San Juan 2:19 - Nuevo Testamento Uwotjüja

¹⁹ Pättäku Jesú-mä̧ ädätinä̧u̧: —«Pode Dio-rü ukuokuäkuäwode pparopü ikuätukui, wäbodäkuä mo̧ro̧tä̧ chäräbe'iyätukuaku.»

TÄ̧DO Ä̧CUÄ̧ I̧HUȨNȨ

¹⁹ Jesús ädätinödo: —Pode Diosrö ucuocuäcuähuode cuä'epö cuicuätucuttumä, ttömä huäbodäcuä mo̧ro̧ päi'omenä jareode cha̧di̧tä̧cua̧sä̧.

San Juan 2:19 Referans Kwoze

San Marcos 14:58

Ujutumä̧, pa̧'a̧nü̧ pä'a ä̧ju̧kui̧nä̧tü̧jä̧: «Pode ttü̧ja̧ adikuode Dio-rü ukuokuäkuäwodemä̧, ttümä̧ pparopü chi̧kuä̧kua̧sä̧, pparopü ikuipü, ttü̧ja̧ adikuokode pärokuode wäbodäkuä mo̧ro̧tä̧ chäräbȩ'ä̧kua̧sä̧,» pä'ä'ijü pä'inä̧tü̧.

San Marcos 15:29

Ja̧'wa̧ta̧nü̧ juȩnȩnä̧ 'kuä'opätümä̧, suronä̧ ya̧'a̧wä̧'chü̧, ttu roripünü̧ pättä'chinä̧ku̧: —¡Jü̧! Uku, Dio-rü ukuokuäkuäwode kkä'ü ikuipü'ka̧, wäbodäkuä mo̧ro̧ päi'omȩnä̧ pä'äjita'anü̧ äräbe'üsä pä'ä'ijümä̧,

San Mateo 27:40

pä'inä̧tü̧: —¡Uku Dio-rü ukuokuäkuäwode pparopü ikuipü wäbodäkuä mo̧ro̧tä̧ kuaditäkua̧jä̧ päkuina̧'a̧mä̧! ¡Isopäi'ünä̧ Dio I̧tti̧ kuttümä̧ kua̧mü̧nä̧ pa̧ja̧tü̧ kki̧'ä̧kuä̧u̧ ü̧jo̧kä̧ jäittü mȩyȩwä̧chi̧!

San Mateo 12:40

Ja̧'wa̧nü̧ ja̧'a̧ttü̧, wäbodäkuä mo̧ro̧ jo̧mȩnä̧, wäbodäkuä yodó jo̧mȩnä̧ büó po̧i̧sa̧ üakuä jakuä Joná ȩki̧nü̧ta̧'a̧nü̧, ubo I̧tti̧'i̧nä̧ rȩjȩ jakuä ȩkä̧kua̧.

Romanos 8:11

Isopäi'ünä̧ Jesú-ru wa'arettü tto'ädinü̧ Epíritu ukutunä̧ ü̧jo̧mȩnä̧mä̧, ukutu kuidepätuku wa'are jäwä'i̧nä̧ tto̧ä̧dä̧kua̧, chutä a̧'kua̧rü̧ i̧sa̧ Epíritu ukutunä̧ ü̧ja̧'a̧ttü̧.

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 2:32

Jesú-rumä̧, Dio-mä̧ wa'arettü tto'ädinü̧; ujutu o'katoi'ünä̧ topinä̧tü̧jä̧.

Hechos 2:24

Jua̧u̧ru̧mä̧, Dio-mä̧ wa'are ubarattü äräbe'inü̧; wa'are 'chuädi'arü pä'ümä̧, yoriso juiyina̧'a̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

Romanos 6:4

Isopäi'ünä̧ bautizo jȩtä̧kuä̧wi̧nü̧nä̧, Crito-ku 'koru juotächa'a 'turu ikuäwotü jü̧nä̧tä̧ wotüjä̧, jä'o üadiwä ujurunä̧ Crito wa'arettü ttoächinü̧ta̧'a̧nü̧, ujutu'i̧nä̧ jareünä̧ kkä̧kuä̧wä̧nä̧ kuetächa pä'ü.

