San Juan 17:3 - Nuevo Testamento Uwotjüja

³ Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

TÄ̧DO Ä̧CUÄ̧ I̧HUȨNȨ

³ Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

San Juan 17:3 Referans Kwoze

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 3:17

Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.

1 Juan 4:6

Ujutumä̧ Dio-ku kka̧kuä̧tü̧jä̧; ja̧'wa̧nü̧ ja̧'a̧ttü̧ Dio-rü wo̧jua̧mä̧, ujuturu ä̧ju̧ku̧. Ja̧'wa̧nü̧ ja̧'a̧nä̧, Dio-ku kko̧kü̧mä̧, ujuturu ä̧ju̧kuo̧kü̧. Ja̧'wa̧nü̧ jo̧mȩnä̧ wo̧juä̧tü̧jä̧ jueü wȩnȩ Epíritu-ru kku̧nä̧rü̧rü̧'i̧nä̧ ja̧'wa̧ta̧nü̧ yapare wȩnȩ Epíritu-ru kku̧nä̧rü̧rü̧'i̧nä̧, jü̧nä̧.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

San Juan 14:26

Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

San Juan 8:19

Päomȩnä̧, jä'epü ttä̧ju̧kui̧nä̧ku̧: —¿Kuä'omä̧ too ü̧ja̧jä̧ttü̧? Jesú ädätinä̧u̧: —Ukutumä̧ ttürü'i̧nä̧ jerupätüjä̧ ja̧'wa̧nü̧ kuieruwätükua'amä̧, Chä'orü'i̧nä̧ jerupätüjä̧; ttürü ku̧wo̧juä̧tu̧ku̧ttu̧mä̧, chä'orü'i̧nä̧ wo̧jua̧ja̧tü̧jä̧.

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

1 Tesalonicenses 1:9

Isopäi'ünä̧ o'katoi'ünä̧ ukuokuätü, ujuturu tichäja'a adiu jȩ'kui̧nä̧tu̧ku̧mä̧, ja̧'wa̧ta̧nü̧ ji'äwätü ku̧ä̧nä̧wa̧tu̧ku̧ tta̧'kua̧juä̧ tätäwä'karü kuesetinä̧tu̧kua̧'a̧, jaropi'ü Dio a̧'kua̧rü̧rü̧, jueü wȩnȩ i̧sa̧rü̧ kuesetinä̧tu̧kua̧'a̧'i̧nä̧.

San Juan 10:36

Isopäi'ünä̧ Dio pätetü weinä̧ku̧ru̧mä̧, Dio-rü suronä̧ pä'ü pä'ätüjä̧, Dio i̧tti̧sä̧ pädomȩttü̧.

San Juan 7:29

Ja̧'wa̧nü̧ ja̧'a̧nä̧ ttümä̧ Jua̧u̧ru̧ wo̧jua̧sä̧; jua̧u̧ttü̧tä̧ chichina̧'a̧ttü̧ ja̧'wa̧ta̧nü̧ jua̧u̧tä̧ ja̧'a̧ ttürü we'inü̧mä̧.

San Juan 6:57

Chä'o ttürü we'inü̧mä̧, a̧'kua̧rä̧kuä̧wä̧ kku̧nä̧rü̧ ja̧'wa̧nü̧ ja̧'a̧ttü̧ ttümä̧ jua̧u̧nä̧ a̧'kua̧rü̧sä̧ ja̧'wa̧nü̧ jü̧ta̧'a̧nü̧ chidepä kumä̧, ttünä̧tä̧ a̧'kua̧rä̧kua̧.

San Juan 5:44

¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧?

San Juan 11:42

Jua'akumä̧ 'kuäopünä̧tä̧ kuä̧ju̧kuä̧ku̧ cha'anä̧, pitü chippeyänä̧ ttü̧ja̧kui̧yä̧ku̧ pä'äjisä, weinä̧ku̧ ja̧'a̧ tä̧jí̧ pä'ü ttu̧wo̧juä̧kua̧'a̧nü̧.

