San Juan 3:13 - Nuevo Testamento Uwotjüja

¹³ Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧.

TÄ̧DO Ä̧CUÄ̧ I̧HUȨNȨ

¹³ “Mo̧ro̧jä̧ra̧'a̧ yoröiso cä'ecuächocotö pi̧nä̧tö̧do. Ya̧tȩä̧tä̧, mo̧ro̧jä̧ra̧'a̧ttö̧ mȩyȩhui̧nö̧tä̧, cä'ecuächinödo. Ja̧u̧tä̧ Ubo I̧tti̧tä̧, mo̧ro̧jä̧ra̧'a̧ kö̧tä̧, ja̧'hua̧nö̧ cä'ecuächinödo.

San Juan 3:13 Referans Kwoze

San Juan 6:38

Isopäi'ünä̧ ttümä̧, mo̧ro̧jä̧ra̧'a̧ttü̧mä̧ mȩyȩwo̧kü̧ pinü̧sä̧ ttürü pä̧wä̧rü̧jü̧ jȩcha̧ pä'ümä̧, suro Chä'orü, ttürü we'inü̧rü̧ pä̧wä̧rü̧jü̧tä̧ jȩpü̧ ichinü̧sä̧.

Hechos 2:34

Ja̧'wa̧nü̧ ja̧'a̧ttü̧ Dawi-mä̧ mo̧ro̧jä̧ra̧'a̧ i̧'cho̧ka̧'a̧nä̧, pä'inü̧: «Chu̧ru̧wa̧mä̧, Chu̧ru̧wa̧rü̧ pä'inü̧: Chu̧wo̧jua̧ku̧nä̧ pä̧mä̧di̧,

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

1 Corintios 15:47

Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

Romanos 10:6

Ja̧'wa̧nü̧ ja̧'a̧nä̧ Dio-rü tta̧'kua̧ wȩnä̧rü̧ adiwä jueiku pärowächäkuäwämä̧, pa̧'a̧nü̧ pä'a: «Kua̧mi̧'iso'kinä̧mä̧, kuamükuädä ¿dí jä̧kua̧'a̧jä̧ttü̧ mo̧ro̧jä̧ra̧'a̧ 'cha̧wä̧chä̧kua̧mä̧, pä'ümä̧?» —Jua̧u̧ pä'ümä̧, Crito-rü mȩyȩdü̧ iku päwä ja̧'a̧—;

San Juan 6:62

¿Jua̧u̧nu̧mä̧, toku jä̧kua̧'a̧jä̧ttü̧, pä'äji ji̧nü̧ta'anü̧ ubo i̧tti̧ ü̧ji̧no̧mȩku̧ käekuächa'a to'kuätüküttümä̧?

San Juan 3:31

Mo̧ro̧jä̧ra̧'a̧ttü̧ rȩbȩu̧mä̧, o'kajuiyünä̧tä̧ u̧wä̧mȩnä̧ wa̧; pi̧jä̧ i̧sa̧mä̧, pi̧jä̧nä̧tä̧ wa̧; ja̧'wa̧nü̧ ja̧'a̧ttü̧ pi̧jä̧ jäwätä ukuoku ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ ichümä̧ o'kajuiyünä̧ u̧wä̧mȩnä̧ wa̧.

San Juan 6:46

Jua'amä̧, ya̧tȩ'i̧nä̧ Jä'orü topinä̧tü̧mä̧ toa'a; suro ya̧tȩtä̧ ja̧'a̧ Dio-ttü ichinü̧tä̧ topinü̧mä̧.

San Juan 6:42

Ja̧'wa̧nü̧ ja̧'a̧mä̧ pä'inä̧tü̧: —¿Pidemä̧ José i̧tti̧, Jesú pä'ijümä̧kü̧? Jä'orü'i̧nä̧, ja̧ju̧ru̧'i̧nä̧ tu̧wo̧jui̧yä̧ku̧. ¿Tta̧'a̧nü̧ pä'ü jitämä̧, mo̧ro̧jä̧ra̧'a̧ttü̧ mȩyȩwi̧nü̧sä̧ pä'attü̧?

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

San Juan 6:33

Isopäi'ünä̧ kuäkuäwä Dio iyümä̧, mo̧ro̧jä̧ra̧'a̧ttü̧ mȩyȩwi̧nü̧tä̧ ja̧'a̧ ja̧'wa̧ta̧nü̧ jua̧u̧tä̧ ja̧'a̧ pi̧jä̧ ttü̧ja̧ tta̧'kua̧rü̧ iyümä̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

San Mateo 28:20

Ja̧'wa̧ta̧nü̧ o'kajuiyünä̧ ukuturu chu̧wo̧juȩti̧nü̧mä̧ ttukuotünä̧ wo̧juȩtä̧tu̧kui̧, ttümä̧, pi̧jä̧ beipächomȩbü päi'ünä̧ 'kuäopünä̧ mo̧ro̧ ji̧nü̧'a̧kuä̧ ukututäku chü̧jä̧kua̧sä̧.

Efesios 1:23

Ja̧'wa̧ta̧nü̧ igresia-mä̧ Crito jä̧ttä̧pä̧ya̧ jü̧nä̧ ja̧'a̧, jua̧u̧mä̧ jo̧mȩnü̧tä̧ wa̧ o'kajuiyünä̧tä̧.

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Juan 3:12

Pi̧jä̧ jäwä jidäwomȩnä̧'i̧nä̧ kuesetätukuoka'amä̧, ¿Toku kuesetätukuäkua'ajä̧ttü̧ mo̧ro̧jä̧ jäwä jidäwomȩnä̧mä̧?