San Juan 21:7 - Nuevo Testamento Uwotjüja

⁷ Ja̧'wa̧nü̧ ja̧'a̧ Jesú u̧wo̧juȩtä̧u̧ttü̧ rü̧ȩnä̧ repeä'ijäkumä̧, Peduru-rü pä'inü̧: —¡Tu̧ru̧wa̧ ja̧'a̧! Ja̧'wa̧nü̧, Tu̧ru̧wa̧ ja̧'a̧, pä'a ä̧ju̧ku̧, Simón Peduru-mä̧ yotäku, ü̧'ka̧tä̧wä̧ti̧yu̧ 'ka̧tä̧wo̧'ü̧ ajeku tü'ächinü̧ (jui̧'a̧ ü̧jä̧ja̧'a̧).

TÄ̧DO Ä̧CUÄ̧ I̧HUȨNȨ

⁷ Ja̧'hua̧nö̧ ja̧'a̧ttö̧ ya̧tȩ u̧huo̧juȩtä̧u̧ttu̧ i̧sa̧, Jesús rö̧ȩnä̧ repeäcumä, pä'inödo Pedrorö: —¡Ja̧u̧mä̧ Tu̧ru̧hua̧do! Pedro po̧i̧rö̧ 'chottomenä, ö̧'ca̧tä̧huä̧ta̧ huäme i̧sä̧ta̧ ko̧'ä̧dä̧cuä̧u̧ icuinödo. A̧hua̧ru̧hua̧ ja̧'hua̧nö̧ päa'a ä̧ju̧cu̧, ö̧'ca̧tä̧huä̧ta̧ 'ca̧tä̧huo̧po̧'ö̧, duboranä tö'inödo jäyotocu i̧'cha̧ pä'ö.

San Juan 21:7 Referans Kwoze

San Juan 13:23

Ja̧'wa̧nü̧ ja̧'a̧, u̧wo̧juȩtä̧u̧ttü̧ ya̧tȩ Jesú rü̧ȩnä̧ repeä'ijäku, ippeyä jo̧mȩ kuä'ipäji̧'ka̧ pi̧nü̧,

San Juan 20:2

Ja̧'wa̧nü̧ ja̧'a̧ topo'ü Simón Peduru-rü'i̧nä̧ ja̧'wa̧ta̧nü̧ kka̧ra̧, Jesú u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ 'chä̧wi̧'ü̧ jopächü 'chä̧wi̧'ü̧ pä'inä̧ju̧: —¡Ttu̧ru̧wa̧rü̧mä̧, wa'are idorättümä̧ ȩmi̧pä̧jä̧tü̧ päjätü ja̧'wa̧nü̧ ja̧'a̧ ttütäjomȩmä̧ tieruwünä̧tä̧!

San Juan 19:26

Ja̧'wa̧nü̧ ja̧'a̧, Jesú-mä̧ ja̧ju̧ru̧ topü ja̧'wa̧ta̧nü̧ u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ topü pä'inü̧: —Isaju, kui̧tti̧mä̧ jua̧u̧ juȩnȩtä̧ kkü̧ ja̧'a̧.

2 Corintios 5:14

Isopäi'ünä̧ Crito eseu repeümä̧, rü̧ȩnä̧ ujuturu 'chu̧ä̧ra̧'a̧, pi̧yȩ tamükuädomȩnä̧: Ujuturu ja̧'a̧tȩ'ü̧mä̧ ya̧tȩtä̧ 'korujuoächina̧'a̧nä̧, jua̧u̧nü̧ o'ka'amä̧ ujutu o'katoi'ünä̧ 'korujuo'ächinä̧tü̧jä̧;

San Juan 21:24

Pide u̧wo̧juȩtä̧u̧ttü̧ ya̧tȩ ji̧na̧'a̧, pi̧yȩ tü'kü ji'äu kkä̧nü̧'i̧nä̧ wȩyu̧ti̧nü̧mä̧ ja̧'wa̧nü̧ ja̧'a̧ttü̧ ujutumä̧ wo̧juä̧tü̧jä̧ jua̧u̧ jiäumä̧ isopäi'ünä̧tä̧ ja̧'a̧ pä'ü.

