Biblia Todo Logo
Bib sou entènèt

- Piblisite -




San Juan 14:31 - Nuevo Testamento Uwotjüja

31 Ja̧'wa̧nü̧ ja̧'a̧nä̧, pi̧jä̧ ttü̧ja̧ Chä'orü eseu repeda'a ttu̧wo̧jua̧ pä'ü ja̧'wa̧ta̧nü̧ jua̧u̧ weinü̧tä̧ jȩcha̧'a̧ttü̧. Ä̧rä̧mi̧'ä̧tu̧kui̧, täkü porümä̧ ti̧'chä̧tu̧kua̧.

Gade chapit la Kopi




San Juan 14:31
17 Referans Kwoze  

Ya̧tȩ'i̧nä̧ cha̧'kua̧rü̧ 'cho'ipümä̧ toa'a, ttütätä chu̧ju̧nä̧wa̧'a̧ttü̧. Chujuru kku̧nä̧rü̧sä̧ chiya pä'ü'i̧nä̧ ja̧'wa̧ta̧nü̧ ppa̧'a̧dü̧ chȩma̧ pä'ü'i̧nä̧, jü̧nä̧. Pi̧yȩ jȩcha̧ pä'ü weinä̧ku̧sä̧ chä'omä̧.


Ja̧'wa̧nü̧ jȩpä̧kuä̧u̧, ukuo teäkuäwoka'a, Ukuotinü̧ 'korujuoächomebü päi'ünä̧, Jua'a'i̧nä̧ ü̧jo̧kä̧nü̧ kkä̧nü̧ usurä ȩmä̧u̧tä̧.


Jua'amä̧ ttütä chüjü'komȩnä̧mä̧, chukuokuoka'attü̧; Chä'o ttürü we'inütä̧, iyinütä̧ chukuokua'attü̧.


Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.


Ji̧yȩtȩ usurä ȩmä̧kuä̧wä̧nä̧ 'kuädopa pä'ü rekuä rü̧ja̧'a̧. ¡Jua̧u̧ 'kuäopomȩbü päi'ünä̧ cha̧ja̧wä̧rü̧nä̧ jä̧ku̧sä̧!


Ttürü, Chä'o eseu repeüta'anü̧, ukuturu'i̧nä̧ eseu repe'üsä; ttü eseu repedünä̧ kka̧kuä̧tu̧kui̧.


Ja̧'wa̧nü̧ jȩi̧yä̧ku̧, Jesú-mä̧ Peduru-rü pä'inü̧: —Kururodämä̧, ȩkä̧jo̧mȩ ȩni̧: Poya reoya chawa pä'ü, Chä'o iya'amä̧ ¿Chau juiyü'anü̧ ja̧'a̧ tä̧jí̧?


¡Jitämä̧ cha̧'kua̧ tta̧wȩpä̧ku̧sä̧! ¿däjetä päda'ajä̧ttü̧?: ¿Chä'o cha̧'kua̧ tta̧wȩpü̧mä̧ jȩpü̧ ikuittü pädäkua'a? ¡Ja̧'wa̧nü̧ ja̧'a̧nä̧, ä̧tȩkuä̧nä̧ pi̧yȩtä̧ ja̧'a̧tȩ'ü̧ ichinü̧sä̧!


Pä'ipü yabonä̧nü̧ 'chä̧wi̧'ü̧, iwe'kiyunä̧ pä̧mä̧dü̧ rȩjȩku̧ ma̧'ä̧mü̧, Dio-rü ukuoku pä'inü̧: «Chä'o, jȩ'ku̧'a̧nü̧ jü̧ttü̧mä̧, pi̧yȩ usurä ȩmä̧kuä̧wä̧nä̧ 'kuädopü juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukuru pä̧wä̧rü̧jo̧mȩnä̧tä̧.»


Ä̧rä̧mi̧'ä̧tu̧kui̧, ti̧'chä̧tu̧kua̧; täkü ttürü iyü iku ichümä̧ tü'kü pä'i'ü.


Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.


Swiv nou:

Piblisite


Piblisite