San Juan 4:21 - Nuevo Testamento Uwotjüja

²¹ Päjäku, Jesú-mä̧ ädätinä̧kua̧: —Esetittü isaju, täkü pi'ka müä'kattü̧mä̧ ja̧'wa̧ta̧nü̧ Jerusarȩ́-ttü̧mä̧, Dio-rü eseäkuäwokü jä̧kuȩ mo̧ro̧ rȩbȩä̧kuä̧wa̧'a̧,

TÄ̧DO Ä̧CUÄ̧ I̧HUȨNȨ

²¹ Jesús jahuäjuru ädätö pä'inödo: —Isaju, ttörö eseti. Yodoji mo̧ro̧ päi'omenä, ucutumä Diosrötä cua̧'cua̧ cu̧huȩnä̧rä̧cuo̧tö̧jä̧ Jerusalén ötahuiyära̧'a̧'i̧nä̧, pi'ca möä'cara̧'a̧'i̧nä̧ cui̧'chä̧tu̧cuo̧ca'a̧.

San Juan 4:21 Referans Kwoze

1 Timoteo 2:8

Ja̧'wa̧nü̧ ja̧'a̧ttü̧, u̧mä̧tü̧mä̧ ttü̧ja̧kuo̧mȩ pünä̧ tta̧mi̧so'kinä̧ surojü juiyünä̧, ttü̧ra̧wä̧ro̧ka̧'a̧, pättä'chäkuäwoka'a, ttu̧mü̧ kä'epü Dio-rü ttukuokua pä̧wä̧rü̧jä̧ku̧sä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

San Juan 4:23

Ja̧'wa̧nü̧ ja̧'a̧nä̧, ji̧yȩtä̧ mo̧ro̧mä̧ täkü rȩbȩä̧kuä̧wa̧'a̧, jua̧u̧ mo̧ro̧ jitä ja̧'a̧. Isopäi'ünä̧tä̧ eseäkuäwätü, Dio-rü tteseu mo̧ro̧mä̧; Jä'o Dio-rü Epíritu a̧'kua̧iweyenä̧, isopäi'ünä̧ jäwänä̧ ttiwe'kiyunä̧ kka̧kuä̧mü̧ tteseumä̧. Isopäi'ünä̧ Jä'omä̧ ja̧'wa̧nü̧tä̧ ttiwe'kiyunä̧ kka̧kuä̧mü̧ ttesewarü pä'ü pä̧wä̧rü̧jä̧ku̧.

San Mateo 18:20

Isopäi'ünä̧ ta̧ju̧tä̧ ja̧ pä'ü'i̧nä̧, wä̧mȩtukuätä ja̧ pä'ü'i̧nä̧ ttü chi̧mi̧nä̧ ka̧ka̧ku̧ ttü̧'ȩjü̧ttü̧mä̧, juätütäku ttü̧'kä̧tȩnä̧ kkü̧sä̧.

Efesios 3:14

Pa̧'a̧nü̧ jo̧mȩttü̧ chiwe'kiyunä̧ pä̧mä̧dü̧ Chä'o Dio-rü ukuokusä,

San Juan 16:32

Jitämä̧ yotukunä̧ kuipperekuächätukuä̧kuȩ rȩbȩä̧kuä̧wa̧'a̧, jua̧u̧mä̧ jitätä ja̧'a̧, ttü kkatärütä kku̧ni̧pü̧ ji̧kuȩ'ä̧kuo̧tü̧jä̧; ja̧'wa̧nü̧ ja̧'a̧nä̧ kkatämä̧ woküsä, Chä'o'i̧nä̧ ttüku ü̧ja̧'a̧ttü̧.

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

San Juan 5:28

Pi̧yȩ pädomȩnä̧mä̧, too to'kuä̧rä̧tu̧kuä̧; isopäi'ünä̧ o'katoi'ünä̧ wa'are rejunä̧ pä̧tü̧'i̧nä̧, i̧wȩnȩ ttä̧ju̧ku̧ mo̧ro̧ rȩbȩä̧kuä̧wä̧kua̧'a̧.

1 Pedro 1:17

Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.

Hechos 6:14

pä'inä̧tü̧; pa̧'a̧nü̧ pä'a tä̧ju̧kuä̧jä̧ku̧: Jua̧u̧, Jesú nazare i̧sa̧mä̧, pode Dio-rü ukuokuäkuäwode'i̧nä̧ si'epü iku, weäwä wȩnȩ Moisé weinü̧'i̧nä̧ pärotü ikuäkua̧ pä'inü̧, pä'inä̧tü̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 5:25

Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧.

San Lucas 21:24

Ja̧'wa̧ta̧nü̧ kkorotümä̧ kurodiyänä̧ 'kui'ü ttikuäkuä̧u̧, kkorotümä̧ kko̧ro̧jä̧ra̧'a̧ ttu̧wo̧juȩtä̧u̧ jü̧nä̧ ttȩpä̧kuä̧u̧; ja̧'wa̧ta̧nü̧ Jerusarȩ́-mä̧ judío pokotü surojuottepäkuomȩ, juätürü jo̧mȩ päi'omȩbü päi'ünä̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Apocalipsis 21:22

Ütawiyänä̧mä̧, Dio-rü ukuokuäkuäwodemä̧ topokü pinü̧sä̧, Dio-rü ukuokuäkuäwodemä̧ Chutä Tu̧ru̧wa̧, Dio o'kajuiyünä̧ ju̧ru̧wa̧, oweja mü̧ä̧ya̧ jü̧nä̧ wa̧ ja̧'a̧ttü̧.