San Juan 14:18 - Nuevo Testamento Uwotjüja

¹⁸ Reyotü kuätukunä̧mä̧ chu̧ju̧ni'o̧ko̧u̧ kuäkuotüjä̧; pä'äjita'anü̧ ukututäku ppa̧dä̧chä̧kua̧sä̧.

TÄ̧DO Ä̧CUÄ̧ I̧HUȨNȨ

¹⁸ Ucutumä katä jarochi'oco̧u̧jä̧. Ucutucu chö̧ja̧ pä'ö ppa̧dä̧chä̧cua̧sä̧.

San Juan 14:18 Referans Kwoze

San Juan 14:3

Ja̧'wa̧nü̧ ku̧jä̧tu̧kuä̧kuo̧mȩ aditü kku̧nu̧ i̧u̧ i̧wi̧pü̧'ka̧, pä'äjita'anü̧, ttütä ukuturu ȩmü̧ chi̧chä̧kua̧sä̧, ukutu'i̧nä̧ ttü chü̧jo̧mȩ ku̧ja̧kuä̧tu̧kuä̧kua̧'a̧nü̧.

San Mateo 18:20

Isopäi'ünä̧ ta̧ju̧tä̧ ja̧ pä'ü'i̧nä̧, wä̧mȩtukuätä ja̧ pä'ü'i̧nä̧ ttü chi̧mi̧nä̧ ka̧ka̧ku̧ ttü̧'ȩjü̧ttü̧mä̧, juätütäku ttü̧'kä̧tȩnä̧ kkü̧sä̧.

San Juan 14:16

Chä'orü jädepäkua̧sä̧, kka̧ra̧ ppädäkuäwä i̧sa̧rü̧ iyätukuaku, 'kuäopünä̧ ukutuku ü̧jä̧kua̧rü̧;

San Mateo 28:20

Ja̧'wa̧ta̧nü̧ o'kajuiyünä̧ ukuturu chu̧wo̧juȩti̧nü̧mä̧ ttukuotünä̧ wo̧juȩtä̧tu̧kui̧, ttümä̧, pi̧jä̧ beipächomȩbü päi'ünä̧ 'kuäopünä̧ mo̧ro̧ ji̧nü̧'a̧kuä̧ ukututäku chü̧jä̧kua̧sä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Hebreos 2:18

Ja̧'wa̧nü̧ Chutä'i̧nä̧ kka̧kuä̧mü̧ toäkuäwänä̧ usurä ȩmä̧wi̧nü̧ ja̧'a̧ttü̧; ujuru kku̧nä̧rü̧ ma̧ttä̧cha̧ pä'ü kka̧kuä̧mü̧ to̧ä̧ü̧ru̧ ppäda pä'ümä̧.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

San Juan 16:16

A̧'u̧kua̧'a̧tä̧ jü̧ o'ka'a, ttürümä̧ topokotü kuäkuotüjä̧; ja̧'wa̧nü̧ a̧'u̧kua̧'a̧tä̧ jü̧ o'ka'a pä'äjita'anü̧ to'kuätukuä̧kua̧sä̧. Jua'amä̧ Chä'o ü̧ja̧'a̧ chi̧'cha̧'a̧ttü̧.