San Juan 14:12 - Nuevo Testamento Uwotjüja

¹² Isopäi'ünä̧ pädäu̧jä̧: Ttürü esetümä̧, ttü jȩchü̧mä̧ jȩä̧kua̧; juȩnȩ abonä̧nü̧ rü̧ jäwä'i̧nä̧ jȩä̧kua̧, Chä'o ü̧jo̧mȩ chi̧'cha̧'a̧ttü̧.

TÄ̧DO Ä̧CUÄ̧ I̧HUȨNȨ

¹² Iso päi'önä pä'ösä ucuturu, ttörö esetömä, ttö jȩchö̧'a̧nö̧ jȩä̧cua̧. Ja̧'hua̧ta̧nö̧ ttö Chä'o ö̧ja̧'a̧ chi̧'cha̧'a̧ttö̧, ttö jȩchö̧ttö̧'i̧nä̧ abonänö adihuä juäi jȩä̧cua̧ ttörö esetömä.

San Juan 14:12 Referans Kwoze

San Mateo 21:21

Jesú ädätinä̧u̧: —Isopäi'ünä̧ pädäu̧jä̧, 'kikuekuätukuoka'a jueünä̧tä̧ kua̧'kua̧ ku̧wȩnä̧rä̧tu̧ku̧ttü̧mä̧, suro higuera isäinä̧ 'kuäopäjitämä̧ jo̧ka̧'a̧ jä̧kua̧'a̧; pi'ka mü̧ä̧'ka «juorü tü'ipächü, rü̧ä̧ duborara̧'a̧ ma̧'ä̧chi̧ päkuätukuttü'inä̧,» ja̧'wa̧ta̧nü̧ jä̧kua̧'a̧.

San Marcos 16:17

Ja̧'wa̧ta̧nü̧ esetätümä̧, pi̧yȩ tottünä̧ jȩttä̧kuo̧tü̧: Ttü chi̧mi̧nä̧mä̧ epíritu suropätürü'i̧nä̧ rä'epä'chü ttikua'anä̧, jareü wȩnȩ'i̧nä̧ ttukuokuäkuotü;

Hechos 16:18

Ja̧'wa̧nü̧tä̧ jȩpi̧nä̧ju̧ rekuäinä̧ mo̧ro̧ ja̧'wa̧nü̧ jȩji̧yä̧ku̧ Pauru-mä̧ kkärächi'ü, juäjunä̧ kkü̧ epíritu su̧ro̧pa̧rü̧ pä'inü̧: —Jesucrito i̧mi̧nä̧ wedäkujä̧, juäjuttümä̧ räkuopächa pä'ü. Ja̧'wa̧nü̧ päomȩnä̧, yotäku rä'opächinü̧, epíritumä̧, juäjuttümä̧.

Hechos 9:34

Jua̧u̧ru̧ Peduru-mä̧ pä'inü̧: —Enea, Jesucrito aditü ikuäkujä̧; ä̧rä̧mi̧'ü̧ kuiäre camatä̧ aditi. Päomȩnä̧ Enea-mä̧ yotäku ä̧rä̧mi̧'i̧nü̧.

Hechos 19:12

ja̧'wa̧nü̧ ja̧'a̧ttü̧, Pauru mȩä̧ji̧ o̧'ko̧'o̧ta̧ pañuelo o̧ta̧'i̧nä̧, pü̧jä̧ti̧yu̧'i̧nä̧ ȩpi̧nä̧tü̧ ttü̧ja̧mä̧, ja̧'wa̧nü̧ ja̧'a̧ na̧'ä̧chä̧tü̧ ttu̧wä̧mȩ ttu̧wȩno̧mȩnä̧ ttumä̧richeittü pȩji̧pȩ'i̧nä̧tü̧ ja̧'wa̧ta̧nü̧ epíritu-tu̧ suropätü'i̧nä̧ juätü ttü̧jä̧u̧ttü̧mä̧ rä'ekuächä'chinä̧tü̧.

Hechos 9:40

Ja̧'wa̧nü̧ ja̧'a̧, Peduru-mä̧ o'katoi'ünä̧rü̧ rättopächünä̧ we'ü ikuäji̧'ka̧, iwe'kiyunä̧ kkä̧mä̧dü̧, Dio-rü ukuoku pä'inü̧: —«¡Tabitá, ä̧rä̧mi̧'i̧!», päomȩnä̧, kki'äre ye'ädü Peduru-rü tojomȩnä̧, pä'äji ta̧'a̧nü̧ adiu pä'i'inä̧ju̧.

Hechos 8:7

Rekuätü epíritu-tu̧ suropätürü kku̧nä̧rä̧tü̧'i̧nä̧ adiu pȩji̧pi̧nä̧tü̧; juätü ttü̧ja̧ttü̧ rä'ekuächümä̧ wopinä̧tü̧; ja̧'wa̧ta̧nü̧ rekuätü parárisi mä̧richei na̧nȩpä̧tü̧'i̧nä̧, tti̧'chü̧ juiyünä̧ wotü'i̧nä̧ adiwächinä̧tü̧.