San Juan 21:20

Peduru, kkärächi'ü toomȩnä̧, o'ka'anä̧mä̧ Jesú eseu repeä'ijäku icha'a topinü̧, jua̧u̧tä̧ ji̧na̧'a̧ tu̧kuȩ ttukuomȩttü̧, Jesú ippeyänä̧ pä̧nü̧, Chu̧ru̧wa̧, ¿dí jä̧kua̧'a̧jä̧ttü̧ ukuru iyü i̧kuä̧kua̧mä̧? pä'ü jä'epinü̧mä̧.

Hechos 10:36

Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

Hechos 2:36

«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»

San Lucas 7:47

Ja̧'wa̧nü̧ ja̧'a̧ttü̧ ukuru pä'üsä, rü̧ȩnä̧ suronä̧ jȩjä̧'i̧jü̧mä̧ juijünä̧tä̧ jȩpü̧ ikuäwaju, rü̧ȩnä̧ kkesewa'attü̧; ja̧'wa̧nü̧ ja̧'a̧nä̧ a̧'u̧ku̧nä̧tä̧ surojü jȩpü̧ i̧kuä̧wa̧mä̧, a̧'u̧ku̧nä̧tä̧ tteseu ja̧'a̧.

San Lucas 2:11

Jitä mo̧ro̧mä̧ Dawi idepiyuttü üwäpächäjiyä̧u̧jä̧, ya̧tȩ ppädäkuäwä i̧sa̧, jua̧u̧mä̧ Tu̧ru̧wa̧ Crito ja̧'a̧.

San Marcos 11:3

Ja̧'wa̧nü̧ jȩ'kuä̧tu̧kuo̧mȩnä̧, ya̧tȩ, ¿toku pä'ü jȩ'kuä̧tu̧kua̧'a̧jä̧ttü̧? päüttümä̧, Tu̧ru̧wa̧rü̧ rekuärü̧ji̧yä̧u̧ ȩpä̧tü̧jä̧ pä'ejita'anü̧ ppa̧wä̧di̧pa̧ pä'ü jikuäwätukuajä̧.

Santiago 2:1

Chawaruwä chi̧jä̧wa̧tü̧, ukutu ku̧ru̧wa̧ Jesucrito-rü esetinä̧tü̧mä̧ ya̧tȩrü̧tä̧ kuesekuätukua'anä̧, kka̧ra̧rü̧mä̧ kuesekuätukuoka'anä̧mä̧ jȩ'kuä̧'chä̧tu̧kuä̧.

1 Corintios 15:47

Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 20:20

Pi̧yȩ pä'ü kä'ädü, u̧mü̧pi̧yä̧'i̧nä̧, i'esubä'i̧nä̧ i̧jȩkui̧nä̧u̧. Ja̧'wa̧nü̧ ja̧'a̧ ttu̧ru̧wa̧rü̧ topü eseäkuäwinä̧tü̧.

San Lucas 12:35

Jo̧mȩnü̧ jȩpä̧kuä̧wi̧'ü̧ ja̧'wa̧ta̧nü̧ jo̧mȩnü̧ ra̧pa̧ra̧ rȩdȩti̧'ü̧ kka̧kuä̧tu̧kui̧;

San Juan 21:8

Ja̧'wa̧nü̧ ja̧'a̧nä̧, kkorotü u̧wo̧juȩtä̧u̧mä̧ rȩba̧ra̧'a̧ pä'i'inä̧tü̧ woi'kaku, po̧i̧ wo̧ä̧wä̧sa̧ po̧i̧ su̧'pȩnü̧ ttȩka̧'a̧ do'ümä̧, jäyotottümä̧ suro, cien metros jo̧mȩtä̧ ja̧'a̧ttü̧.