San Juan 20:31 - Nuevo Testamento Uwotjüja

³¹ Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

TÄ̧DO Ä̧CUÄ̧ I̧HUȨNȨ

³¹ Pi̧yȩ huȩyu̧cuä̧ ka̧'a̧ ucutumä iso päi'önä Jesúsmä Cristo ja̧'a̧ pä'ö cuesetätucua pä'ö. Ja̧'hua̧ta̧nö̧ Jesúsmä, Dios I̧tti̧ ja̧'a̧ pä'ö cuesetätucua pä'ö. Ja̧'hua̧ta̧nö̧ ja̧u̧ru̧tä̧ cuesetätucuttumä, kä̧cuä̧huä̧ i'co cu̧ju̧nä̧rä̧tu̧cua̧ pä'ö huȩyu̧cua̧'a̧ pi̧yȩ huȩnȩ.

San Juan 20:31 Referans Kwoze

Hechos 10:43

Profeta-mä̧ o'katoi'ünä̧, pide Jesú ütü'kümä̧ jittäwinü̧ o'ka'a ji̧na̧'a̧, Jua̧u̧ru̧ esetätümä̧ o'katoi'ünä̧ suronä̧ jȩttü̧ttü̧mä̧ jȩpü̧ i̧kuä̧kuä̧u̧ pä'ü.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

1 Juan 4:15

Ya̧tȩ, Jesú-ru Dio I̧tti̧ ja̧'a̧ pä'ü ji'äurumä̧, Dio'i̧nä̧ jua̧u̧nä̧tä̧ kkü̧; pärokua'aku jua̧u̧ ttü̧ja̧sa̧'i̧nä̧ Dio-ku kkü̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 3:18

Ttü, Dio I̧tti̧rü̧ esetümä̧, täbokuämä̧ 'kuäopoka'a jä̧kua̧'a̧. Ja̧'wa̧nü̧ ja̧'a̧nä̧ esetokümä̧, täkü täbokuänä̧ kkü̧; Dio i̧tti̧ chu'ä̧kua̧rü̧ esetoka'attü̧.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

San Juan 19:35

Pi̧yȩ topinü̧mä̧, ji'äu, jua̧u̧ jiäumä̧ isopäi'ünä̧tä̧ ja̧'a̧; jua̧u̧mä̧ isopäi'ünä̧ ji̧yä̧ku̧ jiäu, ukutu'i̧nä̧ kuesetätukua pä'ü.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 10:10

Nä̧u̧kuä̧rä̧kuä̧wä̧ i̧sa̧mä̧: nä̧u̧ku̧tä̧, kuä'äu ikutä, si'epü ikutä ichü; ja̧'wa̧nü̧ ja̧'a̧nä̧ ttümä̧ a̧'kua̧rä̧kuä̧wä̧, rü̧ȩnä̧ ttu̧ju̧nä̧ra̧ pä'ü ichinü̧sä̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Lucas 1:4

ukuru ttu̧wo̧juȩtinü̧ jueü wȩnȩ, jo̧mȩnü̧ adiu ku̧wo̧juä̧kua̧'a̧nü̧.

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

Hechos 8:36

Jua̧u̧nü̧ o'ka'a, aje kko̧mȩ 'kuäto'omȩnä̧, Etiopía i̧sa̧mä̧ pä'inü̧; —Pȩnȩtä̧ akua'a ajiyamä̧; ¿däjetä tto̧ȩpä̧ra̧'a̧jä̧ttü̧, bautizo jȩchä̧kuä̧wa̧ pä'ümä̧? [

Hechos 3:16

Ja̧'wa̧nü̧ ja̧'a̧ttü̧, jua̧u̧ Jesú-ru ta̧'kua̧ tu̧wȩnä̧ro̧mȩnä̧, pide to'kuä'ijätukuäkumä̧ na̧wä̧chä̧'i̧jü̧ttü̧ a̧'kua̧ttü̧ juoächäji ja̧'a̧.

San Juan 1:49

Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

Apocalipsis 2:18

Tiatira-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: ü'äriyä'i̧nä̧ okurä jä̧'i̧nü̧'a̧nü̧ wa̧mä̧, ü̧jä̧pi̧yä'i̧nä̧ bro̧ce pättü säruwächi'ünä̧ jȩpü̧ ikuäwa'a jä̧'i̧nü̧'a̧nü̧ wa̧, Dio i̧tti̧mä̧, pa̧'a̧nü̧ pä'ü:

1 Pedro 1:9

Jua'amä̧ tta̧'kua̧ wȩnä̧rä̧kuä̧wä̧nä̧ kui̧rȩbȩwä̧tü̧kua̧'a̧ ja̧'a̧, ja̧u̧mä̧ surojüttü kki̧'ä̧kuä̧wä̧ ja̧'a̧.

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

Hechos 8:37

Felipe-mä̧ ädätinä̧ku̧: —Jesucrito-rü adiu kuesetüttümä̧, bautizo jȩchä̧ku̧jä̧. Etiopía i̧sa̧mä̧ pä'inü̧: —Jesucrito-mä̧ isopäi'ünä̧ Dio I̧tti̧ ja̧'a̧ pä'ü esetüsä.]