San Juan 14:11 - Nuevo Testamento Uwotjüja

¹¹ Esetittü, ttümä̧ Chä'oku kkü̧sä̧ ja̧'wa̧ta̧nü̧ Chä'o'i̧nä̧ ttünä̧ kkü̧; ja̧'wa̧nü̧ jü̧ juiyüttü'i̧nä̧, jȩchü̧ttü̧ topü eseti.

TÄ̧DO Ä̧CUÄ̧ I̧HUȨNȨ

¹¹ Ttöcu, Chä'ocu ji̧nä̧ ya̧tȩtä̧ ja̧'a̧ esetätucui. Ja̧'hua̧nö̧ cuesetätucu juiyöttömä, ttö jȩchö̧mä̧ tocu'ätucumä esetätucui.

San Juan 14:11 Referans Kwoze

San Juan 10:38

Ja̧'wa̧nü̧ ja̧'a̧nä̧, ttürü kuesetätuku juiyüttü'i̧nä̧, jua̧u̧ jȩchü̧ttü̧tä̧ topü esetätukui; Chä'o ttünä̧ ü̧jü̧'i̧nä̧, pärokua'aku Chä'onä̧ Ttü chü̧jü̧'i̧nä̧, jü̧mä̧.

San Juan 5:36

Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧.

San Juan 10:25

Jesú-mä̧ ädätinä̧u̧: —Jidäwä'ijä̧u̧jä̧, jidäwa'anä̧ kuesetätukuokoku pä'ijüsä. Chä'o i̧mi̧nä̧ jȩchä̧'i̧jü̧mä̧, ji̧yȩtä̧tä̧ i̧jȩpa̧'a̧ ttü chütü'kümä̧.

San Juan 14:10

¿Kuesetoka'a, Chä'o ttünä̧ ü̧ja̧'a̧mä̧ ja̧'wa̧ta̧nü̧ Ttü'i̧nä̧ Chä'oku chü̧ja̧'a̧mä̧? Ttü chukuokumä̧, ttütä cha̧mü̧nä̧ pa̧ja̧tü̧mä̧ ukuokuoküsä. Jua̧u̧ ttünä̧ kkä̧nü̧tä̧ o'kajuiyünä̧ jȩpü̧.

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

San Juan 10:32

Jȩtti̧pi̧yä̧ku̧ Jesú-mä̧ päinä̧u̧: —Chä'o ujurunä̧mä̧ rü̧ȩnä̧ adiwä juei jȩpä̧'i̧jü̧sä̧; ¿Jua̧u̧ jä̧'i̧jü̧ttü̧mä̧, ti̧yȩ suronä̧ jȩchä̧'i̧ja̧'a̧, ttürü ikuäu kuä'ü kuikuätukua päkuätukua'ajä̧ttü̧?

San Juan 14:20

Ji̧yȩnü̧ mo̧ro̧ ukutumä̧ ku̧wo̧jui̧pä̧kuo̧tü̧jä̧, ttü Chä'onä̧ chü̧ja̧'a̧mä̧, ja̧'wa̧ta̧nü̧ ukutu ttünä̧ ku̧jä̧tu̧kua̧'a̧mä̧ ja̧'wa̧ta̧nü̧ ttü'i̧nä̧ ukutunä̧ chü̧ja̧'a̧mä̧.