Hechos 5:15

Na̧nȩpä̧tü̧rü̧mä̧ u̧mi̧ mä̧nä̧ku̧ rä'epü rütinä̧tü̧, cama-nä̧'i̧nä̧, ttü̧'ä̧biyänä̧'i̧nä̧ ttü̧'ȩja̧'a̧, Peduru 'kuäopomȩnä̧ a̧'kua̧juä̧nä̧'tä̧'i̧nä̧ ttumä̧richeittü ttü̧'ȩji̧'a̧ pä'ü.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Hechos 4:4

Ja̧'wa̧nü̧ ja̧'a̧nä̧, jittäwa'a ä̧ju̧kuä̧jä̧tü̧mä̧, rekuätü esetinä̧tü̧; suro u̧mä̧tü̧tä̧mä̧ cinco mil jo̧mȩnä̧ ji̧na̧'a̧.

San Juan 16:7

Ja̧'wa̧nü̧ ja̧'a̧nä̧, isopäi'ünä̧ pädäu̧jä̧: Ttü chi̧'cha̧ pä'ümä̧ rekuä rü̧ja̧'a̧; chi̧'chü̧juiyüttümä̧ ppädäkuäwä i̧sa̧mä̧ ichü juiyü'anü̧ ja̧'a̧; chi̧'cha̧'a̧ttü̧ ukuturu wȩdä̧kua̧.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

San Juan 7:33

Ja̧'wa̧nü̧ ja̧'a̧ Jesú-mä̧ päinä̧u̧: —Suro a̧'u̧kua̧'a̧tä̧ ukutukumä̧ chü̧jä̧kua̧sä̧, kki̧'i̧pü̧'ka̧ ttürü we'inü̧ ü̧ja̧'a̧ ppa̧dä̧chä̧kua̧sä̧.

Romanos 15:19

Tottokü jä̧'i̧jü̧ tottünä̧'i̧nä̧, kkorojuei ttiweyeku'i̧nä̧, Epíritu Sa̧tu̧ ujurunä̧ aditinü̧sä̧. Ja̧'wa̧nü̧ aditinü̧sä̧ jareü wȩnȩ Jerusarȩ́-ttü̧ kkä̧mä̧dü̧, kkara'a'i̧nä̧ o'kajuiyünä̧, Irírico rȩjȩbü päi'ünä̧.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

Hechos 4:16

—¿Däjé jȩta̧'a̧jä̧ttü̧ pitürümä̧? Isopäi'ünä̧ Jerusarȩ́ ttü̧ja̧mä̧ o'katoi'ünä̧ ä̧ju̧kuä̧jä̧tü̧, pitü jȩtto̧kü̧ juei jȩttä̧ja̧'a̧mä̧, jua̧u̧ to'ija̧'a̧ku̧ päta pä'ümä̧ juiya'a.

San Juan 14:28

Täkü ä̧ju̧kuä̧jä̧tü̧jä̧ pa̧'a̧nü̧ pädümä̧: 'Chi̧'i̧pü̧'ka̧'i̧nä̧ pä'äjita'anü̧ ukututäku ppa̧dä̧chä̧kua̧sä̧ päda'amä̧. Isopäi'ünä̧ ttürü eseu repekuätukuttümä̧, rü̧ȩnä̧ esewajatüjä̧, Chä'o ü̧ja̧'a̧ 'chü̧sä̧ päda'a kuä̧ju̧kuä̧tu̧kua̧'a̧ttü̧, jua'amä̧ Chä'omä̧ ttüttü'i̧nä̧ abonä̧nü̧ wa̧ ja̧'a̧ttü̧.

Hechos 10:46

Ja̧'wa̧nü̧ ja̧'a̧, ttä̧ju̧kui̧nä̧u̧ kkoro wȩnȩnä̧ ttukuokua'a, Dio-rü eseu.

Hechos 4:33

Apótore-mä̧, rü̧ȩnä̧ ujuru kkü̧nä̧ ji'äwinä̧tü̧ Jesú wa'arettü ttoächinü̧ wȩnȩmä̧. Ja̧'wa̧nü̧ jo̧mȩnä̧ o'katoi'ünä̧ tteseäkuäu kki̧na̧'a̧.

San Marcos 11:13

Ja̧'wa̧nü̧ ja̧'a̧, higo kuäwäi, ojiyä kkäi, otó kka̧'a̧ topü, juäiku 'chä̧wi̧'i̧nü̧ u̧wä̧ju̧'i̧nä̧ a̧'u̧ku̧nä̧ wȩjü̧'a̧nü̧ ja̧ pä'ü; i̧'chi̧'o̧mȩnä̧, suro ojiyätä po̧kui̧pi̧nü̧, u̧wä̧ju̧ wȩjü̧ pä̧nä̧ jo̧ka̧'a̧ttü̧.

San Juan 4:37

Ja̧'wa̧nü̧ ja̧'a̧ttü̧ päwämä̧, pä'ätü: Ya̧tȩ ja̧'a̧ kku̧nä̧wä̧ ru̧wa̧mä̧ ja̧'wa̧nü̧ ja̧'a̧nä̧ kka̧ra̧ ja̧'a̧ ka̧ka̧kuä̧ i̧sa̧mä̧, jü̧nä̧.

San Juan 5:20

Isopäi'ünä̧ Jä'omä̧, I̧tti̧rü̧ eseu repea'attü̧, o'kajuiyünä̧ jȩü̧mä̧ i̧jȩpä̧ku̧; ja̧'wa̧ta̧nü̧ pi̧yȩttü̧'i̧nä̧ abonä̧nü̧ rü̧ȩnä̧ jü̧ i̧jȩpä̧kuä̧u̧jä̧, too to̧'kuä̧rä̧tu̧ku̧nä̧ päi'ünä̧.