San Juan 17:19 - Nuevo Testamento Uwotjüja

¹⁹ Ja̧'wa̧ta̧nü̧ pitü jäwänä̧, ttümä̧ cha̧mü̧nä̧ pa̧ja̧tü̧ usurä ȩmä̧u̧ iyäkuäusä ja̧'wa̧ta̧nü̧ jueü wȩnȩ pä'aku pitü'i̧nä̧ ttiyäkuäwa pä'üsä.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ta̧nö̧ jahuätörö amöcuädö, ttötä chamönä ucuru iyäusä huecuhuinö jȩcha̧ pä'ö, jahuätö'inä iso päi'önä huȩnȩ jȩpö̧, ucuru ttamönä iyäu ucu huecuhuinö jȩtta̧ pä'ö.

San Juan 17:19 Referans Kwoze

Hebreos 2:11

Isopäi'ünä̧ o'katoi'ünä̧ surojüttü jȩpü̧ iku'i̧nä̧ ja̧'wa̧ta̧nü̧ surojüttü jȩpü̧ ikuinä̧u̧'i̧nä̧, o'katoi'ünä̧ ji̧nä̧ ya̧tȩtä̧ isotü wotüjä̧; ja̧'wa̧nü̧ ja̧'a̧ttü̧ chü̧jä̧wa̧tü̧ pä'ü o̧ä̧u̧jä̧, dä'ä juiyünä̧tä̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

San Juan 17:17

Jueü wȩnȩ kui̧wȩnȩ pä'aku surojü juittächächünä̧ jȩpi̧tü̧; kui̧wȩnȩmä̧ jueü wȩnȩ ja̧'a̧ttü̧.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

1 Tesalonicenses 4:7

Isopäi'ünä̧ Dio-mä̧ surojü jȩpü̧ tü̧ja̧kua̧ pä'ümä̧ wooko̧u̧ pinä̧tü̧jä̧, surojü kätädächa pä'ü woinä̧u̧jä̧.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

2 Corintios 4:15

Pi̧yȩmä̧ o'kajuiyünä̧ 'kuä'opätüjä̧ ukutu adiwä juei kuȩmä̧tu̧kua̧ pä'ü. Isopäi'ünä̧ rekuätü Dio rȩrü̧jü̧ topü eseu ttȩmü̧ttü̧mä̧, rekuätü jä̧kua̧'a̧ Dio ü̧rü̧ä̧ eseäkuäwätümä̧.

Hebreos 9:26

Ja̧'wa̧nü̧ jü̧ juiyüttümä̧, Crito-mä̧ kko̧ro̧nü̧ jü̧ta̧'a̧nü̧, pi̧jä̧ uwäbe'inomȩttü̧ kkä̧mä̧dü̧ 'koru juoächä'cha pä'ü ji̧na̧'a̧. Ja̧'wa̧nü̧ ja̧'a̧nä̧, jitä rüjí mo̧ro̧ päi'omȩnä̧, ya'utenä̧tä̧ usurä ȩmä̧u̧ iyäu ikuinü̧, suronä̧ jȩttä̧'i̧jü̧ jȩpü̧ ikua pä'ümä̧.

Hebreos 10:29

Juȩnȩ abonä̧nü̧ ¿tta̧'a̧nü̧ rü̧ȩnä̧ ro̧ȩkuä̧kua̧'a̧ päkuätukua'ajä̧ttü̧ Dio I̧tti̧ ukuoja kkü'kü jui'ü 'kuȩ'ku̧ru̧mä̧ ja̧'wa̧ta̧nü̧ Dio i̧sa̧ Epíritu repeäkuru suronä̧ pä'ürümä̧?

Hebreos 9:13

Isopäi'ünä̧ chiwotü̧'i̧nä̧, pä̧kä̧yü̧'i̧nä̧ ttukuojamä̧ ja̧'wa̧ta̧nü̧ ppo̧'ä̧tü̧ pä̧kä̧yü̧ nä̧tü̧rü̧ kkuwü ttiku o'ka̧ppȩnä̧ ririttomȩnä̧mä̧, adiutä päi'ünä̧ ujuru kki̧na̧'a̧ idepänä̧.

Hebreos 9:18

Ja̧'wa̧nü̧ ja̧'a̧ttü̧, Dio ä̧kuo̧mȩnä̧ esekuinü̧nä̧mä̧, rekuätü äjikuäkuäwotü ttukuojanä̧tä̧ esekuinü̧, jua̧u̧ juiyünä̧mä̧ esekuokü pinü̧.

San Juan 10:36

Isopäi'ünä̧ Dio pätetü weinä̧ku̧ru̧mä̧, Dio-rü suronä̧ pä'ü pä'ätüjä̧, Dio i̧tti̧sä̧ pädomȩttü̧.

San Juan 15:3

Täkü, ukutumä̧ surojü juiyünä̧ aditü kku̧nä̧wo̧tü̧jä̧, ttü jidäwä'ijü ji̧yȩnä̧tä̧.

San Juan 15:13

Awaruwä jäwänä̧ a̧'kua̧rü̧ iyäwomȩnä̧tä̧ ja̧'a̧, ji̧nä̧so ji̧yȩtä̧ eseu repeäkuäwä u̧ju̧nä̧ra̧'a̧mä̧.

San Juan 17:20

Ja̧'wa̧nü̧ ja̧'a̧nä̧, suro pitü ttütü'kütämä̧ jä'epoküsä, pitü jittäwomȩnä̧ ä̧ju̧ku̧ ttürü ttesetäkuotürü'i̧nä̧ jä'epüsä.

2 Corintios 7:14

Täkü, Tito-rümä̧, ukuturu chesewa'amä̧ jidäwinü̧ o'ka'a ji̧na̧'a̧. Pärokua'aku Tito-rü jitäwinü̧'i̧nä̧, ukuturu jitäwinü̧'i̧nä̧ isopäi'ünä̧tä̧ ji̧na̧'a̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

1 Juan 3:3

O'katoi'ünä̧ jua̧u̧ru̧ a̧mü̧kuä̧rü̧ tta̧'a̧rä̧tü̧mä̧, surojü adikuäkuäu ikuätü, jua'amä̧ Chutä Jesú'i̧nä̧ surojü jui̧'a̧ ja̧'a̧ttü̧.

1 Juan 3:18

Chi̧tti̧mü̧ wotü, suro ti̧wȩnȩnä̧tä̧mä̧, suro tänä̧tä̧mä̧ eseu repetü juiyü'anü̧ ja̧'a̧. Ja̧'wa̧nü̧ jo̧ka̧'a̧ isopäi'ünä̧ jȩpü̧nü̧, jueü wȩnȩ ukuokua'aku repe'ü tesewa pä'ätukui.