San Juan 21:18 - Nuevo Testamento Uwotjüja

¹⁸ Isopäi'ünä̧tä̧ pädäkujä̧: Ji̧nä̧ mü̧ä̧ya̧ kuäimä̧, ku̧'ka̧tä̧wä̧ta̧tä̧ 'ka̧tä̧wi̧'ü̧ pä̧wä̧rü̧ja̧'a̧ kue'ächü 'chi̧nü̧jä̧; ja̧'wa̧nü̧ ja̧'a̧nä̧ bü̧o̧sa̧ kuomȩnä̧nä̧mä̧, kujo käkuepa'anä̧ kka̧ra̧tä̧ ü̧'ka̧tä̧ku̧jä̧ ja̧'wa̧nü̧ jȩpü̧ kuju'kokomȩ ȩpä̧ku̧jä̧.

TÄ̧DO Ä̧CUÄ̧ I̧HUȨNȨ

¹⁸ Iso päi'önä pä'ösä ucuru, mö̧ä̧ya̧ cu̧jä̧i̧, ucurutä pä̧huä̧ rö̧jo̧mȩnä̧ 'ca̧tä̧hui̧nö̧jä̧ cu̧'ca̧tä̧huä̧ta̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧ cue'ächinöjä. Ja̧'hua̧nö̧ ja̧'a̧nä̧ bö̧o̧ i̧sa̧ juocuhuächomenä, cujo cä̧cu̧huȩpä̧cua̧jä̧. Ja̧'hua̧ta̧nö̧ ka̧ra̧ ö̧'ca̧tä̧cua̧ ucuru. Ja̧'hua̧ta̧nö̧ ucuru pä̧huä̧ rö̧jo̧ca̧'a̧nä̧, churutä pä̧huä̧ rö̧jo̧mȩnä̧ ȩpä̧cua̧jä̧.

San Juan 21:18 Referans Kwoze

San Juan 13:36

Simón Peduru-mä̧, Jesú-ru pä'inü̧: —Chu̧ru̧wa̧ ¿To kui̧'cha̧'a̧jä̧ttü̧? —Päku, Jesú-mä̧ ädätinä̧ku̧: Jitätämä̧, chi̧'cha̧'a̧mä̧ ichoküjä̧; ja̧'wa̧nü̧ ja̧'a̧nä̧, o'komȩnä̧ kui̧chä̧kua̧jä̧.

Hechos 21:11

Jua̧u̧mä̧ ujuturu topü i̧chä̧ji̧'ka̧, Pauru äkäsäya ȩmo̧po̧'ü̧, juäyanä̧tä̧ u̧mü̧pi̧yä̧'i̧nä̧, i̧jä̧pi̧yä̧'i̧nä̧ nü̧'käwo'ü pä'inü̧: Epíritu Sa̧tu̧mä̧ pa̧'a̧nü̧ pä'ü, piya u̧ru̧wa̧rü̧mä̧ Jerusarȩ́-ra̧'a̧ i̧'chi̧'o̧mȩnä̧mä̧ Judío-mä̧ pa̧'a̧nü̧ nü̧'kü, judío pokotürü iyü tti̧kuä̧kua̧ pä'ü.

2 Corintios 5:4

Ja̧'wa̧nü̧ jo̧mȩttü̧, pode tabenákuro isodenä̧ kka̧kuä̧tü̧mä̧ ajuäkuäwätüjä̧, tü̧'ka̧tä̧wä̧ta̧ jui'ätü tü̧ja̧kui̧'a̧jü̧ jueimä̧, pärokuä tü̧'ka̧tä̧wi̧'a̧ pä'ü; wa'arerü kkä̧kuä̧wä̧ kkȩdü̧ ikuomȩbü päi'ünä̧.

San Lucas 12:37

Rü̧ȩnä̧ eseäkuäwä kka̧'a̧, ttu̧ru̧wa̧ ichomȩnä̧ ttä'i'oka'a to̧pä̧rä̧tü̧rü̧mä̧. Isopäi'ünä̧tä̧ ttu̧ru̧wa̧mä̧ chutätä ü̧'ka̧tä̧wä̧ta̧ ti̧'ä̧dä̧kuä̧wo̧po̧'ü̧, mesa isodänä̧ ttü̧'ä̧mä̧da̧ pä'ü we'ü, ttu̧kuȩ i̧yä̧'chä̧kuä̧u̧.

San Juan 21:17

Wäbodäkuänä̧ päi'ünä̧ päinä̧ku̧: —Simón, ukú Joná i̧tti̧mä̧ ¿Ttürü eseu repe'üjä̧? Peduru-mä̧, wäbodäkuänä̧ päi'ünä̧ repekuäkusä pä'ü jäepäku, a̧'kua̧tta̧nü̧ pä'i'ü ädätinä̧ku̧: —Chu̧ru̧wa̧, ukumä̧ o'kajuiyünä̧tä̧ wo̧jua̧jä̧; ukutäjä̧ ukuru eseu repeda'a wo̧jua̧mä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'a̧ri̧yi̧ttü̧.

San Juan 21:19

Jesú pi̧yȩ pä'amä̧, wa'aremä̧ ja̧'wa̧nü̧ jä̧kua̧jä̧, Dio ukuo jäwä 'kuäopa pä'ümä̧, pä'ü päinä̧ku̧. Pi̧yȩ pä'ü kä'ädü pä'inü̧: —«Ttüku ichi.»