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

San Marcos 9:37

Ya̧tȩ ttü chi̧mi̧nä̧ ji̧'ki̧cha̧wa̧rü̧ ȩmü̧mä̧, ttürü ȩmü̧; ja̧'wa̧ta̧nü̧ ttürü ȩmü̧mä̧, ttürütämä̧ ȩmo̧kü̧, ji̧nä̧somä̧ ttürü we'inü̧rü̧ ȩmü̧.

1 Corintios 8:4

Ja̧'wa̧nü̧ ja̧'a̧ttü̧, ttu̧kuȩ ttü̧ä̧nä̧wo̧tü̧ tti̧mi̧nä̧ ukuokuä'chü jȩttü̧ tü'kümä̧, jua̧u̧mä̧ pi̧jä̧ttü̧mä̧ mikuäwokü pä'ü wo̧juä̧tü̧jä̧, Dio-mä̧ ya̧tȩtä̧ ja̧'a̧ pä'ü tu̧wo̧jua̧'a̧ttü̧.

San Juan 17:18

Ttürü ukú pi̧jä̧ra̧'a̧ wekuinüta̧'a̧nü̧, ttü'i̧nä̧ juätürü pi̧jä̧nä̧ we'ipüsä.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

Filipenses 3:10

Ja̧'wa̧ta̧nü̧ Jua̧u̧ru̧ chu̧wo̧jua̧ pä'ü'i̧nä̧, wa'arettü ttoächäkuäwä ujuru chu̧wo̧jua̧ pä'ü'i̧nä̧, Ja̧'wa̧ta̧nü̧ Ubara ttuinü̧ta̧'a̧nü̧ ubara ttuda pä'ü'i̧nä̧ pä'üsä; Ja̧'wa̧ta̧nü̧ Chutä 'korupäi'inü̧ta̧'a̧nü̧'i̧nä̧ 'korujuodächa pä'üsä,

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

2 Pedro 1:2

Mipponä̧ ppädäkuäwänä̧ ja̧'wa̧ta̧nü̧ wȩnȩ juiyünä̧ kkä̧kuä̧wä̧nä̧ rü̧ä̧chü̧nä̧ kka̧kuä̧tu̧kui̧, Dio u̧wo̧juö̧nä̧'i̧nä̧ ja̧'wa̧ta̧nü̧ tu̧ru̧wa̧ Jesú-nä̧'i̧nä̧.

2 Pedro 1:3

Dio-mä̧, ujurunä̧ o'kajuiyünä̧ ta̧'kua̧rü̧nä̧ rekuä rü̧jü̧'i̧nä̧, rȩrü̧jü̧ toäkuäwä'i̧nä̧ iyinä̧u̧jä̧, chutä ü̧rü̧ä̧nä̧ adiwäjuei aditäwänä̧ ujuturu wopinü̧rü̧ tu̧wo̧jua̧ pä'ümä̧.

2 Pedro 1:8

Isopäi'ünä̧ pi̧yȩ ukutunä̧ kko̧mȩnä̧mä̧ büó juo'ätüjä̧, kua̧'kua̧ru̧tu̧ku̧nä̧'i̧nä̧ mikuäwokü jü̧nä̧mä̧ jo̧ka̧'a̧ jä̧kua̧'a̧, tu̧ru̧wa̧ Jesucrito-rü'i̧nä̧ tteruwäku jü̧nä̧mä̧ jo̧kü̧ jä̧kua̧.

1 Juan 1:2

Jua̧u̧ kkä̧kuä̧wä̧ ji̧na̧'a̧ ujuturu i̧jȩkui̧nü̧mä̧. Jua̧u̧ topinü̧'kotü, ukuturu ji'äwätüjä̧, Jua̧u̧ kkä̧kuä̧wä̧ i'komä̧ Jä'oku kki̧na̧'a̧, ujuturu i̧jȩkuä̧chä̧kuȩmä̧ pä'ü.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Juan 2:23

O'katoi'ünä̧ I̧tti̧rü̧ ya'okuätümä̧, Jä'o Dio-rü'i̧nä̧ ya'okuätü; ja̧'wa̧nü̧ ja̧'a̧nä̧ I̧tti̧rü̧ esetätümä̧, Jä'orü'i̧nä̧ esetätü.