San Juan 15:2 - Nuevo Testamento Uwotjüja

² O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

TÄ̧DO Ä̧CUÄ̧ I̧HUȨNȨ

² Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

San Juan 15:2 Referans Kwoze

San Mateo 3:10

Ja̧'wa̧ta̧nü̧ i̧da̧pä̧'kȩmä̧, dauwiyä ujukäkänä̧ jo̧mȩnü̧ to̧'ü̧ kku̧nä̧wa̧'a̧ kka̧'a̧, adiwäjuei u̧wä̧ju̧ wȩjo̧kü̧ oi dauwiyä kku̧'u̧ ttikua pä'ü. Ja̧'wa̧nü̧ jü̧ oimä̧ o'kajuiyünä̧tä̧ kku̧'u̧ iku okuränä̧ kku ikuäwä oi ja̧'a̧.

San Mateo 15:13

Pättäku ädätinä̧u̧: —O'kajuiyünä̧tä̧ Chä'o mo̧ro̧jä̧ ru̧wa̧ u̧ju̧no̧kü̧ oi ji̧nü̧mä̧, ujukäkättü kkä̧mä̧dü̧ ke'opü i̧kuä̧wä̧kuȩ.

Apocalipsis 3:19

Ttü repedä̧u̧rü̧mä̧ ro̧'ȩpü̧, tä̧bo̧tü̧sä̧ juettekuächünä̧. Ja̧'wa̧nü̧ ja̧'a̧ttü̧ rü̧ȩnä̧ esewächi'ünü̧, surojümä̧ kä'ädäkuäwi.

San Juan 15:8

Pi̧yȩnä̧ i̧jȩkuä̧cha̧'a̧, Chä'o ukuo jäwämä̧: u̧wä̧ju̧ rü̧ȩnä̧ kku̧nä̧rü̧ kkä̧nü̧, ttü cho'ka'anä̧ kuichätukuomȩnä̧.

San Mateo 13:12

Ja̧'wa̧nü̧ ja̧'a̧ttü̧ kku̧nä̧rü̧rü̧mä̧, yabonü̧ iyäwäkua'a; rü̧ȩnä̧ u̧ju̧nä̧rü̧nä̧, ja̧'wa̧nü̧ ja̧'a̧nä̧ jui̧'a̧rü̧mä̧, a̧'u̧ku̧nä̧tä̧ u̧ju̧nä̧rü̧'i̧nä̧ 'choikuäkua'a.

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

San Mateo 21:19

Ja̧'wa̧nü̧ ja̧'a̧, higuera dau mä̧nä̧ jäyä kki̧yä̧ku̧, tü'künä̧nü̧ 'chä̧wi̧'ü̧ toomȩnä̧ ojiyätä po̧kui̧pi̧nü̧. Ja̧'wa̧nü̧ po̧kui̧pü̧ higuera dauru pä'inü̧: —¡Yoriso u̧wä̧ju̧mä̧ wȩjo̧koi jä̧kuäijä̧! Päomȩnä̧, yotäku higuera daumä̧ joi'ina̧'a̧.

Hebreos 12:15

Adiu topäkuäu kka̧kuä̧tu̧kui̧, Dio rettü iyümä̧ ya̧tȩ'i̧nä̧ ku̧ja̧kui̧'ä̧tu̧kuo̧ka̧'a̧ kuȩmä̧tu̧kuä̧kua̧'a̧nü̧; pä̧i̧ jakuänä̧ ȩki̧pa̧'a̧ püttächi'ü ttoepomȩnä̧, rekuätürü surojuoepü juiyäkua'anü̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Lucas 8:13

Ja̧'wa̧ta̧nü̧ i̧nä̧sa wä̧mȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩ ä̧ju̧ku̧ eseunu̧ tteseta'anä̧, 'chu̧ä̧ra̧jü̧ juitta'a ja̧'a̧; a̧'u̧kua̧'a̧tä̧ eseti'ü, kka̧kuä̧mü̧ toäkuäwä ichomȩnä̧, kä'ädi'ätürü wȩnȩkuä̧cha̧'a̧.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

