San Juan 14:13 - Nuevo Testamento Uwotjüja

¹³ Ja̧'wa̧nü̧ ja̧'a̧ttü̧ o'kajuiyünä̧, ttü chi̧mi̧nä̧, Chä'orü jäkuepätukumä̧, jȩchä̧kua̧sä̧. Jua'amä̧ Chä'o ukuo jäwä, I̧tti̧nä̧ i̧jȩpa̧ pä'ü.

TÄ̧DO Ä̧CUÄ̧ I̧HUȨNȨ

¹³ O'ca juiyönä chi̧mi̧nä̧ jäcuhue'ätucumä iyösä, I̧tti̧ Jä'o öadihuä i̧jȩpä̧cua̧'a̧nö̧.

San Juan 14:13 Referans Kwoze

San Juan 15:7

Ukutu ttünä̧ ku̧ja̧kuä̧tu̧ku̧ttü̧mä̧ ja̧'wa̧ta̧nü̧ ttü chi̧wȩnȩ ukutunä̧ kka̧ku̧ttü̧mä̧, pä̧wä̧rü̧jü̧mä̧ o'kajuiyünä̧ jä'epätukui, jäkuepätukuomȩnä̧ iyäwäkua'a.

San Marcos 11:24

Ja̧'wa̧nü̧ ja̧'a̧ttü̧, pädäu̧jä̧ o'kajuiyünä̧ kua̧'kua̧ wȩnä̧rü̧, Dio-rü ukuoku jäkuepätukumä̧, täkü tȩmä̧kuo̧tü̧jä̧ pä'ü esetätukui, kuesetätukuomȩnä̧mä̧, kuȩmä̧kuo̧tü̧jä̧.

San Mateo 21:22

Ja̧'wa̧nü̧ ja̧'a̧ttü̧ ukutu o'kajuiyünä̧ kua̧'kua̧ wȩnä̧rü̧ Dio-rü ukuoku jäkuepätukumä̧, kuȩmä̧kuo̧tü̧jä̧.

San Mateo 7:7

Jä'epätukui, Dio-mä̧ iyäkuäu̧jä̧; usätukui, kusätukumä̧ ku̧'o̧kui̧'ä̧kuo̧tü̧jä̧; äpatenä̧ wopätukui, wo'kuätukuomȩnä̧ bawekuäkua'a.

1 Juan 5:14

Pa̧'a̧nü̧ jo̧mȩttü̧ Dio-rümä̧ ta̧'kua̧ wȩnä̧rä̧tü̧jä̧, Churutä pä̧wä̧rü̧jo̧mȩnä̧ jätepomenä̧mä̧, Jua̧u̧mä̧ ä̧ju̧kuä̧tü̧jä̧ pä'ü tu̧wo̧jua̧'a̧ttü̧.

San Juan 16:23

Ji̧yȩnü̧ mo̧ro̧mä̧, täkü jä̧kuȩpä̧rä̧tu̧kuo̧ko̧ku̧ chä̧kua̧sä̧. Isopäi'ünä̧ pä'üsä ukuturu: Chä'orü ttü chi̧mi̧nä̧, jäkuepätukumä̧, o'kajuiyünä̧ i̧yä̧kuä̧u̧jä̧.

1 Juan 3:22

Ja̧'wa̧nü̧ jo̧mȩnä̧, o'kajuiyünä̧ jätepümä̧ Dio-mä̧ i̧yä̧kuä̧u̧jä̧. Chutä i̧wȩnȩ weütä ukuotü ja̧'wa̧ta̧nü̧ üjü'kütä jȩpü̧ tü̧ja̧kua̧'a̧ttü̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Juan 14:14

O'kajuiyünä̧tä̧, ttü chi̧mi̧nä̧ jäkuepätukumä̧, jȩchä̧kua̧sä̧.

Santiago 5:16

Ja̧'wa̧nü̧ ja̧'a̧ttü̧ surojü jȩ'kuä̧'i̧jä̧tu̧ku̧mä̧ kkorotünü̧ku̧ ji'äkuäu ikuätukui, ja̧'wa̧ta̧nü̧ kkorotünü̧ku̧ Dio-rü ukuokuätukui nattä̧chä̧ji̧ ttü̧'i̧pä̧kua̧'a̧nü̧. Adiu jȩä̧kuä̧wä̧ i̧sa̧ Dio-rü ukuokuomȩnä̧mä̧ ujuru kka̧'a̧.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

Santiago 1:5

Ja̧'wa̧ta̧nü̧ ukututtü ya̧tȩ wo̧juä̧wä̧ wȩnȩ juiüttümä̧, Dio-rü jä'epätukui, jua̧u̧tä̧ ja̧'a̧ o'katoi'ünä̧rü̧ rü̧ä̧nä̧ iyümä̧; ja̧'wa̧ta̧nü̧ yawokuoka'atä iyü.

