San Juan 18:20 - Nuevo Testamento Uwotjüja

²⁰ Jesú-mä̧ ädätinä̧ku̧: —Ttümä̧ ttü̧ja̧ o'katoi'ünä̧ ttä'ka jo̧mȩttü̧ ukuokuä'ijüsä; sinagogas odewiyättü'i̧nä̧ ja̧'wa̧ta̧nü̧ Dio-rü ukuokuäkuäwodettü'i̧nä̧, jü̧nä̧; judío ttü̧ka̧ka̧kuä'ijomȩmä̧, yä̧wä̧i̧nä̧mä̧ ukuokuokü pä'ijüsä.

TÄ̧DO Ä̧CUÄ̧ I̧HUȨNȨ

²⁰ Jesús päinäcudo: —Ttömä o'ca toi'önä ttä'ca jo̧mȩttö̧ yecuäcuähuä juiyönä ucuocuinösä. 'Cuäopönä judíos ttu̧huo̧jui̧'i̧nodehuiyänä'inä, Diosrö ucuocuäcuähuodenä'inä judíos ttö̧ja̧ ttö̧ca̧ca̧cuä̧ro̧mȩ huo̧juȩti̧nö̧sä̧. Ja̧'hua̧nö̧ ja̧'a̧ttö̧ yä̧huä̧i̧nä̧ ucuocuocö pi̧nö̧sä̧.

San Juan 18:20 Referans Kwoze

San Juan 7:26

Topätukui, ttü̧ja̧ ttä'ka jiäwa'anä̧ ja̧'a̧tä̧ tottäku. ¿Ruwotümä̧dí̧, isopäi'ünä̧ pidetä ja̧'a̧ Crito-mä̧ pä'ü ttu̧wo̧juä̧ku̧?

San Mateo 4:23

Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

San Lucas 21:37

Ja̧'wa̧ta̧nü̧ Jesú-mä̧, mo̧ro̧mä̧ Dio-rü ukuokuäkuäwodettü wo̧juȩti̧nü̧, ja̧'wa̧ta̧nü̧ yodomä̧ Olivos mü̧ä̧'ka pättä'kanä̧ kkä̧'chi̧nü̧.

San Juan 7:4

Isopäi'ünä̧ ya̧tȩ ttü̧ja̧rü̧ i̧jȩkua̧ pä'ümä̧, yä̧wä̧i̧nä̧mä̧ jȩpo̧kü̧. Pi̧yȩ isopäi'ünä̧ jȩ'ku̧ttü̧mä̧, pi̧jä̧ ttü̧ja̧ tottünä̧ jȩpi̧.

San Lucas 4:15

Sinagoga odenä̧ ütawiyä o̧du̧nä̧ kka̧ku̧ odettü u̧wo̧juȩto̧mȩnä̧, o'katoi'ünä̧ ttesewinä̧ku̧.

San Mateo 26:55

Pä'ükkä̧nü̧, yotäku Jesú-mä̧ ttü̧ja̧rü̧ pä'inü̧: —¿Tta̧'a̧nü̧ pä'ü nä̧u̧kuä̧rä̧kuä̧wä̧ i̧sa̧rü̧ 'kua̧rü̧nä̧, kurodiyäku, dauwiyäku 'chu̧ä̧rä̧nü̧ 'chu'ädü kuichäjätukuäkusättü̧? 'Kuäopünä̧ mo̧ro̧ ji̧nü̧ a̧'u̧kuä̧, Dio-rü ukuokuäkuäwodettü chu̧wo̧juȩta̧'a̧nä̧ 'chukuädätukuokoku pä'ijüsä.

San Mateo 9:35

Jesú-mä̧ bäreu ütawiyänä̧'i̧nä̧, ppo̧ü̧ ütawiyänä̧'i̧nä̧, sinagogas odewiyä pünä̧ kue'ächü wo̧juȩti̧nü̧. Jareünä̧ Ru̧wa̧ Dio weü wȩnȩ wo̧juȩtü̧mä̧, na̧nȩttü̧mä̧ o'kajuiyünä̧ aditü iku kkä̧nü̧, ubara ttu'u na̧nȩttü̧'i̧nä̧, o'kajuiyünä̧tä̧ aditü ikuinü̧.

