San Juan 21:15 - Nuevo Testamento Uwotjüja

¹⁵ Ttu̧kuȩ kuä̧nü̧ kättädomȩnä̧, Jesú-mä̧ Simón Peduru-rü pä'inü̧: —Simón ukú Joná i̧tti̧mä̧, ¿Pi̧yȩttü̧'i̧nä̧ abonä̧nü̧ repe'ü kuesewäkusä? Ädätinä̧ku̧: —A̧'a̧, Chu̧ru̧wa̧; ukutä wo̧jua̧jä̧, ukuru eseu repeda'amä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'ä̧ri̧yi̧ttü̧.

TÄ̧DO Ä̧CUÄ̧ I̧HUȨNȨ

¹⁵ Ttu̧cuȩ ttucuäji o'ca'a, Jesús jä'epinödo Simón Pedrorö: —Simón, Jonás i̧tti̧, ¿pitöttö'inä abonänö ttörö repe'öjä tä̧ji̧? Pedro ja̧u̧ru̧ ädätinödo: —A̧'a̧, Chu̧ru̧hua̧. Ucuru repe'ösä huo̧jua̧jä̧. Ja̧'hua̧nö̧ päomenä, Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tti̧tti̧mö̧rö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

San Juan 21:15 Referans Kwoze

Romanos 15:1

Ja̧'wa̧nü̧ ja̧'a̧ttü̧, ujutu ta̧'kua̧ wȩnä̧rä̧kuä̧wä̧nä̧ tujuru kku̧nä̧rä̧tü̧mä̧, kkorotü jiyupätürü ppätädü'anü̧ ja̧'a̧, ujutu jäwätämä̧ tta̧mü̧kuädoka'a.

1 Juan 4:19

Ujutumä̧ tawaruwä tü̧jä̧wa̧tü̧rü̧ eseu repe'ätüjä̧. Jua'amä̧, ä̧kuo̧mȩnä̧mä̧ ujuturu eseu Dio repeina̧'a̧ttü̧.

1 Pedro 1:8

Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.

Efesios 6:24

Tu̧ru̧wa̧ ujuturu rȩrü̧jü̧ toinü̧, repeü beipokümä̧ ukutu o'katoi'ünä̧rü̧ kkü̧nä̧ ku̧jä̧tu̧kua̧ pä'üsä.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

San Juan 16:27

Jua'amä̧, chutä Chä'o ukuturu repe'ü esewa'attü, ttürü repe'ü kuesewiyätukuäku. Ja̧'wa̧ta̧nü̧ jua̧u̧ttü̧tä̧ chichina̧'a̧'i̧nä̧ kuesetätukua'attü.

1 Pedro 2:25

Ja̧'wa̧nü̧ ja̧'a̧ttü̧ ä'kojimä̧ oweja-tü̧ re'tewächätü jä̧'i̧nü̧'a̧nü̧ kue'ächinä̧tü̧jä̧, ja̧'wa̧nü̧ ja̧'a̧nä̧ jitämä̧ Crito-nä̧ ppa̧'ä̧chinä̧tü̧jä̧, Pató jä̧'i̧nü̧'a̧nü̧ ukuturu to̧pä̧rü̧ tta̧'a̧ru̧nä̧.

Hebreos 4:13

Yoriso ji̧yȩtȩ'i̧nä̧ Dio ä'ka jo̧mȩttü̧ dajäwämä̧ juiya'a; o'kajuiyünä̧tä̧ wäjunä̧ i̧jȩku̧tä̧ ja̧'a̧, Churutä jȩti̧nü̧ ti̧jȩpä̧kua̧'a̧ttü̧.

San Lucas 22:32

Ja̧'wa̧nü̧ ja̧'a̧nä̧, ttümä̧ jä'epäjisä, kua̧'kua̧ ku̧wȩnä̧rü̧tä̧ juikuächi'ü juiya pä'ü. Ja̧'wa̧nü̧ ja̧'a̧ttü̧ pä'äjita'anü̧ ttüku ppa̧kuä̧cho̧mȩnä̧mä̧, kuawaruwä kuijä̧wa̧tü̧rü̧ ji̧yȩtȩnä̧tä̧ ti̧'chü̧nä̧ jikuäwajä̧.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

Romanos 14:1

Tta̧'kua̧ wȩnä̧rä̧kuä̧wä̧ jiyüpätürü dodetta we'ätukui jawätukumä̧ päkuä'chäkuäwätukuä.

San Mateo 16:17

Ädätäku Jesú-mä̧ päinä̧ku̧: —Simón, Joná i̧tti̧ ukumä̧ rü̧ȩnä̧ eseäkuäwä po̧kui̧pü̧jä̧, pi̧yȩ ku̧wo̧juö̧mä̧ ukutä jäwämä̧kü̧ ja̧'a̧, Chä'o Dio mo̧ro̧jä̧nä̧ kkü̧tä̧ jiäwäkujä̧.

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.

