San Juan 20:15 - Nuevo Testamento Uwotjüja

¹⁵ Jesú-mä̧ jä'epü ä̧ju̧kui̧nä̧kua̧: —Isaju, ¿Tta̧'a̧nü̧ pä'ü kuajuäwa'ajä̧ttü̧? ¿Dírü kusa'ajä̧ttü̧? pä'ü jäepäkua, Juȩnȩtä̧ kuäwä tta̧wä̧rä̧kuä̧wä̧ i̧sa̧kü̧ pä'ü, pä'inä̧ju̧: —Chu̧ru̧wa̧, uku kuȩmi̧pä̧ji̧ttü̧mä̧, kutäjomȩ ji'äwittü, chȩmä̧ja̧rü̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ ja̧'a̧ttö̧ Jesús jä'epinödo jahuäjuru: —Isaju, ¿dä̧bö̧ cuajuähuättö? ¿Dirö cusättö? Jahuäju, ju̧huȩnȩ pätta tta̧huä̧rä̧cuä̧huä̧ i̧sa̧ ucuocua'acö̧ pä'ö ädätinäjudo: —Cha̧hua̧ru̧hua̧, ja̧u̧ru̧ cuȩmi̧pä̧ji̧ttö̧mä̧, cutäjome ji'ähuittö, kara'acu chȩmi̧pa̧rö̧ pä'ö.

San Juan 20:15 Referans Kwoze

San Juan 20:13

Juätü jättepinä̧kua̧: —Isaju, ¿Tta̧'a̧nü̧ pä'ü kuajuäwa'ajä̧ttü̧? Pättäkua, pä'inä̧ju̧: —Chu̧ru̧wa̧rü̧ ȩmi̧pä̧jä̧'kotü, ttütäjomȩ'i̧nä̧ jerupü ajuäwäjusä.

San Juan 18:7

Pä'äjita'anü̧, Jesú jä'epü ä̧ju̧kui̧nä̧u̧: —¿Dírü kusätukua'ajä̧ttü̧? Päomȩnä̧, ädätinä̧tü̧: —Jesú, Nazare ttü̧ja̧sa̧rü̧.

San Juan 1:38

Ja̧'wa̧nü̧ ja̧'a̧ Jesú-mä̧ kkärächi'ü toomȩnä̧, o'ka'anä̧ ttichiyäku jä'epü ä̧ju̧kui̧nä̧u̧: —¿Däjé kusätukua'ajä̧ttü̧? päomȩnä̧, ttädätinä̧ku̧: —Wo̧juȩkuä̧ i̧sa̧, ¿Tȩnȩ́ ku̧ja̧'a̧jä̧ttü̧?

San Marcos 16:6

Ja̧'wa̧nü̧ ja̧'a̧nä̧, päinä̧u̧: —Yekuekuätukuä, Jesú Nazare ütawiyä i̧sa̧rü̧ ü̧jo̧kä̧nü̧ jäinä̧ kku̧nu̧, kuä'ü ttikuäjäkuru usätüjä̧; jua̧u̧mä̧, tto'ächäji, pȩnȩ́ ttütäjomȩmä̧ toa'a, topätukui.

San Mateo 28:5

Á̧gȩ-mä̧ nä̧tü̧rü̧ pä'inü̧: —Yekuekuätukuä. Wo̧jua̧sä̧ Jesú ü̧jo̧kä̧nü̧ kku̧nu̧ pȩ'o̧pü̧ ttu̧ju̧nä̧jä̧ku̧rü̧ usätüjä̧.

San Juan 18:4

Ja̧'wa̧nü̧ ja̧'a̧, Jesú-mä̧ 'kuäopäkuȩmä̧ o'kajuiyünä̧ u̧wo̧jua̧'a̧ttü̧, 'chä̧wi̧'ü̧ päinä̧u̧: —¿Dirü kusätukua'a jä̧ttü̧?

San Lucas 24:5

Ja̧'wa̧nü̧ pä̧i̧'ä̧u̧ ye'i'ü rȩjȩku̧ ja̧rȩyu̧nu̧ ma̧ttä̧ma̧'a̧nä̧; juätü u̧mä̧tü̧mä̧ pättinä̧u̧: ¿Tta̧'a̧nü̧ pä'ü ukutumä̧, a̧'kua̧rü̧rü̧mä̧ wa'inä̧tü̧ ttü̧'kä̧tȩ usätüjä̧ttü̧?

San Mateo 12:34

¡Ä̧ka̧tü̧ tti̧tti̧mü̧ wotüjä̧! ¿toku kukuokuätukua'ajä̧ttü̧ adiwäjueimä̧, suropätü isotü kuätukua'amä̧? isopäi'ünä̧ tta̧mi̧'iso'kinä̧ rü̧ȩnä̧ ȩkü̧tä̧ ttänä̧mä̧ räopa'a.

San Lucas 2:44

Ja̧'wa̧nü̧ to̧ȩpi̧yä̧u̧ ttü̧ja̧ i̧wä̧tü̧ ttü̧'kä̧tȩnä̧ kkü̧kü̧ pä'ü, mo̧ro̧'i̧nä̧ 'kuäo'ünä̧ usinä̧tü̧ ja̧'wa̧ta̧nü̧ ttawaruwänä'i̧nä̧, ttu̧wo̧juä̧u̧nä̧'i̧nä̧ jü̧nä̧.