Biblia Todo Logo
Bib sou entènèt

- Piblisite -




San Juan 3:33 - Nuevo Testamento Uwotjüja

33 Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧.

Gade chapit la Kopi

TÄ̧DO Ä̧CUÄ̧ I̧HUȨNȨ

33 Ja̧'hua̧nö̧ ja̧'a̧nä̧ ya̧tȩ esetöttömä, “Dios iso päi'önä päa'a” pä'ödo.

Gade chapit la Kopi




San Juan 3:33
17 Referans Kwoze  

Ja̧'wa̧nü̧ ja̧'a̧ttü̧, iyäkuä̧u̧ru̧ Dio-mä̧ chi̧yä̧kua̧sä̧ päinü̧mä̧ pärowächü juiyünä̧ jueünä̧tä̧ iya pä'ü ukuokuinü̧, juramento pättünä̧ wȩnȩtü̧.


Ja̧'wa̧ta̧nü̧ Jua̧u̧nä̧tä̧ ukutumä̧ jueü wȩnȩ'i̧nä̧, surojüttü kki̧'ä̧kuä̧wä̧'i̧nä̧, kuä̧ju̧kui̧nä̧tu̧kua̧'a̧ttü̧ ja̧'wa̧ta̧nü̧ jua̧u̧ru̧tä̧ kuesetinä̧tu̧kua̧'a̧ttü̧, Epíritu Sa̧tu̧nä̧ sello-nä̧ i̧nȩpü̧ ttüta'a jä̧'i̧nü̧'a̧nü̧ jȩi̧nä̧u̧jä̧, päinü̧'a̧kuä̧.


ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.


Ja̧'wa̧nü̧ ja̧'a̧nä̧, Dio-mä̧ jueünä̧tä̧ wa̧ ja̧'a̧ttü̧, ukuturumä̧ todärenä̧mä̧ ukuokuokotüjä̧.


Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.


Rü̧ȩnä̧ ja̧'a̧ ukuturu chukuokua pädümä̧ ja̧'wa̧ta̧nü̧ adiu jȩ'kuä̧tu̧ku̧ ja̧ pä'ü'i̧nä̧, surojü jȩ'kuä̧tu̧ku̧ ja̧ pä'ü'i̧nä̧, jü̧nä̧; ja̧'wa̧nü̧ ja̧'a̧nä̧ ttürü we'inü̧mä̧ jueü wȩnȩtä̧ wa̧ ja̧'a̧; ja̧'wa̧nü̧ ja̧'a̧ttü̧, jua̧u̧ttü̧ chä̧ju̧kui̧nü̧tä̧ pi̧jä̧ ttü̧ja̧rü̧mä̧ ukuokusä.


Isopäi'ünä̧ Abraha̧-mä̧ circuncisión pättüjuei jȩtti̧nä̧ku̧, Dio-rü, churutä a̧'kua̧ u̧wȩnä̧rä̧jä̧ku̧, sello jä̧'i̧nü̧'a̧nü̧ ttu̧wo̧jua̧rü̧ pä'ütä. Ja̧'wa̧nü̧ jo̧mȩnä̧ Abraha̧-mä̧, pärowächinü̧ o'katoi'ünä̧ Dio-rü tta̧'kua̧ wȩnä̧rä̧tü̧mä̧ ttä'o jü̧nä̧tä̧, circuncisió̧-mä̧ jȩttä̧kuä̧wo̧ka̧'a̧nä̧. Ja̧'wa̧nü̧ ja̧'a̧ttü̧ Dio-mä̧ adiu jȩpä̧tü̧ jü̧nä̧tä̧ to̧ä̧u̧.


Ja̧'wa̧nü̧ ja̧'a̧ttü̧, jua̧u̧ pärätä ttü̧ka̧ka̧tä̧ji̧ iyipü'ka̧tä̧, Epaña-ra̧'a̧mä̧ chi̧'chä̧kua̧sä̧, jua'a chi̧'cho̧mȩttü̧ ukuturu dodächa pä'ümä̧.


Kkorotümä̧, Apóto-mä̧ wokü pätta'anä̧; ukuturumä̧ isopäi'ünä̧ apóto wa̧sä̧, isopäi'ünä̧ ukutu Jesucrito-rü kuesetätuku ja̧'a̧ i̧jȩpü̧mä̧, ttü apóto cha'a.


Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.


Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».


Ja̧'wa̧nü̧ ja̧'a̧nä̧, «surojümä̧ jȩpo̧ko̧tü̧ pä'ijätüjä̧ pätüttümä̧» Dio-rümä̧ ya̧pa̧rȩwa̧tä̧ ü̧ji̧pü̧nä̧ pä'ätüjä̧. Chutä i̧wȩnȩ'i̧nä̧ juiya'a ujutunä̧mä̧.


Swiv nou:

Piblisite


Piblisite