San Juan 18:12 - Nuevo Testamento Uwotjüja

¹² Ja̧'wa̧nü̧ ja̧'a̧, su̧ro̧do̧u̧mä̧, ttu̧ru̧wa̧ku̧ ja̧'wa̧ta̧nü̧ judío ttu̧wo̧juȩtä̧u̧ su̧ro̧do̧u̧'i̧nä̧ Jesú-ru 'chu'ädo'ü nü̧'kinä̧tü̧.

TÄ̧DO Ä̧CUÄ̧ I̧HUȨNȨ

¹² Su̧ro̧da̧u̧cu̧, ttu̧ru̧hua̧cu̧'i̧nä̧, judíos ttö̧ja̧ hueähuä ruhuä'inä Jesúsru 'chu'ädö, ttönö'quinäcudo.

San Juan 18:12 Referans Kwoze

San Juan 18:3

Ja̧'wa̧nü̧ ja̧'a̧ttü̧, Juda-mä̧, sacerdote tturuwotü wȩttä̧jä̧u̧ su̧ro̧do̧u̧ku̧ ja̧'wa̧ta̧nü̧ fariseo wotü wȩttä̧jä̧u̧ su̧ro̧do̧u̧ku̧ o'ipächäji̧'ka̧ rȩbȩwi̧pi̧nü̧, dauwiyäku, ttitejäworiyäku, ttürowä'äku, jü̧nä̧.

San Mateo 26:57

Jesú-ru 'chu'ädäjä'kotümä̧ sacerdote wotü ttu̧ru̧wa̧ Caifá ojusodera̧'a̧ku̧, weäwä wȩnȩ wo̧juȩtä̧tü̧'i̧nä̧ ja̧'wa̧ta̧nü̧ a̧ci̧a̧nu̧tu̧'i̧nä̧ ka̧ka̧kua̧jä̧'kotü ttü̧'ȩjo̧mȩ ttȩpi̧nä̧ku̧.

Hechos 21:37

Täkü kärenä̧ra̧'a̧ su̧ro̧do̧u̧ do'ädü ttikuäku, Pauru-mä̧ su̧ro̧do̧u̧ ttu̧ru̧wa̧rü̧ jä'epü ä̧ju̧kui̧nü̧: ¿Ukuku a̧'u̧ku̧nä̧ chukuoku'anü̧ ja̧'a̧? päku, su̧ro̧do̧u̧ ttu̧ru̧wa̧mä̧ ädätinä̧ku̧: ¿Grecia ttü̧ja̧ tti̧wȩnȩ ukuokuäkuäwä wo̧jua̧jä̧?

Hechos 21:31

Täkü kuä'ü ttikua pä'ü jȩtta̧'a̧, Roma su̧ro̧do̧u̧ ttu̧ru̧wa̧ ä̧ju̧kuo̧po̧'i̧nü̧, Jerusarȩ́-mä̧ o'kajuiyütä wȩnȩ ja̧'a̧ pätta'a.

San Lucas 22:54

Ja̧'wa̧nü̧ ja̧'a̧, Jesú-ru 'chu'ädi'ü, sacerdote wotü ttu̧ru̧wa̧ ojusodera̧'a̧ku̧ ttȩpi̧nä̧ku̧. Ja̧'wa̧nü̧ ttȩpa̧'a̧nä̧, Peduru-mä̧ otonä̧tä̧ ru'inü̧.

San Marcos 15:1

Mo̧ro̧ päia'a, yotäku, sacerdote wotü tturuwotümä̧, judío-ttü a̧ci̧a̧nu̧ wotüku ja̧'wa̧ta̧nü̧ weäwä wȩnȩ wo̧juȩkuä̧ isotüku'i̧nä̧, ja̧'wa̧ta̧nü̧ Sanedrín wotüku'i̧nä̧ o'katoi'ünä̧ ka̧ka̧kui̧pü̧ ukuokuäjä'kotü. Jesú-ru nü̧'käwa̧rü̧tä̧ ȩmi̧pü̧, Pilato-rü iyinä̧tü̧.

San Marcos 14:53

Ja̧'wa̧nü̧ 'chu'ädäjä'kotümä̧, Jesú-ru sacerdote wotü ttu̧ru̧wa̧, ä'ka jo̧mȩ i'chächipinä̧tü̧. Ja̧'wa̧ta̧nü̧ sacerdote ruwotü'i̧nä̧, a̧ci̧a̧nu̧tu̧'i̧nä̧, weäwä wȩnȩ wȩyu̧kuä̧ isotü'i̧nä̧ o'katoi'ünä̧ ka̧ka̧kui̧pi̧nä̧tü̧.

San Mateo 27:2

Jua̧u̧nü̧ o'ka'a nü̧'kä'kotü ȩpü̧ iyinä̧tü̧ Roma-ttü̧ wȩ'ä̧wa̧ ru̧wa̧ Pilato-rü.

Hechos 23:10

Ja̧'wa̧nü̧ ja̧'a̧nä̧ ttü̧ja̧mä̧ yaboku wottiyäku, su̧ro̧do̧u̧ ttu̧ru̧wa̧mä̧, Pauru-rü kuä'ü ttiku 'kua̧ra̧'a̧ pä'ü ye'eku, su̧ro̧do̧u̧ru̧ wopo'inü̧ juorü rä'epü iku, pä'äjita'anü̧ kärenä̧ra̧'a̧ ttȩpa̧rü̧ pä'ü.

San Mateo 27:27

Ja̧'wa̧nü̧ ja̧'a̧ ru̧wa̧ isotü su̧ro̧do̧u̧mä̧ ruwode kkä'ko isaräku Jesú-ru ttȩmipa̧ja̧'a̧ su̧ro̧do̧u̧mä̧ o'katoi'ünä̧ jua̧u̧ ippeyänä̧ ka̧ka̧kui̧pi̧nä̧tü̧.

Hechos 10:1

Ya̧tȩ kki̧nü̧, Cornelio pä'ü mi̧kua̧ Cesarea ütawiyänä̧, su̧ro̧do̧u̧ ttu̧ru̧wa̧ ciȩnü̧ wotü su̧ro̧do̧u̧ ttu̧ru̧wa̧ «Itariana» pä̧ttä̧u̧.