San Juan 21:16 - Nuevo Testamento Uwotjüja

¹⁶ Ppa̧'ä̧di̧pü̧ jäepinä̧ku̧: —Simón, ukú Joná i̧tti̧mä̧, ¿Ttürü eseu repe'üjä̧? Peduru-mä̧ ädätinä̧ku̧: —A̧'a̧, Chu̧ru̧wa̧; ukuru eseu repeda'amä̧ wo̧jua̧jä̧. Päinä̧ku̧; —Chä̧ji̧mü̧ oweja-tü̧rü̧ tta̧'ä̧ri̧yi̧ttü̧.

TÄ̧DO Ä̧CUÄ̧ I̧HUȨNȨ

¹⁶ Pä'äji ta'anö todärenä jä'epinödo Jesús: —Simón, Jonás i̧tti̧, ¿ttörö repe'öjä tä̧ji̧? Pedro ja̧u̧ru̧ ädätinödo: —A̧'a̧, Chu̧ru̧hua̧. Ucuru repe'ösä huo̧jua̧jä̧. Ja̧'hua̧ ja̧'a̧ pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

San Juan 21:16 Referans Kwoze

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

1 Pedro 5:2

Dio ä̧ji̧mü̧ oweja-tü̧ iyinä̧u̧ru̧mä̧ adiu Dio-rü pä̧wä̧rü̧ja̧'a̧ku̧ tta̧'a̧rä̧tu̧kui̧, kujurutukumä̧kü̧, pärätänä̧mä̧kü̧, ja̧'wa̧nü̧ ja̧jü̧ jueimä̧ adiu eseunü̧tä̧.

1 Pedro 2:25

Ja̧'wa̧nü̧ ja̧'a̧ttü̧ ä'kojimä̧ oweja-tü̧ re'tewächätü jä̧'i̧nü̧'a̧nü̧ kue'ächinä̧tü̧jä̧, ja̧'wa̧nü̧ ja̧'a̧nä̧ jitämä̧ Crito-nä̧ ppa̧'ä̧chinä̧tü̧jä̧, Pató jä̧'i̧nü̧'a̧nü̧ ukuturu to̧pä̧rü̧ tta̧'a̧ru̧nä̧.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

San Juan 18:25

Ja̧'wa̧nü̧ ja̧'a̧nä̧mä̧, Peduru-mä̧ okurä jäyä, tä̧nü̧ ü̧ja̧'a̧ pättinä̧ku̧: —¿Uku'i̧nä̧ Jesú u̧wo̧juȩtä̧u̧ i̧sa̧mä̧kü̧jä̧? Pättäku, Peduru-mä̧ ä̧ppü̧ti̧'ü̧ pä'inü̧: —¡Juätü i̧sa̧mä̧kü̧sä̧!

San Juan 18:17

Äpate ä'ka tta̧'ä̧rä̧ju̧mä̧ Peduru-rü jä'epü ä̧ju̧kui̧nä̧ju̧: —¿Uku'i̧nä̧, jua̧u̧ u̧wo̧juȩtä̧u̧ i̧sa̧mä̧kü̧jä̧? Päjäku, Peduru-mä̧ ädätinü̧: —Ttümä̧kü̧sä̧,

San Lucas 19:10

Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.

San Mateo 26:72

Pä'äjita'anü̧ Peduru-mä̧ yorisotä ä̧ppü̧ti̧'ü̧ pä'inü̧: —Juramento pättünä̧ jȩpü̧nü̧: ¡Jua̧u̧ru̧mä̧ yorisotä jȩru̧pa̧sä̧! jü̧nä̧.

San Mateo 25:32

Ja̧'wa̧nü̧ päi'omȩnä̧ tti̧wȩnȩ pa̧ja̧ku̧nä̧ o'katoi'ünä̧tä̧ ä'ka jo̧mȩ ttü̧ka̧ka̧kui̧'ä̧kuo̧tü̧, ja̧'wa̧nü̧ ttü̧ka̧ka̧kui̧'a̧'a̧ yotukunä̧rü̧ 'kȩ'chä̧u̧ u̧ju̧nä̧kua̧, ya̧tȩ pató, oweja-tü̧rü̧ cabra-tü̧ttü̧ pojope'ü u̧ju̧na̧jü̧'a̧nü̧.

San Mateo 2:6

«Uku Berȩ́mä̧ rü̧ȩnä̧ ukuo isomȩjä̧ Judá isotü ttidepiyuttumä̧, Ukuttümä̧ u̧wä̧pä̧chä̧kua̧ ttü̧ja̧ ttu̧ru̧wa̧ príncipe pättäku, chumüwäyotü Irae ttü̧ja̧rü̧ juȩpä̧rä̧kua̧.»

Apocalipsis 7:17

Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.

San Juan 21:17

Wäbodäkuänä̧ päi'ünä̧ päinä̧ku̧: —Simón, ukú Joná i̧tti̧mä̧ ¿Ttürü eseu repe'üjä̧? Peduru-mä̧, wäbodäkuänä̧ päi'ünä̧ repekuäkusä pä'ü jäepäku, a̧'kua̧tta̧nü̧ pä'i'ü ädätinä̧ku̧: —Chu̧ru̧wa̧, ukumä̧ o'kajuiyünä̧tä̧ wo̧jua̧jä̧; ukutäjä̧ ukuru eseu repeda'a wo̧jua̧mä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'a̧ri̧yi̧ttü̧.