San Juan 8:26

Rü̧ȩnä̧ ja̧'a̧ ukuturu chukuokua pädümä̧ ja̧'wa̧ta̧nü̧ adiu jȩ'kuä̧tu̧ku̧ ja̧ pä'ü'i̧nä̧, surojü jȩ'kuä̧tu̧ku̧ ja̧ pä'ü'i̧nä̧, jü̧nä̧; ja̧'wa̧nü̧ ja̧'a̧nä̧ ttürü we'inü̧mä̧ jueü wȩnȩtä̧ wa̧ ja̧'a̧; ja̧'wa̧nü̧ ja̧'a̧ttü̧, jua̧u̧ttü̧ chä̧ju̧kui̧nü̧tä̧ pi̧jä̧ ttü̧ja̧rü̧mä̧ ukuokusä.

San Juan 8:2

Kkoro mo̧ro̧ yo̧ä̧i̧, Dio-rü ukuokuäkuäwodenä̧ pä'äjita'anü̧ ichinü̧. Ja̧'wa̧nü̧ ja̧'a̧ ttü̧ja̧ ttü̧ka̧ka̧kui̧'ä̧ja̧'a̧ pä̧mä̧dü̧ wo̧juȩti̧nü̧.

San Juan 7:28

Ja̧'wa̧nü̧ ttukuokua'a ä̧ju̧ku̧, Jesú-mä̧ pä̧i̧ku̧nä̧ päinä̧u̧: ¡Ye isopäi'ünä̧ ttürümä̧, chichinomȩ'i̧nä̧, ttürütä'i̧nä̧ wo̧juä̧tü̧jä̧!; cha̧mü̧nä̧ pa̧ja̧tü̧ amükuädümä̧ ichokü pinü̧sä̧, ttürü we'inü̧mä̧ isopäi'ünä̧ wa̧, jua̧u̧ru̧mä̧ ukutumä̧ jerupätüjä̧.

San Juan 7:14

Ja̧'wa̧nü̧ ja̧'a̧mä̧, Jesú-mä̧ pä'käri kkä'ko päi'ünä̧ jȩtta̧'a̧ jakuänä̧, Dio-rü ukuokuäkuäwodenä̧ do'ächi'ü kkä̧mä̧dü̧ wo̧juȩti̧nü̧.

San Mateo 26:65

Ja̧'wa̧nü̧ päiyäku, sacerdote wotü ttu̧ru̧wa̧mä̧, a̧mi̧surächi'äku, ü̧'ka̧tä̧wä̧ta̧ sȩro̧ku̧nu̧ pä'inü̧: —¡Dio-rü suronä̧, to'ija̧'a̧ku̧ pä'üjä̧! ¡Täkü kkorotü pide ütü'kü jittäwa pä'ümä̧ rekuä rü̧jo̧ka̧'a̧! Ukututä ä̧ju̧kuä̧tü̧jä̧ suronä̧ päümä̧,

Hechos 26:26

Pi̧yȩ chukuokumä̧ wo̧jua̧ ru̧wa̧ rey Agripa-mä̧ ja̧'wa̧nü̧ ja̧'a̧ttü̧ wäjuönä̧ ukuokusä; pi̧yȩ tü'kü yä̧u̧nä̧ jü̧mä̧ juiya'a, o'kajuiyünä̧ u̧wo̧juö̧tä̧ ja̧'a̧.

San Mateo 24:26

Ja̧'wa̧nü̧ ja̧'a̧ttü̧, rȩbi̧yu̧ dȩ'a̧ra̧'a̧ kkü̧ pättüttü'i̧nä̧, kui̧'chä̧tu̧kuä̧. Aposento i̧so̧ka̧ jakuä kkü̧ pättüttü'i̧nä̧, kuesetätukuä.

San Marcos 8:32

Ja̧'wa̧nü̧ wäjuönä̧tä̧ jiäwiyäku, Peduru-mä̧ kkatärütä o'ipächü jua̧u̧ 'kuäopü juiya pä'ü ro̧ȩpi̧nä̧ku̧.

San Juan 6:59

Pi̧yȩmä̧ Jesú wo̧juȩti̧nü̧ Cafarnaúm ütawiyä, sinagoga isodettü.

San Juan 18:21

¿Tta̧'a̧nü̧ pä'ü ttürümä̧ jä̧kuȩpä̧rä̧ku̧sä̧ttü̧? Jidäwa'a ä̧ju̧kuä̧'i̧jä̧tü̧rü̧ jä'epü ä̧ju̧kui̧, däjé jidäwä'ijatü ja̧ pä'ü; juätütä jidäwä'ijü wo̧juä̧tü̧mä̧.