San Juan 16:15 - Nuevo Testamento Uwotjüja

¹⁵ Chä'o u̧ju̧nä̧rü̧mä̧ o'kajuiyünä̧, ttü'i̧nä̧ chiäre; ja̧'wa̧nü̧ ja̧'a̧ttü̧, pä'äjisä, Epíritumä̧ ttü chiärettü ȩmä̧kua̧, ukuturu i̧jȩpa̧ pä'ümä̧, pädäjimä̧.

TÄ̧DO Ä̧CUÄ̧ I̧HUȨNȨ

¹⁵ O'ca juiyönä Chä'o u̧ju̧nä̧rö̧, ttö'inä chöäre ja̧'a̧. Ja̧'hua̧nö̧ ja̧'a̧ttö̧ ja̧u̧ Espíritu Santo, ttö jidäu ä̧ju̧cu̧ u̧huo̧juȩtä̧cua̧ ucuturu, pä'äjisä.

San Juan 16:15 Referans Kwoze

San Juan 17:10

O'kajuiyünä̧ ttü chiäremä̧, ukutä kuiäre ja̧'a̧; ja̧'wa̧nü̧ ja̧'a̧ttü̧ juätünä̧, chukuo jäwämä̧ i̧jȩkuä̧cha̧'a̧.

San Juan 3:35

Jä'o Dio-mä̧, i̧tti̧rü̧ eseu repea'attü̧, o'kajuiyünä̧ u̧mü̧nä̧ jü̧nä̧tä̧ iyinä̧ku̧.

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

Colosenses 1:19

Isopäi'ünä̧ Dio-mä̧ jua̧u̧ Crito-nä̧tä̧, Chutä ujuru o'kajuiyünä̧ kka̧ pä'inü̧,

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

Colosenses 2:9

Ja̧'wa̧ta̧nü̧ o'kajuiyünä̧ Dio jäwämä̧ Crito-nä̧ kka̧kua̧'a̧ topätüjä̧,

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

Colosenses 2:3

O'kajuiyünä̧ jua̧u̧nä̧tä̧ kka̧'a̧ wo̧juä̧wä̧ wȩnȩ'i̧nä̧ ja̧'wa̧ta̧nü̧ ttu̧ȩpä̧rä̧kuä̧wä̧ wȩnȩ'i̧nä̧ jü̧nä̧.

San Juan 14:21

Ttü wedü wȩnȩ kku̧nä̧rü̧, ukuotümä̧, jua̧u̧ ja̧'a̧ ttürü eseu repe'ümä̧. Ja̧'wa̧nü̧ ttürü eseu repe'ürümä̧, Chä'o'i̧nä̧ eseu rȩpȩä̧kua̧; ja̧'wa̧ta̧nü̧ ttü'i̧nä̧ eseu repe'ü, jua̧u̧ru̧ chi̧jȩkuä̧kua̧sä̧.