San Juan 11:25

Päjiyäku, Jesú-mä̧ päinä̧kua̧: —Ttütäsä tta̧'kua̧rü̧ ttoädäkuäwä i̧sa̧mä̧, ttütäsä tta̧'kua̧rü̧mä̧. Ttürü esetümä̧ 'korujuoächaja pä'ü'i̧nä̧, pä'äjita'anü̧ ü̧jä̧kua̧.

San Marcos 8:31

Ja̧'wa̧nü̧ ja̧'a̧ Jesú-mä̧ kkä̧mä̧dü̧ u̧wo̧juȩtä̧u̧rü pä'inü̧: Ttü, Ubo I̧tti̧mä̧ rü̧ȩnä̧ usurä chȩmä̧wä̧kua̧sä̧. Ttürü kkü'kü jui'ü, a̧ci̧a̧nu̧tu̧'i̧nä̧, sacerdote tturuwotü'i̧nä̧, weäwä wȩnȩ wo̧juȩtä̧tü̧'i̧nä̧ kuä'ü ttikunä̧ wȩttä̧kua̧sä̧. Ja̧'wa̧nü̧ ja̧'a̧nä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

Colosenses 2:12

Bautizo jȩ'kuä̧kuä̧wä̧tu̧kuo̧mȩnä̧, ukutumä̧ Crito-ku 'korujuo'ächinä̧tü̧jä̧, ja̧'wa̧ta̧nü̧ wa'arettü'i̧nä̧ jua̧u̧tä̧ku̧ tto'ächinä̧tü̧jä̧, isopäi'ünä̧ Dio ujuru kku̧nä̧rü̧rü̧ wa'arettü'i̧nä̧ tto'ächinü̧rü̧ kuesetinä̧tu̧kua̧'a̧ttü̧.

1 Corintios 15:12

Ja̧'wa̧nü̧ ja̧'a̧nä̧, ujutu Crito wa'arettü ttoächinü̧ wȩnȩ jitäwa'a ja̧'a̧mä̧ ¿tta̧'a̧nü̧ pä'ü ukututtü yotukunä̧mä̧, wa'arettümä̧ ttoächäkuäwokü pätta'a jä̧ttü̧?

Romanos 4:24

ujutu tütü'kü'i̧nä̧ pä'a. Ujutu ta̧'kua̧ tu̧wȩnä̧ro̧mȩnä̧mä̧, Tu̧ru̧wa̧rü̧ Jesú wa'arettü ttoädinä̧ku̧ru̧.

Hechos 3:26

Ä̧kuo̧mȩnä̧, Dio i̧tti̧rü̧ wa'arettü tto'ädäji̧'ka̧mä̧, adiwä juei kuȩmä̧tu̧kua̧ pä'ü weinä̧u̧jä̧, surojüttü räkuopächätukua pä'ü, ukuturu.

San Juan 5:19

Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧.

San Mateo 27:63

'chä̧jä̧'kotümä̧ pä'inä̧tü̧: —Tu̧ru̧wa̧, chupinü̧ yaparewinü̧mä̧, ji̧nä̧ pi̧jä̧nä̧ ü̧jä̧i̧mä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧ pä'inü̧ ji̧nü̧, amükuädätüjä̧.

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

Hechos 6:14

pä'inä̧tü̧; pa̧'a̧nü̧ pä'a tä̧ju̧kuä̧jä̧ku̧: Jua̧u̧, Jesú nazare i̧sa̧mä̧, pode Dio-rü ukuokuäkuäwode'i̧nä̧ si'epü iku, weäwä wȩnȩ Moisé weinü̧'i̧nä̧ pärotü ikuäkua̧ pä'inü̧, pä'inä̧tü̧.