San Juan 17:8 - Nuevo Testamento Uwotjüja

⁸ Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

⁸ Iso päi'önä ucutä cui̧huȩnȩ ttö̧rö̧ huecuhuinö ta'anö, ji'ähuinösä jahuätörö. Ja̧'hua̧nö̧ jidähuomenä, adiu esetinätö. Iso päi'önä ucuttu chichina'a huo̧juä̧tö̧. Ja̧'hua̧ta̧nö̧ ucutä ttörö huecuhuinö esetätö.

San Juan 17:8 Referans Kwoze

San Juan 17:14

Ttümä̧ kui̧wȩnȩ chiyinä̧u̧; ja̧'wa̧nü̧ ja̧'a̧ pi̧jä̧ ttü̧ja̧mä̧ ttü̧jü̧'ko̧ko̧u̧ pinä̧tü̧, pi̧jä̧ ttü̧ja̧ ttoka'attü, ttü'i̧nä̧ pi̧jä̧ ttü̧ja̧sa̧ chü juiyüta'anü̧.

San Juan 15:15

Täkü, chumüwäyotü pä'ümä̧ pä̧do̧ko̧u̧jä̧, ttu̧mü̧wä̧ya̧mä̧ u̧ru̧wa̧ jȩü̧ jȩru̧pa̧ ja̧'a̧ttü̧; jitämä̧ chawaruwäjä̧, jua'amä̧ Chä'ottü chä̧ju̧kui̧nü̧mä̧, o'kajuiyünä̧tä̧ chu̧wo̧juȩti̧nä̧u̧ kuätukua'attü.

San Juan 16:30

Jitämä̧, wo̧jui̧'ä̧tü̧jä̧ o'kajuiyünä̧tä̧ wo̧jua̧ pä'ü, ujututtü ya̧tȩ jä̧ȩpä̧ra̧ku̧ pä'ü'i̧nä̧ rekuä rü̧jo̧ko̧ku̧jä̧; ja̧'wa̧nü̧ jo̧mȩttü̧ Dio-ttü ichinü̧ pä'ü esetätüjä̧.

San Juan 16:27

Jua'amä̧, chutä Chä'o ukuturu repe'ü esewa'attü, ttürü repe'ü kuesewiyätukuäku. Ja̧'wa̧ta̧nü̧ jua̧u̧ttü̧tä̧ chichina̧'a̧'i̧nä̧ kuesetätukua'attü.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

San Juan 14:10

¿Kuesetoka'a, Chä'o ttünä̧ ü̧ja̧'a̧mä̧ ja̧'wa̧ta̧nü̧ Ttü'i̧nä̧ Chä'oku chü̧ja̧'a̧mä̧? Ttü chukuokumä̧, ttütä cha̧mü̧nä̧ pa̧ja̧tü̧mä̧ ukuokuoküsä. Jua̧u̧ ttünä̧ kkä̧nü̧tä̧ o'kajuiyünä̧ jȩpü̧.

San Juan 12:49

Jua'amä̧ ttütä chüjü'komȩnä̧mä̧, chukuokuoka'attü̧; Chä'o ttürü we'inütä̧, iyinütä̧ chukuokua'attü̧.

San Juan 6:68

Päomȩnä̧, Simón Peduru-mä̧ ädätinä̧ku̧: —Chu̧ru̧wa̧, ¿Diku ti̧'chü̧'a̧nü̧ ja̧'a̧jä̧ttü̧? Uku kui̧wȩnȩmä̧ kkä̧kuä̧wä̧ i'ko jäwä ja̧'a̧.

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

1 Corintios 15:1

Jitämä̧, chawaruwä chi̧jä̧wa̧tü̧, jareü wȩnȩ jidäwinü̧ kuamükuädätukua pä'üsä. Pi̧yȩtä̧ ja̧'a̧ jareü wȩnȩ esetinü̧'kotü, ji̧yȩnä̧tä̧ 'kiyünä̧ ku̧ja̧kuä̧tu̧ku̧mä̧.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

San Juan 17:18

Ttürü ukú pi̧jä̧ra̧'a̧ wekuinüta̧'a̧nü̧, ttü'i̧nä̧ juätürü pi̧jä̧nä̧ we'ipüsä.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

1 Corintios 11:23

Isopäi'ünä̧ ttümä̧, Tu̧ru̧wa̧ttü̧ chemi̧nü̧mä̧, ukuturu'i̧nä̧ wo̧juȩti̧nü̧sä̧: Tu̧ru̧wa̧ Jesú-mä̧, iyü ttikuinü̧ yodomä̧, trigo i̧ri̧si̧ ȩmo̧po̧'ü̧;

San Juan 3:33

Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧.

San Juan 3:17

Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,