San Juan 17:21 - Nuevo Testamento Uwotjüja

²¹ Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

TÄ̧DO Ä̧CUÄ̧ I̧HUȨNȨ

²¹ Jahuätömä o'ca toi'önä ji̧nä̧ yo̧mȩtȩ amöcuädö ttö̧ja̧cua̧ pä'ö jä'epösä. Chä'o, ujutumä, ucucu, ttöcu ji̧nä̧ yo̧mȩtȩ tö̧ja̧cu̧'a̧nö̧, jahuätö'inä ujutucu ttö̧ja̧cua̧ pä'ösä. Ja̧'hua̧ta̧nö̧ pi̧jä̧ ttö̧ja̧ jahuätörö ja̧'hua̧nö̧ ttö̧ja̧cua̧'a̧ topö, ttörö huecuhuina'a ttu̧huo̧juä̧cua̧'a̧nö̧ pä'ösä.

San Juan 17:21 Referans Kwoze

1 Corintios 12:12

Ja̧'wa̧ta̧nü̧ ttü̧ja̧sa̧ ya̧tȩnä̧tä̧mä̧, rü̧ȩnä̧ todewa'a jua̧u̧ru̧ ppädümä̧: i'äre'i̧nä̧, ä'i̧nä̧, üjo'i̧nä̧, rü̧ȩnä̧, ttü̧ja̧sa̧mä̧ ya̧tȩtä̧ ja̧'a̧nä̧. Ja̧'wa̧nü̧ jü̧ta̧'a̧nü̧ o'katoi'ünä̧ ji̧nä̧ ji̧yȩtȩnä̧tä̧ todewa'a, Jesucrito-nä̧mä̧.

San Juan 17:11

Täkü, ttümä̧ pi̧jä̧nä̧mä̧ kko̧kü̧sä̧; pitütä pi̧jä̧nä̧ ttü̧ja̧kui̧'a̧'a̧nä̧, ttümä̧ ukutäku ichüsä. Chä'o mo̧ro̧jä̧ ru̧wa̧, ttürü kuiyinä̧u̧ru̧mä̧, kui̧mi̧nä̧ tta̧'ä̧ri̧tü̧, juätü'i̧nä̧ ji̧nä̧ ya̧tȩ ttäkua'anü̧, ttü ukuku jä̧'i̧jü̧ta̧'a̧nü̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

San Juan 13:35

Isopäi'ünä̧ ja̧'wa̧nü̧ yotukunä̧ eseu repekuäwätukua'a topü, o'katoi'ünä̧ ttu̧wo̧juä̧kuo̧tü̧, jua̧u̧tä̧ u̧wo̧juȩtä̧u̧ pä'ümä̧.

Hechos 4:32

Jesucrito-rü esetätü rekuätü o'katoi'ünä̧ ji̧yȩtȩnä̧tä̧ amükuädinä̧tü̧ ja̧'wa̧ta̧nü̧ ji̧yȩtȩnä̧tä̧ a̧'kua̧ri̧nä̧tü̧. Yotüte ttu̧ju̧nä̧rü̧, ttütä chiäre pättümä̧ juiyina̧'a̧, o'katoi'ünä̧ ttiäre jü̧nä̧tä̧ ji̧na̧'a̧.

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

San Juan 10:38

Ja̧'wa̧nü̧ ja̧'a̧nä̧, ttürü kuesetätuku juiyüttü'i̧nä̧, jua̧u̧ jȩchü̧ttü̧tä̧ topü esetätukui; Chä'o ttünä̧ ü̧jü̧'i̧nä̧, pärokua'aku Chä'onä̧ Ttü chü̧jü̧'i̧nä̧, jü̧mä̧.

San Juan 10:30

Chä'oku, ttükumä̧ ji̧nä̧ ji̧yȩtȩ wotüjä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

1 Corintios 1:10

Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

Romanos 12:5

Ja̧'wa̧nü̧ jü̧ta̧'a̧nü̧, rekuätü ta'anä̧ ujutu'i̧nä̧ Crito-nä̧mä̧ ji̧nä̧ya̧tȩtä̧ wotüjä̧ ja̧'wa̧ta̧nü̧ kkorotükumä̧ todepätüjä̧.

1 Juan 5:7

[Mo̧ro̧jä̧nä̧ttü̧ ji'äwätümä, wä̧mȩtukuä ja̧'a̧: Jä'o Dio'i̧nä̧, I̧wȩnȩ'i̧nä̧, Epíritu Sa̧tu̧'i̧nä̧, jü̧nä̧.] Juätü wämetukuämä̧ ji̧nä̧ ya̧tȩ wotü ja̧'a̧.

Hechos 2:46

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.

San Juan 17:25

Chä'o, adiwomȩnä̧ jȩä̧kuä̧wä̧ i̧sa̧jä̧, pi̧jä̧ ttü̧ja̧mä̧ ukurumä̧ ttu̧wo̧juo̧ko̧ku̧jä̧ ja̧'wa̧nü̧ ja̧'a̧nä̧ ttümä̧ chu̧wo̧juä̧ku̧jä̧ ja̧'wa̧ta̧nü̧ pitü'i̧nä̧ wo̧jui̧'i̧nä̧tü̧, ukú ttürü wekuina̧'a̧mä̧.

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

San Juan 3:17

Isopäi'ünä̧ Dio-mä̧ pi̧jä̧ra̧'a̧mä̧ ttü̧ja̧rü̧ ro̧dȩpa̧ pä'ümä̧ we'okü pinü̧sä̧, pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pi̧ya̧rü̧ pä'ü weinä̧ku̧sä̧.

San Juan 17:18

Ttürü ukú pi̧jä̧ra̧'a̧ wekuinüta̧'a̧nü̧, ttü'i̧nä̧ juätürü pi̧jä̧nä̧ we'ipüsä.

San Juan 11:42

Jua'akumä̧ 'kuäopünä̧tä̧ kuä̧ju̧kuä̧ku̧ cha'anä̧, pitü chippeyänä̧ ttü̧ja̧kui̧yä̧ku̧ pä'äjisä, weinä̧ku̧ ja̧'a̧ tä̧jí̧ pä'ü ttu̧wo̧juä̧kua̧'a̧nü̧.

San Juan 17:20

Ja̧'wa̧nü̧ ja̧'a̧nä̧, suro pitü ttütü'kütämä̧ jä'epoküsä, pitü jittäwomȩnä̧ ä̧ju̧ku̧ ttürü ttesetäkuotürü'i̧nä̧ jä'epüsä.

1 Corintios 6:17

Ja̧'wa̧nü̧ ja̧'a̧nä̧, Tu̧ru̧wa̧rü̧ ppä'ächi'ümä̧, Epíritu-nä̧mä̧ ji̧nä̧ ya̧tȩ wotü, chutäkumä̧.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

San Marcos 3:24

Yo̧mȩtȩ ru̧wa̧ weomȩttü̧ pä'ä'chäkuäu 'kȩttȩkuä̧chü̧ttü̧mä̧, jua̧u̧ ruwomä̧ rekuomä̧ 'chu̧'ä̧ro̧kü̧.

San Juan 13:32

Ja̧'wa̧ta̧nü̧ Dio ukuo jäwä, jua̧u̧nä̧ i̧jȩpü̧ttü̧mä̧ ja̧'wa̧ta̧nü̧ Dio'i̧nä̧, jua̧u̧ i̧tti̧ ukuo jäwä i̧jȩpä̧kua̧; jua'amä̧ jitätä ja̧'a̧ku̧.