San Juan 15:4 - Nuevo Testamento Uwotjüja

⁴ Ttünä̧tä̧ todeunä̧ kka̧kuä̧tu̧kui̧, ttü'i̧nä̧ ukutunä̧ kkü̧sä̧. Ä̧na̧jui̧yä̧, uwa daunä̧ todewokomȩnä̧, a̧mü̧nä̧ pa̧ja̧tü̧ u̧wä̧ju̧ wȩjo̧ka̧'a̧ jä̧'i̧nü̧ta̧'a̧nü̧, ukuturu'i̧nä̧ ja̧'wa̧nü̧ jä̧kua̧'a̧ ttünä̧ ku̧jä̧tu̧kuo̧ko̧mȩnä̧mä̧.

TÄ̧DO Ä̧CUÄ̧ I̧HUȨNȨ

⁴ Ucutucu cuedächö ta'anö, ttöcu cue'ächätucui ucutu'inä. Dau ä̧na̧juä̧ ja̧'a̧tä̧ katämä u̧huä̧ju̧ juiya'a. Dau kada'canä todehuomenätä, ja̧u̧ ä̧na̧juä̧nä̧ huȩjä̧cua̧'a̧ u̧huä̧ju̧. Ucutu'inä ttörö todeunä cu̧ja̧cuä̧tu̧cu̧ juiyöttömä, yoröiso u̧huä̧ju̧ juiyäcua'a.

San Juan 15:4 Referans Kwoze

1 Juan 2:6

Isopäi'ünä̧ Jua̧u̧nä̧ kkü̧sä̧ pä'ümä̧; Chutä Jesucrito ü̧ji̧nü̧ta'anü̧, ü̧ja̧ pä'ü ja̧'a̧.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

San Juan 8:31

Ja̧'wa̧nü̧ ja̧'a̧ Jesú-mä̧, churutä esetätü judío-rü pä'inü̧: —Isopäi'ünä̧ ttü chi̧wȩnȩnä̧ ku̧jätu̧ku̧ttü̧mä̧, isopäi'ünä̧ chumüwäyotü kuäkuotüjä̧.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

San Juan 6:56

Chidepä kumä̧ ja̧'wa̧ta̧nü̧ chukuoja aumä̧, ttütäku todeunä̧ kkü̧, ja̧'wa̧ta̧nü̧ ttü'i̧nä̧ jua̧u̧ku̧ todeunä̧ wa̧sä̧.

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

San Juan 14:20

Ji̧yȩnü̧ mo̧ro̧ ukutumä̧ ku̧wo̧jui̧pä̧kuo̧tü̧jä̧, ttü Chä'onä̧ chü̧ja̧'a̧mä̧, ja̧'wa̧ta̧nü̧ ukutu ttünä̧ ku̧jä̧tu̧kua̧'a̧mä̧ ja̧'wa̧ta̧nü̧ ttü'i̧nä̧ ukutunä̧ chü̧ja̧'a̧mä̧.

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

Colosenses 2:6

Ja̧'wa̧nü̧ ja̧'a̧ttü̧, Jesucrito-rü ku̧ru̧wa̧tu̧ku̧ jü̧nä̧ kuesetinä̧tu̧kua̧'a̧mä̧, churutä pä̧wä̧rü̧jo̧mȩnä̧ kka̧kuä̧tu̧kui̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

1 Tesalonicenses 3:5

Ja̧'wa̧nü̧ ja̧'a̧ttü̧, ukuturu toku tta̧'kua̧ wȩnä̧rü̧ ttü̧ja̧kua̧ja̧ pä'ü chu̧wo̧jua̧ pä̧wä̧rü̧jä̧ku̧, Timoteo-rü jiäwattü pä'ü we'inü̧sä̧. Jua'amä̧ äwettämä̧, täkü ma̧ttä̧chü̧nä̧ jȩi̧nä̧u̧ku̧ pä'ü amükuädü, yapare taditina̧'a̧ tä̧jí̧ pä'inü̧sä̧.

Hebreos 10:39

Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.

San Mateo 12:33

Adiwäjuei isäi daumä̧, u̧wä̧ju̧ adiwäjuei wȩjäi; ja̧'wa̧ta̧nü̧ suräjuei isäi daumä̧, u̧wä̧ju̧ surojütä wȩjäi; ja̧'wa̧nü̧ ja̧'a̧ttü̧ daumä̧ u̧wä̧ju̧ttü̧ topü wo̧juä̧wä̧ ja̧'a̧.