San Juan 3:2 - Nuevo Testamento Uwotjüja

² Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

TÄ̧DO Ä̧CUÄ̧ I̧HUȨNȨ

² Pide Nicodemo Jesúsru koronö yodo topö 'chi̧nö̧do. Jesúsru pä'inödo: —Huo̧juȩcuä̧ I̧sa̧, ujutu huo̧juä̧tö̧jä̧ Dios hueinäcujä ujuturu cu̧huo̧juȩta̧ pä'ö. Ya̧tȩ Dios hueö juiyöttömä koro ttö̧ja̧ ttieru juäi jȩcu̧'u̧'a̧nö̧ jȩpo̧cö̧ yoröisotä.

San Juan 3:2 Referans Kwoze

San Juan 5:36

Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

San Juan 9:16

Fariseo wotümä̧ yotukunä̧ pä'inä̧tü̧: —Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧. Ja̧'wa̧nü̧ pätta'anä̧, kkorotümä̧ pä'inä̧tü̧: —¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧? Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧.

San Juan 12:37

Juätü ttä'kattü, rü̧ȩnä̧ jȩtto̧kü̧ jü̧ juei, Jesú-mä̧ jȩä̧'i̧ja̧'a̧nä̧ ttesetokoku pinü̧.

San Juan 1:38

Ja̧'wa̧nü̧ ja̧'a̧ Jesú-mä̧ kkärächi'ü toomȩnä̧, o'ka'anä̧ ttichiyäku jä'epü ä̧ju̧kui̧nä̧u̧: —¿Däjé kusätukua'ajä̧ttü̧? päomȩnä̧, ttädätinä̧ku̧: —Wo̧juȩkuä̧ i̧sa̧, ¿Tȩnȩ́ ku̧ja̧'a̧jä̧ttü̧?

San Mateo 22:16

Ja̧'wa̧nü̧ ja̧'a̧ttü̧ jitütäku wotürü'i̧nä̧ we'ükkä̧nü̧, Herode-ku wotürü'i̧nä̧ we'inä̧tü̧, pa̧'a̧nü̧ pättarü pä'ü: —Wo̧juȩkuä̧ i̧sa̧, ukumä̧ jueünä̧tä̧ ukuokuä'ijü pätäkujä̧ ja̧'wa̧ta̧nü̧ Dio u̧mä̧nä̧dä̧jä̧ jueünä̧tä̧ ku̧wo̧juȩta̧'a̧ttü̧, ttü̧ja̧ ä'koyättü pätta'akumä̧ esetokü pä'ü tu̧wo̧juä̧ku̧jä̧.

San Juan 7:31

Ja̧'wa̧nü̧ ja̧'a̧mä̧, rekuätü Jua̧u̧ru̧ esetätümä̧ pä'inä̧tü̧: —Chutä Crito ichomȩnä̧mä̧ ¿Pide jȩü̧ abonä̧nü̧dí̧ jȩä̧kua̧, jȩtto̧kü̧ jueimä̧?

San Juan 20:16

Päjiyäku, Jesú-mä̧ päinä̧kua̧: —¡María! Päkua, kkärächi'ü, hebreo wȩnȩnä̧ pä'inä̧ju̧: —¡Raboni! pä'ümä̧ «Wo̧juȩkuä̧ i̧sa̧ pä'ü päwä ja̧'a̧.»

San Juan 15:24

Surojü jȩttü̧mä̧ jui'ajatü, ttü̧'kä̧tȩttü̧ ya̧tȩ'i̧nä̧ jȩo̧kü̧ ja̧jü̧ juei jȩcho̧ka̧'a̧ jä̧'i̧jü̧ttü̧mä̧; ja̧'wa̧nü̧ ja̧'a̧nä̧, jitämä̧ topä'ijätü ja̧'wa̧nü̧ topü ttürü'i̧nä̧ ttüjü'koka'amä̧, chä'orü'i̧nä̧ kkü'kokotü.

San Juan 3:26

Ja̧'wa̧nü̧ jä̧ji̧ o'ka'a, Ju̧a̧-rü̧ ichi'ü ji'äwinä̧tü̧: —Wo̧juȩkuä̧ i̧sa̧ topittü̧, Jordán aje ji̧jȩku̧nä̧ttü̧, ukutäku ü̧ja̧'a̧, ütü'kü jikuäwäjäku päjimä̧, bautizo jȩpü̧ ja̧'wa̧nü̧ jȩa̧'a̧ o'katoi'ünä̧ jua̧u̧tä̧ku̧ 'chä̧tü̧.