Efesios 3:12

Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.

San Juan 16:26

Ji̧yȩnü̧ mo̧ro̧ täkü jueünä̧ chi̧mi̧nä̧ jäkuepäkuotüjä̧ Chä'orü; ttü jädepiyätukuaku pä'ümä̧ rekuä rü̧jo̧ka̧'a̧ jä̧kua̧'a̧.

San Juan 10:30

Chä'oku, ttükumä̧ ji̧nä̧ ji̧yȩtȩ wotüjä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

Colosenses 3:17

Ja̧'wa̧ta̧nü̧ o'kajuiyünä̧ jȩ'kuä̧tu̧ku̧'i̧nä̧, kukuokuätuku'i̧nä̧ Tu̧ru̧wa̧ Jesú i̧mi̧nä̧ jȩpä̧tu̧kui̧, Crito jȩi̧nü̧ esewätukui jä'o Dio-rümä̧.

San Juan 7:37

Ukuo mo̧ro̧, pä'käri rüjí kka̧'a̧, Jesú-mä̧ kkä̧mä̧dü̧ pä̧i̧ku̧nä̧ pä'inü̧: —Ya̧tȩ awa a̧di̧ri̧jü̧ttü̧mä̧, ttüku ichü ttüttü awi.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 12:44

Jesú-mä̧ pä̧i̧ku̧nä̧ pä'inü̧: Ttürü esetümä̧, ttürütämä̧ esetokü; Chä'o ttürü we'inü̧rü̧'i̧nä̧ esetü.

San Lucas 11:9

Ja̧'wa̧nü̧ ja̧'a̧ttü̧ ukuturu pä'üsä: Jä'epätukui, jäkuepätukuomȩnä̧mä̧ iyäwäkua'a; usätukui, kusätukuomȩnä̧mä̧ ku̧'o̧kui̧'ä̧kuo̧tü̧jä̧; wopätukui, wo'kuätukuomȩnä̧mä̧, ba'ekuäkuotüjä̧.

1 Pedro 2:5

Pa̧'a̧nü̧ jo̧mȩttü̧, Dio-mä̧ i̧no̧'kiyä wa'ü ikuoko'ki jä̧'i̧nü̧'a̧nü̧ jü̧nä̧ jȩä̧kuä̧u̧jä̧, Epíritu jäwä ojusode jü̧nä̧'i̧nä̧, ja̧'wa̧ta̧nü̧ ya̧tȩ sacerdote surojü jui̧'a̧ jü̧nä̧'i̧nä̧, Epíritu jäwänä̧ sacrificio jü̧nä̧ Jesucrito-nä̧ iyätukuaku pä'ü Dio esewomȩnä̧.

San Juan 5:19

Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧.

Hebreos 13:15

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ Dio-rümä̧ 'kuäopünä̧tä̧ usurä ȩmä̧u̧nu̧ teseäkuäwa pä'ätukuirü; ¡Jua̧u̧mä̧, tänä̧ räopa'a u̧wä̧ju̧, i̧mi̧ teseäkuäumä̧!

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

Efesios 3:14

Pa̧'a̧nü̧ jo̧mȩttü̧ chiwe'kiyunä̧ pä̧mä̧dü̧ Chä'o Dio-rü ukuokusä,

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

San Juan 16:7

Ja̧'wa̧nü̧ ja̧'a̧nä̧, isopäi'ünä̧ pädäu̧jä̧: Ttü chi̧'cha̧ pä'ümä̧ rekuä rü̧ja̧'a̧; chi̧'chü̧juiyüttümä̧ ppädäkuäwä i̧sa̧mä̧ ichü juiyü'anü̧ ja̧'a̧; chi̧'cha̧'a̧ttü̧ ukuturu wȩdä̧kua̧.

San Juan 13:31

Ja̧'wa̧nü̧ ja̧'a̧, Juda-mä̧ räopächäji o'ka'a, Jesú-mä̧ pä'inü̧: —Jitämä̧, Ubo I̧tti̧ ukuo jäwä i̧jȩpü̧ kku̧na̧'a̧ ja̧'wa̧ta̧nü̧ Dio ukuo jäwä'i̧nä̧ jua̧u̧nä̧tä̧ i̧jȩkuä̧cha̧'a̧.

1 Corintios 14:13

Ja̧'wa̧nü̧ ja̧'a̧ttü̧, kkoro wȩnȩnä̧ kukuokuttümä̧, Dio-rü ukuoku jä'epi, jua̧u̧ wäjuönä̧ rä'epü iku jikuäwäkua'anü̧.