San Juan 19:20 - Nuevo Testamento Uwotjüja

²⁰ Ja̧'wa̧nü̧ ja̧'a̧, judío-mä̧ rekuätü, jua̧u̧ wȩyu̧kua̧'a̧ topinä̧tü̧; Juȩnȩ Jesú-ru pȩ'o̧pü̧ ttu̧ju̧nä̧jä̧mȩmä̧, ütawiyä tü'kü ja̧'a̧ttü̧. Jua̧u̧mä̧ Wȩyu̧kui̧na̧'a̧, hebreo tti̧wȩnȩ'i̧nä̧, latín wȩnȩnä̧'i̧nä̧, griego wȩnȩnä̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

²⁰ Jesúsru dau isodänä pȩ'o̧pö̧ ttu̧ju̧ni̧no̧mȩ ötahuiyättö tö'cönänö ji̧na̧'a̧do. Ja̧'hua̧nö̧ ja̧'a̧ttö̧ Pilato tti̧huȩyu̧ta̧ pä'ö hueinömä recuätö judíos ttö̧ja̧ topö ucuocuinätödo. Ja̧u̧ hebreos tti̧huȩnȩnä̧'i̧nä̧, griegos tti̧huȩnȩnä̧'i̧nä̧, latín tti̧huȩnȩnä̧'i̧nä̧ huȩyu̧ti̧nä̧tö̧do.

San Juan 19:20 Referans Kwoze

Apocalipsis 16:16

Ja̧'wa̧nü̧ ja̧'a̧ttü̧, pi̧jä̧nä̧ ruwotürümä̧ ka̧ka̧tü̧ kku̧ni̧nä̧tü̧, hebreo tti̧wȩnȩnä̧mä̧ armagedó̧ pä'ü mi̧kuomȩ.

Hechos 26:14

Ja̧'wa̧nü̧ päi'omȩnä̧ o'katoi'ünä̧ rȩjȩ ma̧tä̧mä̧ja̧'a̧, hebreo wȩnȩnä̧, ukuokua'a ä̧ju̧kui̧nü̧sä̧: «Sauro, Sauro, ¿ta̧'a̧nü̧ pä'ü, ru̧kuä̧rä̧ku̧sä̧ttü̧? ¡Ttüku rowäwätümä̧ tta̧mü̧kuädü jui'ätütä ja̧'a̧!»,

Hechos 22:2

Hebreo tti̧wȩnȩnä̧ ukuokua'a ä̧ju̧ku̧, jua'a yabonü̧ 'koruchi'ü ttä̧ju̧kua̧'a̧, Pauru-mä̧ päinä̧u̧:

Hechos 21:40

Päku, su̧ro̧do̧u̧ ttu̧ru̧wa̧mä̧ weäku, Pauru-mä̧ ä̧rä̧mi̧'ü̧, wä̧mi̧pü̧ doächäkuäwomȩ kkä̧mä̧dü̧, u̧mü̧ iwi'kuo'omȩnä̧ ttü̧ja̧mä̧ 'koruchi'inä̧tü̧. Ja̧'wa̧nü̧ ttü'koruchi'a'anä̧, hebreo tti̧wȩnȩnä̧ ukuoku, pä'inü̧:

Hechos 21:37

Täkü kärenä̧ra̧'a̧ su̧ro̧do̧u̧ do'ädü ttikuäku, Pauru-mä̧ su̧ro̧do̧u̧ ttu̧ru̧wa̧rü̧ jä'epü ä̧ju̧kui̧nü̧: ¿Ukuku a̧'u̧ku̧nä̧ chukuoku'anü̧ ja̧'a̧? päku, su̧ro̧do̧u̧ ttu̧ru̧wa̧mä̧ ädätinä̧ku̧: ¿Grecia ttü̧ja̧ tti̧wȩnȩ ukuokuäkuäwä wo̧jua̧jä̧?

San Juan 19:13

Pilato-mä̧ pi̧yȩ wotta'a ä̧ju̧ku̧, Jesú-ru u̧mi̧ku̧ rä'epü ttikunä̧ we'opo'ü; ruwo dȩä̧kä̧nä̧ pä̧mä̧di̧nü̧, i̧nä̧ttü̧ a̧'kua̧tü̧ adikuokomȩ, hebreo tti̧wȩnȩnä̧mä̧ Gabatá pä'ü mi̧kuomȩ.

San Juan 5:2

Ja̧'wa̧nü̧ ja̧'a̧ Jerusarȩ́ ütawiyänä̧, oweja-tü̧ ttäpate kka̧'a̧, juȩnȩ ppeyämä̧ ajiya akuo'ta, hebreo tti̧wȩnȩnä̧mä̧ Betesda pä'ü mi̧kuomȩ kki̧na̧'a̧; doächäkuäwä äpatiyämä̧ ji̧mü̧tȩ jäwä jo̧mȩnä̧ kko̧mȩ.

Apocalipsis 9:11

Juätü ttu̧ru̧wa̧mä̧, 'kuȩya̧ppa̧ jäjú á̧gȩ ji̧na̧'a̧, jua̧u̧ i̧mi̧ hebreo tti̧wȩnȩnä̧mä̧ «Abado̧,» mikuinü̧, ja̧'wa̧ta̧nü̧ griego tti̧wȩnȩnä̧mä̧ «Aporio̧» pä'ü mikuinü̧; Todärekue'ünä̧ ja̧'wa̧nü̧ pä'ümä̧ «Surojuo'epü iku» pä'ü, päwä ja̧'a̧.

Hebreos 13:12

Ja̧'wa̧nü̧ ji̧nü̧ta'anü̧, Jesú-mä̧ Jerusarȩ́ ütawiyä u̧mi̧ttü̧ 'korujuo'ächinü̧, chutä ukuojanä̧, ȩmi̧nä̧u̧ suronä̧ jȩttä̧'i̧jü̧ Dio jȩpü̧ ikua pä'ümä̧.

San Lucas 23:38

Ja̧'wa̧ta̧nü̧ u wä̧mȩ jo̧mȩmä̧, pa̧'a̧nü̧ wȩyu̧kua̧'a̧ pi̧na̧'a̧: «Pidemä̧ judío ttu̧ru̧wa̧ Rey» jü̧nä̧. Griego wȩnȩnä̧'i̧nä̧, hebreo wȩnȩnä̧'i̧nä̧ ja̧'wa̧ta̧nü̧ latín wȩnȩnä̧'i̧nä̧ jü̧nä̧.

San Juan 19:42

Ja̧'wa̧nü̧ ja̧'a̧ttü̧, Jesú o'ko jäwämä̧ juȩnȩtä̧ rütinä̧tü̧, jua'amä̧ tü'kü jo̧mȩttü̧ ja̧'wa̧ta̧nü̧ sawaru mo̧ro̧'i̧nä̧, täkü tü'kü ji̧yä̧u̧.