1 Corintios 13:1

Ttü̧ja̧ tti̧wȩnȩ chukuokuaja pä'ü'i̧nä̧, á̧gȩrȩ tti̧wȩnȩ chukuokuaja pä'ü'i̧nä̧, eseu repeäkuäwä juidomȩnä̧mä̧, kuoräuba rä̧mi̧pa̧'a̧ jä̧'i̧nü̧'a̧nü̧tä̧ ja̧'wa̧ta̧nü̧ campana rȩmi̧pa̧'a̧ jä̧'i̧nü̧'a̧nü̧tä̧ wa̧sä̧.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Mateo 13:33

Ja̧'wa̧ta̧nü̧ kkoronä̧'i̧nä̧ wȩnȩtü̧ jiäwinä̧u̧: Mo̧ro̧jä̧ ru̧wa̧ weümä̧ levadura pättü, yajute isaju trigo i̧sa̧ppȩnä̧, wä̧bo̧'ta̧kuä̧ jo̧mȩnä̧ pa̧ja̧tü̧ kkȩno̧mȩnä̧ jättäyäwa ppü̧ä̧mi̧'a̧'a̧ jä̧'i̧nü̧'a̧nü̧ ja̧'a̧, pä'ü.

San Mateo 7:19

O'kajuiyünä̧ dauwiyä u̧wä̧ju̧ adiwäjuei wȩjo̧kü̧ oimä̧, kku̧'u̧ iku okuränä̧ kkuwü ikuäwä ja̧'a̧.

San Mateo 25:29

Isopäi'ünä̧ kku̧nä̧rü̧rü̧mä̧ iyäwäkua'a ja̧'wa̧nü̧ jo̧mȩnä̧ rü̧ȩnä̧ u̧ju̧nä̧rä̧kua̧; ja̧'wa̧nü̧ ja̧'a̧nä̧ jui̧'a̧rü̧mä̧, suro a̧'u̧ku̧nä̧tä̧ u̧ju̧nä̧rü̧'i̧nä̧ 'choikuäkua'a.

San Marcos 4:20

Ja̧'wa̧ta̧nü̧ rȩjȩ adiwomȩ kku̧nä̧wi̧'i̧nü̧ jä̧ji̧mä̧ wȩnȩkuä̧cha̧'a̧; Dio i̧wȩnȩ ä̧ju̧ku̧ adiu esetätürü, treinta-nü̧ pünä̧'i̧nä̧, sesenta-nü̧ pünä̧'i̧nä̧, ciȩnü̧ pünä̧'i̧nä̧ ttu̧wä̧jü̧ iyünä̧ kka̧kuä̧tü̧rü̧.

San Juan 15:1

Ji̧nä̧so, jitä uwa daumä̧, ttütäsä ja̧'wa̧nü̧ ja̧'a̧nä̧, Chä'omä̧ kku̧nä̧wä̧ i̧sa̧ ja̧'a̧.

San Juan 15:3

Täkü, ukutumä̧ surojü juiyünä̧ aditü kku̧nä̧wo̧tü̧jä̧, ttü jidäwä'ijü ji̧yȩnä̧tä̧.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

Romanos 11:17

Olivo dau wotü judío-mä̧, kuä̧na̧jui̧yä̧ jui̧rä̧chi̧'i̧nä̧u̧jä̧, juȩnȩ o'komȩmä̧ olivo müä'kiyu jäwätä u̧ju̧ni̧nä̧u̧jä̧, juätümä̧ ukutu ja̧'a̧. Ja̧'wa̧nü̧ jȩpü̧ kkada'ka ujukäkä päi'ünä̧ jȩpü̧ kkä̧kuä̧wä̧ olivo a̧'kua̧rü̧ iyinä̧u̧jä̧.

Romanos 11:22

Ja̧'wa̧nü̧ ja̧'a̧ttü̧, topi, Dio ya'utekutä pä̧i̧ku̧nä̧ päü'i̧nä̧; ja̧'wa̧nü̧ ja̧'a̧nä̧ adiu re ü̧jü̧'i̧nä̧ topi, ja̧'wa̧nü̧ jü̧ juiyüttümä̧ ukuru'i̧nä̧ do'opü ikuäwäkua'a.