San Juan 16:5 - Nuevo Testamento Uwotjüja

⁵ Ja̧'wa̧nü̧ ja̧'a̧nä̧ jitämä̧ ttürü we'inü̧ ü̧ja̧'a̧ 'chü̧sä̧; ja̧'wa̧nü̧ ja̧'a̧nä̧, ya̧tȩ'i̧nä̧, ¿Too kui̧'cha̧'a̧jä̧ttü̧? Pä'ümä̧ jäkuepätukuokokusä.

TÄ̧DO Ä̧CUÄ̧ I̧HUȨNȨ

⁵ Jitämä ttörö hue'inö ö̧ja̧'a̧ chi̧'chä̧cua̧sä̧. Ucutu chi̧'chä̧cua̧'a̧ jä'epocotöjä.

San Juan 16:5 Referans Kwoze

San Juan 13:36

Simón Peduru-mä̧, Jesú-ru pä'inü̧: —Chu̧ru̧wa̧ ¿To kui̧'cha̧'a̧jä̧ttü̧? —Päku, Jesú-mä̧ ädätinä̧ku̧: Jitätämä̧, chi̧'cha̧'a̧mä̧ ichoküjä̧; ja̧'wa̧nü̧ ja̧'a̧nä̧, o'komȩnä̧ kui̧chä̧kua̧jä̧.

San Juan 7:33

Ja̧'wa̧nü̧ ja̧'a̧ Jesú-mä̧ päinä̧u̧: —Suro a̧'u̧kua̧'a̧tä̧ ukutukumä̧ chü̧jä̧kua̧sä̧, kki̧'i̧pü̧'ka̧ ttürü we'inü̧ ü̧ja̧'a̧ ppa̧dä̧chä̧kua̧sä̧.

San Juan 16:28

Pi̧jä̧ra̧'a̧ ichümä̧, Chä'o ü̧jo̧mȩttü̧ rä'opinü̧sä̧; pä'äjita'anü̧ pi̧jä̧ jaropi'ü, Chä'o ü̧ja̧'a̧ 'chü̧sä̧.

San Juan 17:4

Ttümä̧, pi̧jä̧ttü̧mä̧ kukuo jäwä i̧jȩpi̧nü̧sä̧; Täkü kä'ädäjisä chadita pä'ü wekuinü̧mä̧.

San Juan 16:10

Jueünä̧ jȩttü̧ttü̧'i̧nä̧, pädümä̧, Chä'o ü̧ja̧'a̧ chi̧'cha̧'a̧ttü̧ pä'üsä, täkü ttürümä̧ yabonü̧mä̧ to'kuätukuokoku chäkua'attü̧,

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Juan 16:16

A̧'u̧kua̧'a̧tä̧ jü̧ o'ka'a, ttürümä̧ topokotü kuäkuotüjä̧; ja̧'wa̧nü̧ a̧'u̧kua̧'a̧tä̧ jü̧ o'ka'a pä'äjita'anü̧ to'kuätukuä̧kua̧sä̧. Jua'amä̧ Chä'o ü̧ja̧'a̧ chi̧'cha̧'a̧ttü̧.

San Juan 14:28

Täkü ä̧ju̧kuä̧jä̧tü̧jä̧ pa̧'a̧nü̧ pädümä̧: 'Chi̧'i̧pü̧'ka̧'i̧nä̧ pä'äjita'anü̧ ukututäku ppa̧dä̧chä̧kua̧sä̧ päda'amä̧. Isopäi'ünä̧ ttürü eseu repekuätukuttümä̧, rü̧ȩnä̧ esewajatüjä̧, Chä'o ü̧ja̧'a̧ 'chü̧sä̧ päda'a kuä̧ju̧kuä̧tu̧kua̧'a̧ttü̧, jua'amä̧ Chä'omä̧ ttüttü'i̧nä̧ abonä̧nü̧ wa̧ ja̧'a̧ttü̧.

San Juan 6:62

¿Jua̧u̧nu̧mä̧, toku jä̧kua̧'a̧jä̧ttü̧, pä'äji ji̧nü̧ta'anü̧ ubo i̧tti̧ ü̧ji̧no̧mȩku̧ käekuächa'a to'kuätüküttümä̧?

San Juan 17:13

Ja̧'wa̧nü̧ ja̧'a̧nä̧, jitämä̧ pä'äjita'anü̧ uku ku̧ja̧'a̧ ppa̧'ä̧chü̧sä̧; ja̧'wa̧nü̧ ja̧'a̧ttü̧ pi̧yȩmä̧ pä'üsä, ji̧nä̧ pi̧jä̧nä̧ chu̧jä̧i̧tä̧, juätü'i̧nä̧ ttü jäwä eseäkuäwä jo̧mȩnü̧ ttu̧ju̧nä̧ra̧ pä'ü.

San Juan 16:17

Ja̧'wa̧nü̧ pä̧i̧yä̧u̧, u̧wo̧juȩtä̧u̧mä̧ pä'äwinä̧tü̧: —Tta̧'a̧nü̧ pä'ü ¿A̧'u̧kua̧'a̧tä̧ jü̧ o'ka'a, to'kuätukuokä̧kua̧sä̧; ja̧'wa̧ta̧nü̧ a̧'u̧kua̧'a̧tä̧ jü̧ o'ka'a, pä'äjita'anü̧ to'kuätukuä̧kua̧sä̧, pä'ü kkä̧nü̧'i̧nä̧, Chä'o ü̧ja̧'a̧ 'chü̧sä̧ pä'ajä̧ttü̧?