San Juan 14:10 - Nuevo Testamento Uwotjüja

¹⁰ ¿Kuesetoka'a, Chä'o ttünä̧ ü̧ja̧'a̧mä̧ ja̧'wa̧ta̧nü̧ Ttü'i̧nä̧ Chä'oku chü̧ja̧'a̧mä̧? Ttü chukuokumä̧, ttütä cha̧mü̧nä̧ pa̧ja̧tü̧mä̧ ukuokuoküsä. Jua̧u̧ ttünä̧ kkä̧nü̧tä̧ o'kajuiyünä̧ jȩpü̧.

TÄ̧DO Ä̧CUÄ̧ I̧HUȨNȨ

¹⁰ Ttöcu, Chä'ocu ji̧nä̧ ya̧tȩtä̧ ja̧'a̧ ¿esetocöjä tä̧ji̧? Ucuturu jidäumä, ttörötä pä̧huä̧ rö̧jo̧mȩnä̧ ji'ähuocösä. Chä'o, ttöcu kö̧mä̧, churutä pä̧huä̧ rö̧jo̧mȩnä̧ adita'a.

San Juan 14:10 Referans Kwoze

San Juan 5:19

Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧.

San Juan 10:38

Ja̧'wa̧nü̧ ja̧'a̧nä̧, ttürü kuesetätuku juiyüttü'i̧nä̧, jua̧u̧ jȩchü̧ttü̧tä̧ topü esetätukui; Chä'o ttünä̧ ü̧jü̧'i̧nä̧, pärokua'aku Chä'onä̧ Ttü chü̧jü̧'i̧nä̧, jü̧mä̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Juan 12:49

Jua'amä̧ ttütä chüjü'komȩnä̧mä̧, chukuokuoka'attü̧; Chä'o ttürü we'inütä̧, iyinütä̧ chukuokua'attü̧.

San Juan 10:30

Chä'oku, ttükumä̧ ji̧nä̧ ji̧yȩtȩ wotüjä̧.

San Juan 8:28

Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

Colosenses 2:9

Ja̧'wa̧ta̧nü̧ o'kajuiyünä̧ Dio jäwämä̧ Crito-nä̧ kka̧kua̧'a̧ topätüjä̧,

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

San Juan 5:17

Ja̧'wa̧nü̧ jä̧ku̧, Jesú-mä̧ päinä̧u̧: —Ttü Chä'omä̧ jitäbü päi'ünä̧ aditü ja̧'wa̧nü̧ ja̧'a̧ttü̧ ttü'i̧nä̧ aditüsä.

1 Juan 5:7

[Mo̧ro̧jä̧nä̧ttü̧ ji'äwätümä, wä̧mȩtukuä ja̧'a̧: Jä'o Dio'i̧nä̧, I̧wȩnȩ'i̧nä̧, Epíritu Sa̧tu̧'i̧nä̧, jü̧nä̧.] Juätü wämetukuämä̧ ji̧nä̧ ya̧tȩ wotü ja̧'a̧.

2 Corintios 5:19

Dio-mä̧, Crito-nä̧tä̧ a̧mü̧nä̧ pa̧ja̧tü̧ pi̧jä̧ ttü̧ja̧rü̧ esekuinü̧, suronä̧ jȩttä̧'i̧jü̧mä̧ toäkuäwä juiyünä̧, ujuturumä̧ eseku ikuäwä wȩnȩ jitäwiyarü pä'ü we'inü̧.

San Juan 8:38

Ttümä̧, chä'ottü tochinü̧tä̧ ukuokusä; ukutumä̧ kuä'otüttü̧ kuä̧ju̧kui̧nä̧tu̧ku̧tä̧ jȩpä̧tü̧jä̧.

Colosenses 1:19

Isopäi'ünä̧ Dio-mä̧ jua̧u̧ Crito-nä̧tä̧, Chutä ujuru o'kajuiyünä̧ kka̧ pä'inü̧,

San Juan 14:20

Ji̧yȩnü̧ mo̧ro̧ ukutumä̧ ku̧wo̧jui̧pä̧kuo̧tü̧jä̧, ttü Chä'onä̧ chü̧ja̧'a̧mä̧, ja̧'wa̧ta̧nü̧ ukutu ttünä̧ ku̧jä̧tu̧kua̧'a̧mä̧ ja̧'wa̧ta̧nü̧ ttü'i̧nä̧ ukutunä̧ chü̧ja̧'a̧mä̧.

San Juan 7:16

Jesú-mä̧ ädätinä̧u̧: —Ttü chu̧wo̧juȩtü̧mä̧, ttü jäwämä̧kü̧ ja̧'a̧, ttürü we'inü̧ jäwä ja̧'a̧.

San Juan 8:40

Ja̧'wa̧nü̧ ja̧'a̧nä̧, kuä'ü kuikuätukua päkuätukuäkusä, Dio-ttü chä̧ju̧kui̧nü̧ jueü wȩnȩ jidäwa'anä̧. ¡Abraha̧-mä̧ ja̧'wa̧nü̧mä̧ jȩpo̧kü̧ pinü̧!

San Juan 11:26

Ja̧'wa̧nü̧ ja̧'a̧ttü̧ o'katoi'ünä̧ a̧'kua̧rä̧tü̧, ttürü esetätümä̧ yoriso 'korujuo'ächokotü ttäkuotü. ¿Pa̧'a̧nü̧ pädümä̧ esetäjujä̧?

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.

San Juan 14:11

Esetittü, ttümä̧ Chä'oku kkü̧sä̧ ja̧'wa̧ta̧nü̧ Chä'o'i̧nä̧ ttünä̧ kkü̧; ja̧'wa̧nü̧ jü̧ juiyüttü'i̧nä̧, jȩchü̧ttü̧ topü eseti.

San Juan 14:24

Ttürü eseu repe'okümä̧, ttü chi̧wȩnȩ ukuotokü; ttü chukuokua'a kuä̧ju̧kuä̧'i̧jä̧tu̧ku̧mä̧, ttü chi̧wȩnȩmä̧kü̧, ttürü we'inü̧ Chä'o i̧wȩnȩ ja̧'a̧.