San Marcos 12:14

Juätümä̧, ichi'opo'ü pättinä̧ku̧: —Wo̧juȩkuä̧ i̧sa̧, isopäi'ünä̧ ukurumä̧ jueünä̧tä̧ ukuoku pä'ü wo̧juä̧tü̧jä̧ ja̧'wa̧nü̧ ja̧'a̧ttü̧ ttü̧ja̧ pätta'akumä̧ jȩpo̧kü̧jä̧, juätürü to̧pä̧rü̧mä̧ pärokuänä̧ Dio u̧mä̧nä̧ jueünä̧tä̧ wo̧juȩtü̧jä̧. Ja̧'wa̧nü̧ ja̧'a̧ttü̧ ¿Roma ru̧wa̧rü̧ impuesto ti̧mi̧ta'amä̧ adiwa'a tä̧jí̧, suroja'a tä̧jí̧? ¿Tiyü'anü̧ tä̧jí̧, tiyü juiyü'anü̧ tä̧jí̧?

Filipenses 1:14

Jua'a yabonä̧, kärenä̧ chü̧'a̧'a̧ wo̧jui̧'ü̧mä̧, chawaruwä chü̧jä̧wa̧tü̧mä̧, Crito ppäda'anä̧, Dio i̧wȩnȩmä̧ yabokutä yeäwä juiyünä̧ ji'äwätü.

San Mateo 23:7

Ja̧'wa̧ta̧nü̧ ttu̧kuȩ ȩmä̧wo̧mȩttü̧mä̧ ukuotünü̧ te'äu kkä̧nü̧'i̧nä̧, wo̧juȩkuä̧ isotü, wo̧juȩkuä̧ isotü ottatü pä'ätü.

San Mateo 23:8

Ja̧'wa̧nü̧ ja̧'a̧nä̧ ukutumä̧ wo̧juȩkuä̧ isotü pä'ü ottünä̧mä̧ jȩ'kuä̧tu̧kuä̧, ukutumä̧ o'katoi'ünä̧ kuawaruwä kui̧jä̧wa̧tü̧ wotütä kuätukua'attü. Ja̧'wa̧ta̧nü̧ wo̧juȩkuä̧ i̧sa̧rü̧mä̧ ya̧tȩrü̧tä̧ kku̧nä̧rä̧tü̧jä̧, Crito-rütä.

San Juan 2:11

Pi̧yȩ ji̧na̧'a̧, Jesú Galirea rȩjȩttü̧, Caná ütawiyättü ä̧kuo̧mȩnä̧ jȩtto̧kü̧ juei jȩi̧nü̧mä̧, ujuru i̧jȩpü̧. Ja̧'wa̧nü̧ jȩa̧'a̧ topü u̧wo̧juȩtä̧u̧mä̧ ttesetinä̧ku̧.

San Juan 4:31

Ja̧'wa̧nü̧ ja̧'a̧nä̧, u̧wo̧juȩtä̧u̧mä̧, —Chu̧ru̧wa̧, ¡isoo! ku̧kuȩ kuiti pä'ü, ttu̧kuo̧kuä̧ri̧nä̧ku̧.

San Juan 6:2

Ja̧'wa̧nü̧ ja̧'a̧ ttü̧ja̧ rekuätü o'ka'anä̧ 'chi̧nä̧tü̧, na̧nȩpä̧tü̧rü̧ aditü ikuä'chiyä̧u̧.

San Juan 10:38

Ja̧'wa̧nü̧ ja̧'a̧nä̧, ttürü kuesetätuku juiyüttü'i̧nä̧, jua̧u̧ jȩchü̧ttü̧tä̧ topü esetätukui; Chä'o ttünä̧ ü̧jü̧'i̧nä̧, pärokua'aku Chä'onä̧ Ttü chü̧jü̧'i̧nä̧, jü̧mä̧.

San Juan 14:10

¿Kuesetoka'a, Chä'o ttünä̧ ü̧ja̧'a̧mä̧ ja̧'wa̧ta̧nü̧ Ttü'i̧nä̧ Chä'oku chü̧ja̧'a̧mä̧? Ttü chukuokumä̧, ttütä cha̧mü̧nä̧ pa̧ja̧tü̧mä̧ ukuokuoküsä. Jua̧u̧ ttünä̧ kkä̧nü̧tä̧ o'kajuiyünä̧ jȩpü̧.