1 Pedro 2:2

Ji̧'chi̧cha̧wa̧ jareünä̧ uwäpächü atate isoya päkuoya pä̧wä̧rü̧jü̧nä̧ usa'a jä̧'i̧nü̧'a̧nü̧ Epíritu jäwä usätukui, ja̧u̧nä̧tä̧ büó juokuätukuomȩnä̧ ra̧wä̧pi̧jü̧ttü̧ kki̧'i̧kuä̧mä̧ ku̧ju̧nä̧rä̧tu̧kua̧,

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

San Juan 21:12

Jesú-mä̧ päinä̧u̧: —Ku̧kuȩ kuächätukui. Tu̧ru̧wa̧ ja̧'a̧ pä'ü ttu̧wo̧jua̧'a̧ttü̧, u̧wo̧juȩtä̧u̧mä̧, ya̧tȩ'i̧nä̧ ukumä̧ dí kua'ajä̧ttü̧ pä'ümä̧ jättepokoku pinü̧.

San Juan 21:7

Ja̧'wa̧nü̧ ja̧'a̧ Jesú u̧wo̧juȩtä̧u̧ttü̧ rü̧ȩnä̧ repeä'ijäkumä̧, Peduru-rü pä'inü̧: —¡Tu̧ru̧wa̧ ja̧'a̧! Ja̧'wa̧nü̧, Tu̧ru̧wa̧ ja̧'a̧, pä'a ä̧ju̧ku̧, Simón Peduru-mä̧ yotäku, ü̧'ka̧tä̧wä̧ti̧yu̧ 'ka̧tä̧wo̧'ü̧ ajeku tü'ächinü̧ (jui̧'a̧ ü̧jä̧ja̧'a̧).

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

1 Corintios 8:11

Ja̧'wa̧nü̧ jo̧mȩnä̧, ukú ku̧wo̧juä̧ji̧nä̧mä̧, kui̧jä̧wa̧ ji̧yü̧pa̧mä̧, toe'ächünä̧ jȩpü̧jä̧, jua̧u̧'i̧nä̧ Crito mitäu 'korujuoächinä̧ku̧ru̧.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

San Marcos 14:29

Päiyäku, Peduru-mä̧ pä'inü̧: —Isopäi'ünä̧ tta̧'kua̧ ttu̧wȩnä̧rä̧'i̧jü̧ ttijuiyuwächi'a'anä̧, ttümä̧ wokü chä̧kua̧sä̧.

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

San Mateo 10:37

Jä'orü'i̧nä̧, ja̧ju̧ru̧'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ pä'i'okü; i̧tti̧rü̧'i̧nä̧, ittijuru'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ wokü jä̧kua̧;

San Juan 13:37

Päku, Peduru-mä̧ pä'inü̧: —Chu̧ru̧wa̧ ¿Tta̧'a̧nü̧ pä'ü, jitätämä̧ ukukumä̧ chichü juiyünä̧ ja̧'a̧jä̧ttü̧? ¡Uku jäwänä̧, cha̧'kua̧rü̧mä̧ chi̧yä̧kua̧sä̧!

San Juan 1:42

Jua̧u̧nü̧ o'ka'a, André-mä̧ ubüo Simón-rü̧, Jesú ü̧jo̧mȩku̧ o'ipü 'chi̧nü̧; i̧'chi̧'o̧mȩnä̧ Jesú-mä̧ topü päinä̧ku̧: —Ukumä̧ Simón-jä̧, Ju̧a̧ i̧tti̧ ja̧'wa̧nü̧ ja̧'a̧nä̧ jitämä̧ Cefa pä'ü kui̧mi̧kuä̧kua̧jä̧ (jua̧u̧mä̧ Peduru pä'ü päwä)

San Mateo 26:35

Päomȩnä̧, Peduru-mä̧ yabonü̧ pä'inü̧: —Ukutäku tode'ächüttü'i̧nä̧, wä̧i̧nä̧ ja̧'a̧nä̧, ukú kutü'kümä̧ ä̧ppü̧tä̧ro̧kü̧ chä̧kua̧sä̧. Pä̧i̧yä̧u̧ u̧wo̧juȩtä̧u̧mä̧ o'katoi'ünä̧tä̧ ja̧'wa̧nü̧tä̧ pä'inä̧tü̧.

San Mateo 26:33

Peduru-mä̧ ädätinä̧ku̧: —O'katoi'ünä̧ ukuttü düttekuächa'anä̧, ttümä̧ tü'ipokü chä̧kua̧sä̧.

Hechos 20:29

Ja̧'wa̧nü̧ ja̧'a̧ttü̧ wo̧jua̧sä̧, ttü cho'komȩ päi'omȩnä̧, ku̧'kä̧tȩtu̧ku̧nä̧ dodettäkuotü Rowo isotü pä̧i̧kuä̧tü̧ igresia ttü̧ja̧rü̧ be'epäjipü ttikua pä'ü.