San Juan 19:30 - Nuevo Testamento Uwotjüja

³⁰ Bettepäku, vino isoya a̧'toya au kä'ädü pä'inü̧: —O'kajuiyünä̧tä̧ jo̧mȩnü̧ päia'a. Pä'ü kä'ädü, U ja̧rȩyu̧nu̧ pä'i'ü, a̧'kua̧ru̧wa̧rü̧ iyü 'korupä'i'inü̧.

TÄ̧DO Ä̧CUÄ̧ I̧HUȨNȨ

³⁰ Jesús ja̧u̧ vino a̧'toya ahuäji'ca̧, pä'inödo: —Täcö o'ca juiyönä 'cuäopäja'a. Ja̧'hua̧nö̧ pä'ö, 'corupäi'omenä, rȩjȩcu̧ päi'önä topö 'corupä'i'inödo.

San Juan 19:30 Referans Kwoze

San Juan 17:4

Ttümä̧, pi̧jä̧ttü̧mä̧ kukuo jäwä i̧jȩpi̧nü̧sä̧; Täkü kä'ädäjisä chadita pä'ü wekuinü̧mä̧.

Filipenses 2:8

Ja̧'wa̧nü̧ jȩpä̧kuä̧u̧, ukuo teäkuäwoka'a, Ukuotinü̧ 'korujuoächomebü päi'ünä̧, Jua'a'i̧nä̧ ü̧jo̧kä̧nü̧ kkä̧nü̧ usurä ȩmä̧u̧tä̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

San Juan 10:11

Ttütäsä ji̧nä̧so oweja-tü̧ ttu̧ru̧wa̧mä̧. Ji̧nä̧so, oweja-tü̧ ttu̧ru̧wa̧mä̧, juätü jäwänä̧ a̧'kua̧rü̧ iyäu.

San Lucas 23:46

Ja̧'wa̧nü̧ päi'omȩnä̧ Jesú-mä̧ pä̧i̧ku̧nä̧ wopi'inü̧: —¡Chä'o, ku̧mü̧nä̧ iyüsä, cha̧'kua̧ru̧wa̧rü̧! pi̧yȩ pä'ü kä'ädü, Jesú-mä̧ 'koru päi'inü̧.

Romanos 10:4

Isopäi'ünä̧ weäwä wȩnȩ ji̧nü̧mä̧ beipa'a Crito-nä̧tä̧, o'katoi'ünä̧ Churutä tta̧'kua̧ wȩnä̧rü̧ esetätürümä̧ adiwä isotütä päi'ünä̧ pärotü ikuatü pä'ü.

San Juan 19:28

Ja̧'wa̧nü̧ pä'ü kä'ädü, Jesú-mä̧ täkü o'kajuiyünä̧ Jä'o Dio weinü̧mä̧ jo̧mȩnü̧ päia'a wo̧juä̧u̧, wȩyu̧kuä̧ wȩnȩ päü'a̧kuä̧ 'kuäopa pä'ü pä'inü̧: —Chawa a̧di̧ri̧jä̧ku̧sä̧.

San Marcos 15:37

Ja̧'wa̧nü̧ ja̧'a̧nä̧, Jesú-mä̧ pä̧i̧ku̧nä̧ wopi'ü kkä̧nü̧ 'koru pä'inü̧.

San Juan 10:18

Ya̧tȩ'i̧nä̧ cha̧'kua̧rü̧ 'cho'ipümä̧ toa'a, ttütätä chu̧ju̧nä̧wa̧'a̧ttü̧. Chujuru kku̧nä̧rü̧sä̧ chiya pä'ü'i̧nä̧ ja̧'wa̧ta̧nü̧ ppa̧'a̧dü̧ chȩma̧ pä'ü'i̧nä̧, jü̧nä̧. Pi̧yȩ jȩcha̧ pä'ü weinä̧ku̧sä̧ chä'omä̧.

San Juan 4:34

Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Mateo 27:50

Jesú-mä̧ pä'äjita'anü̧ pä̧i̧ku̧nä̧ wopi'ü, 'korupä'i'inü̧.

Hebreos 9:22

Ja̧'wa̧nü̧ ja̧'a̧ttü̧ weäwä wȩnȩ päü'anü̧, o'kajuiyünä̧ päi'a pä'ümä̧ a̧'u̧ku̧nä̧tä̧ juiyünä̧ ttukuojanä̧tä̧ suronä̧ jȩttä̧'i̧jü̧mä̧ tükächi'ina̧'a̧; ja̧'wa̧nü̧ ja̧'a̧nä̧ ukuoja juiyünä̧mä̧ Dio-mä̧ suronä̧ jȩttä̧'i̧jü̧mä̧ jȩpü̧ ikuokü ji̧na̧'a̧.

Romanos 3:25

Dio-mä̧, Crito-rü ukuoja erünä̧ jȩo̧mȩnä̧, eseku ikuäwä iya pä'ü iyinü̧. Jua̧u̧ eseku ikuäwämä̧ tta̧'kua̧ wȩnä̧rü̧tä̧ rȩbȩä̧kuä̧wä̧ ja̧'a̧. Ja̧'wa̧nü̧ jȩpü̧ Dio-mä̧, i̧jȩpi̧nä̧u̧jä̧ adiwä jueinä̧tä̧ pärotü ikumä̧, suronä̧ jȩtä̧'i̧jü̧, jȩpü̧ ikua'attü̧.

San Mateo 3:15

Päomȩnä̧, Jesú-mä̧ ädätinä̧ku̧: —Jitätämä̧ wä̧i̧nä̧ja̧'a̧ Dio weinü̧tä̧ jȩta̧ pä'i. Päomȩnä̧, Ju̧a̧-mä̧ «ye pä'ü esetinä̧ku̧.»

1 Corintios 5:7

Ja̧'wa̧nü̧ ja̧'a̧ttü̧ levadura pättü täbo jäwättümä̧ adiku ikuätukui, trigo o̧si̧ levadura pättü juiyü Pacua jäwä 'kua̧rü̧nä̧ kuätukua; isopäi'ünä̧, täkü tiäre Pacua pä'kärimä̧ Crito-tä ja̧'a̧, ujutu jäwänä̧ oweja mü̧ä̧ya̧ jü̧nä̧ ü̧jo̧kä̧ jäinä̧ 'korujuoächina̧'a̧ttü̧.

San Lucas 22:37

Isopäi'ünä̧ pädäu̧jä̧, ttünä̧mä̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ja̧'a̧. Isopäi'ünä̧ o'kajuiyünä̧tä̧ ttü chütü'kü wȩyu̧kuä̧mä̧, jo̧mȩnü̧tä̧ 'kuäopa pä'ü ja̧'a̧.