̧mü̧nä̧ pa̧ja̧tü̧ wa'arettümä̧ ü̧ji̧pü̧ juiyünä̧ wa̧, Irae ttü̧ja̧ ttu̧ru̧wa̧sä̧ pä'ija'anä̧: ¡isopäi'ünä̧ ü̧jo̧kä̧ jäittü i̧mȩyȩwä̧chü̧ttü̧tä̧, tesetä̧kua̧!

San Mateo 16:1

Fariseo wotü'i̧nä̧, saduceo wotü'i̧nä̧ Jesú ü̧jo̧mȩku̧ 'chä̧wi̧'ü̧, ji̧nä̧ ttiweyettü jȩtto̧kü̧ juei mo̧ro̧jä̧ jäwä i̧jȩpa̧tü̧ pä'ü jättepinä̧ku̧.

San Juan 4:49

Su̧ro̧do̧u̧ ttu̧ru̧wa̧mä̧ pä'inü̧: —Chu̧ru̧wa̧, ichí, ji̧nä̧ chi̧tti̧ 'korupäi'ü juiyäitä,